JALAI PENGERINDU

Tusun ke 16

TAJUK:JALAI PENGERINDU
DIKARANG:LIVEANNEROSE

Tusun ke 16

Pengudah Stefan pansut ari bilik pangking Grace alu berasai amat malu.
Ati Grace bercampur baur ni ke ka meri ati iya ka ketawa ni ke meri ati iya malu semua bisi magang.

Grace alu ningkap ba tilam baka peningkap baya.
"Nai.. Malu ku" ko dalam ati Grace ketawa ngingat ke pengawa seduai iya tadi.
Grace mina berkurung dalam bilik laban ke malu meda mua Stefan nyamai nganti Veanne sekali baru iya nurun ke baruh.

Pukul 7 malam Veanne datai di rumah laban tadi bisi pengawa bukai deka digaga iya nya meh kebuah pulai laun.
Veanne pansut ari dalam kereta meda gaya rumah nyau baka ke sunyi kini enda dua iku nya ko ku pia ko Veanne mucau berjaku kediri.

Veanne alu muka pintu tang enda dikunci, bisi urang meh ditu enti pia.

"Grace... Oo.. Grace ni nuan patuk?"

Veanne alu nutup pintu udah nya mansang ngagai mangku sofa duduk laban nyau lelak.
Asi ke tapau iya ungkup sida tiga nya tadi dengkah ke iya ba atas mija.

Grace alu nurun ari atas bakanya mega Stefan.
Veanne angkat nuju ngagai dapur deka ngambi sudu kena makai laban ke enggai ngena sudu plestik tajam.

Grace seduai iya Stefan udah duduk ba mangku sofa bela tetuchum lain, malu-malu gaya meh Grace tu tadi.
Veanne agi berdiri ngelila ke mua Grace nyau merah pia mega abang Stefan.

Veanne ngangkat ke bulu kening kanan iya ke atas enggau mulut iya singit ke tisi, perening iya Grace, perening iya ga Stefan berapa kali Veanne ke merening seduai siku-siku.

"Ehem! Anang madah ke aku seduai ngaga perujik tadi"
Veanne alu duduk ba mangku sofa udah nya pasang iya tibi ka meda cerita ke udah rakam iya empu laban ke mayuh pengawa nadai ari meda ba tibi.

Veanne nyua ke asi tapau ngagai Grace udah nya Stefan.
Udah tembu makai Veanne minta diri mandi dulu legi nyambung jerita korea iya.
"Nai.. Anang nyetup iya kami ka meda"
"Abang.. Anang sampai aku muai jerita gusti nuan ulih?"

Veanne alu jampat-jampat niki tangga deka mandi.
Grace alu malu-malu merening Stefan ke ngirup ai kupi.
"Nama tuchum-tuchum wai"
"Nama deh enda ulih pia?"
Stefan alu angkat duduk sepiak Grace.

"Ulih.. Kenyang makai tadi"
"Auk.. Kenyang ar"
"Ermm... Enti aku makai nuan kenyang ku"
"Anang macam-macam nuan"
"Nadai nya salah deh"
Jaku Stefan cukup lembut berjaku enggau Grace, sampai ati Grace terkuing ngagai iya aja.

Grace alu gali ba pah Stefan, udah nya Stefan nunduk ke palak iya damping ngagai mua Grace.
Seput Stefan ulih dasai ke Grace laban mua Stefan kelalu damping.
Stefan alu nyium mulut Grace bakanya mega Grace malas nyium mulut Stefan.

"Ulih aku nyadi sulu nuan"
"Meri aku masa meh Stefan"
"Auk.. Tang asal nuan nemu aku sigi nganti nuan nyadi ke sulu aku"
"Hihi.. Nganti aku udah sedia aku madah"
"Auk berunding dulu meh"

KUCHING SARAWAK

Thomas enggau Diana udah mula diting kini ke siku kia meh siku.
Jerita seduai berpangan udah temu semua urang ba Sepital nya tang urang enda kiruh mina anang mai hal bakanya maya ngereja.

"Pulai legi mandi terus aku deka mai nuan ngagai endur siti"
"Auk meh nitih ke nuan aja tu"
"Pia meh... Nya baru sulu ku"

Thomas alu nyubit kuyu Diana nyau baka gula seduai kelalu rumantik amat.

Malam nya Diana udah sedia nganta tumu berkena ke baju gaun panjai nyau peda pala tusu iya ngambi ke Thomas bisi ngambi ati agi ngagai iya.

Munyi kereta ngerempit ba luar rumah, Diana alu nyapai dumpit enggau talipaun iya berumban enggai ke Thomas nganti lama.