العقوق ✨ ( مكتمله )

الحـلقـه الخامسـه 💍💗

#العقوق ✨

....<< الـحـلـقـه الـخامسـه 🦅💛 >>....

.... < روايـات كـارمن 🎶💛 > ....

————————————————-
فـي الصبح ...

سمـر ونغم ....
سمـر :- لالا لهنـي وخلاص ... وربي لمى نمشيله ....
نغم :- هدي روحك سمـر ... انتـي عارفه مشاكل حوشه .. اصبري بالكي يجي ...
سمـر < بعصبيه > :- نغم بتمشي معاي ولا لا ؟
نغم :- هي بروحها حالته زي سمر ... اي اي به هي ....

طلعـو ووصلو لحـوشهم ... وهما خائفات عليـه ومن بـوه لانه مـراد منبههم 💗 ...

وصلـو ....

طق طق طق طق .....

سمـر :- ياربي خيره مافتحش...
نغم :- سمـر اسكتي تخوفي فيا معاك ... طق طق طق

————————————

عنـد مـراد ....
كان راقد على الصـالون من التعب ، خلاص لين خـش في كآبـه ، قـاطعه صـووت تخبيط البـاب .... فتـح عيـونه ، عين مغمضه وعين مسكـره .... ومشـي يفتح الباب ✨ ..

مـراد :- منـي ؟
سمـر :- نصدمة وجت بتقول .سمـ...
نغم :- احم انـي نغـم ...
فتح مـراد البـاب وهو مـش واعـي زيـن ....
مـراد :- ههه جيتتـي ... وحضـنها طـوول ...
نغم :- 😳😳تجمدت في مكانها من لقطـة مـراد ... ءءء مـراد خيرك باعـد ...
امـا سمـر 💔 :- كانت تشبحله بنظرة مكسوره 💔 لانها حسـت انه فضل نغم عنهـا 💔 وفي نفس الوقت خايفه لانه شكله كاان تعبان بكـل 💔 .... مع ذلك اكتفت بالسكـووت ...
مـراد :- نغمم امـييي 💔 امـي مااات وخلتني بروحي .. ورد حاضنها بقوووة 😭💔 ....
سمـر :- خخخ خـالتي فـاتنن 💔 .... طاحت وقعدت تبكـي لانها كانت تحبها هلبااا ، حتى لو مش ديما تشبح فيها يكفي انه مـراد يفرح لما يكلمها 💗 ...
ونغم :- قعدت تبكـي مع مـراد 😭💔 .... وحضناته حتى هـي 💔 .....

سندت مـراد ودخلاتـه ... اتكـي على الـصالون ، وحط رااسـه على رجليهـا .. نغـم كانت خاايفه من الي تدير فيه بس كانت عارفه انه مـراد محتاجلها ✨ ... وهكـي نقـدرو نقـولو انه قـدر يرقد بـراحه وسلام 💗 ....

سمـر بحـد ما شبحت اللقطه زادت تبكـي 💔 ... وبعدين مسحت دموعها وناضلت ...
سمـر :- ءءء نمشي نجيب حاجات ناكلوها .. ديري بالك عليه 💔 ....
نغم :- ابتسمتلها .....

————————————-

.... < روايـات كـارمن 🎶💛 > ....

عنـد حـووش نغـم ....

خـش بشيـر للحـوش ✨ ... وجـااته نجـاة تجـري ...

نجـاة :- وين نغم لتوه ما جـت ؟ ....
بشيـر :- وين نندري عليها ، اكيد في محاضرتها !!...
نجـاة < بعياط > :- تي كيف ماتندريش على البنت وين !؟ المفروض مروحه من امبكري !!!...
بشيـر < وهو معصب > :- عندها تلفـوون ولاه كلميهـا منه ؟ ماهيـش عيله هيا !.....
نجـاة :-بعياط .. لااا بالكي تحسابني نستنى فيك تقولي ؟؟؟ تي اتصلت بيها وبسمر مايردوش 💔 ....
بشيـر :- ربحـتي خلينـي في حالي ... الي فيني مكفيني ارجووك .....
نجـاة :- شننن ربحت ! وشن خليني !! بنتك هادي راه !!! كانك ناسيهااا يعني !! ...
بشيـر :- اي عارفها عارفها بنتي ... بنت مني يعني ؟؟؟ اكيد مش بنت الجيـران !!!...
نجاة :- بالله ، توه كلام واحد عاقل هذا !! المفروض تدور عليها وين لتوه ؟؟؟....
بشيـر :- راني ساكتلك هلبا .. مش معناها تاخدي راحتك !!! ... وإلا اقسم بالله تشبحي وجهي التأني ...
نجـاة :- شن بتدير 😒 بتضربنـي ؟؟...
بشيـر :- اي نضربك ونصصص ...
نجـاة :- ماكش راجل هذا ....
ويقص عليها كف من بشيـر :- بسرررعه حوايجك وحوش بوووك يـلااا ..... ماعندكش قعاد هنـي وورقتك توصلك !...
امـا نجـاة قعدت تبكـي ... وكلمت خوها يجي يرفعها ...