شـيـنـة لـكـن النصيب قال كـلـمـته 💓

الجزء ال 24

خالدة : خيره هذا
ريناد : من قصدك رواد !
خالدة : ايه 😰 مضايق ياناري ( طبعا خالدة قالت الكلام هذا من غير ما تحس بروحها )
احمد : هيا اركبوا
ريناد : بالله يا احمد افتح ع اغنيه و قوي الصووت نبي نصور سناب 😍
احمد : حاضر 😊 و فتح اغنيه ( احمد السوكني : يالله يارب اتم الحرب في بلادي و ناخد اللي نحب  يا الله )

خالدة : تتصل ب رواد و هاتفه مقفل
ريناد : كانت طول الطريق تصفق و مدايره جووو و تغني
احمد : هيي شن اديري
ريناد : بنطلع من الروشن نصووور بليييييز
احمد : خلاص انا بنقص السرعه ردي بالك
ريناد : لااااااا 😫 توا يفوتونا السيارات  بليززز متنقصش السرعة
احمد : حاضر اللي تبيها بس ردي بالك
ريناد : سلمك 😊

خالدة : تفكر في في رواد و بس و قاعده في عالم ثاني و قالت في نفسها تـعرفوآ شن الحـاجه الحِلوه في هالدنـيا هـيآ انك تـاخدئ الشخـص الي تحـبيه وتبيه والي بنـيتئء مـعاه ڪل حاجه💙،الئء ؏ـلي قد مـاصار في هالدنـيا بينـاتكم مِـنْ خـلآفاتٌ ؛ ومنْ تدخـل الف واحد مِش يفرقكمْ بس مقدرش ومع هادا ؛ ڪسرتيهم وخديتيه💙،
الئء عـانيتي هـلبا انتِ وياه وفي الاخير خـديتوا وبعض ؛ وقعدتوآ حـلالْ بعضْ !
بعد شقئء ، ودموعْ ، وقيام ليلْ يكون ليكْ
واححِي محـلآها ڪآنه ربي استجابلكْ وعطآك
الشخـصْ الصح💙،
تخـشئ وراسكْ مرفوع انكْ خديتي سيد الرجـاله
وراسك مرفوعْ فوقْ وايدكْ في ايديهْ قدام ڪل
منْ قالك راهو يلعبْ عـليكْ فوتيه !
وتكـوني ليه ويكونْ ليكْ وتبنوآ حـياتكمْ
جمـيع وجنـب بعض💙💙😕!

السيارات كانوا هلبااا و الكل مروحين لـل الفيلا تبع رواد ؛ و فجأة خالدة شافت سيارة رواد قدامهم و فرحت 😍 قعدت تراقب فيه بعيونها
خالدة : الفرخ هذا وليش مصكر هاتفه !
ريناد : حي رواد هذا
احمد : ايه اهوا قدامنا
ريناد : باهي كيف لحق علي الجو
احمد : جوووك هذا سيارات و سلاح و دنيا 🤣
ريناد : مانحكيلكش 😍 ليا فترة ماحضرتش عرس و توا بنعيش كل لحظة في اليوم هذا
احمد :  شافلها
ريناد : 😊

خالدة : خيره وقف ؟ خيره هذا
احمد : درس سيارته جنب رواد خيرك وقفت ؟!
رواد : برااا 😡 برااا يا راجل
احمد & ريناد & خالدة : خيرررك شن فيه
رواد : فيه شخص يراقب فيااا ممكن قناص بعدوا اعليا احمد وراسك برااا كمل طريقك
خالدة : روااااد  نزلت من السياره وهي تبكي لا منخليكش بروحك تعالا روح معنا
احمد و ريناد كانوا مستغربين من خالده وخوفها ع رواد
رواد : بررري قتلك امشي مع خوووك ركبها للسياره ؛ هيا روحي مع خوك خالده و صكر الباب تي اطلع يا احمد وكان بيركب ع الموطوو
وفجاه بدي الضرب و طلق الرصاص
احمد : يا ساتر يارب نزلوا روووسكم لووووطه 
خالده : ع طول رفعت راسها و شافت رواد طايح ع الكياس ووووه اعلياااااا رواااد رووووواد طااااح يا احمد
خالدة : نزلت من السياره و خذت رواد في حضنها رواااااااااااااااد لاااااااااااااا باللهي متخلينيش رواااااااااد نوووووووووووووض خيررررررررررك مش قتلي متخلينيش مش وعدتني نووووووووووض
احمد : مش مستوعب شي و كان  يجري للمستشفي بسس
ريناد : اتصلت ب امها و معز و بوها 
خالدة : قاعده في الممر و كانت منهارة
ام رواد : يحليلي علي ولدي
احمد : كانوا ايديه كلهم دم  ومش مستوعب اللي صار
معز : يبكي يخبط علي الحيط كله مني انا خليتك بروحك يا صاحبي كله مني
خالدة : سمعاته وتفكرت رواد لما انهار في السياره و قالها انه مخنوق و حست بالذنب ياريتني قعدت معه ياروحي انا