طفولتي المشتتة

6

مسك ابوه الجوال بعصبيه واتصل على الحراس وطلب منهم يمسكون ريم وما يخلونها تطلع بعد دقيقتين وقف نايف وتوجه جهة الباب وقفه صوت اخوه سلطان : وين ودك تروح
نايف ببرود : ودي اروح اشوف وين انقلعت هالحيوانه
ساميا : لا تتعب حالك الحراس الحين يجيبونها
قاطعها نايف بعصبيه : انتي لا تتدخلين فاهمه وخرج وعلى الجميع علامات الاستفهام من عصبيته المفاجئه؟؟؟؟؟؟؟؟
ابو سليمان يوجه الكلام لاولاده واولاد اخوه : قوموا روحو شوفو وين طست بنت عمكم
ام سلمان بقهر : لا بارك الله فيها نكدت علينا بهذا اليوم
رن جوال ابو سلمان(الجد) وكانوا الحرس وخبروه انهم ما شافوها تنهد بقهر وسكر الخط ووجه الكلام لاحفاده : وش بعدكم تنتظرون قوموا شوفو البنت وين راحت وشوفو بين الفلل يمكن تخبت بزاويه من هالزوايا وبصراخ بسرعه
خرج احفاده من الغرفه وكان البعض يتحلطم لانهم عندهم مشاوير مهمه بهذا العيد وانلغت هاذي المشاوير بسبب ريم واكثرهم تحلطم سليمان للي ندم انه جابها ولو تركها عند البقاله بقلعتها.......

جلس الجد ابو سلمان على الكنبه بتعب وتنهد
مسك ابو سليمان يده : يبه لا تضغط على نفسك والبنت ان شاء الله بنلاقيها يمكن متخبيه في زاويه من زوايا الحديقه
ام سلماهذي بقهر : لا تضغط على نفسك وريم ستين داهيه وراها ان شاء الله ما ترجع ونخلص منها
ابو سلمان بقهر : انا ما يقهرني غير سوالفك انتي وابنك الغبي نايف كانه هاذي البنت مو منا صححي معلوماتك هاذي اسمها من اسمي وسمعتها من سمعتي واي شي يمسها بمس سمعتي وبصرخه فاهمه؟
وابنك الغبي للي اتزوج ساره انتقام من اهلها ما لقى غير ذي الطريقه ينتقم فيها هاذي هيه ساره اتزوجت ابن عمها ورجعت علاقتهم احسن من ذي قبل واحنا للي خسرنا ظلت هالريم شوكه بحلوقنا وبعصبيه قلي ويش استفدت من انتقام نايف
تقدم سلطان من ابوه : خلص يبه هدي لا ترفع الضغط عندك وتعوذ من الشيطان وان شاء الله ما يصير الا كل خير
ام سلمان بزعل : يعني انا الحين الغلطانه والشيخه ريم
قاطعتها زوجة سلطان : يا خالتي عمي قصده مو كذا
قاطعتها ام سلمان بقهر : خلص خلص انا فاهمه قصده خلي هالقعده للزفته ريم وقامت زعلانه
مسكها ابو سليمان بترجي : يمه اترجاك ابوي حالته تعبانه خلص لا تزيدي عليه اذا لي خاطر عندك اجلسي والعني الشيطان
جلست ام سلمان : ما ودي العن الشيطان ودي العن هالريم الكلبه الله ياخذها ويريحنا منها اتصل سلطان بنواف يسأله عن ريم طبعا كان الجواب انهم ما لقوها

قاعدين بالحديقه ومعصبين عالاخير صار لهم ساعتين يدورون عليها وما لقوها
نواف : يعني ملح وذاب وين راحت وتنهد بقهر
عمر : انا للي قهرني كل المشاوير انلغت اففففففف
بدر بقهر : انا لازم اقوم اتوطى ببطن سليمان ووجه كلامه لسليمان انت وش عليك منها خلها بالبقاله الله ياخذك انت السبب
سليمان بندم : افففففففف والله اندمت فكرت انتقم منها بس ما زبطت معي اخخخخ يالقهر
نواف بتعجب : بس غريبه هاذي البنت عمري ما شفت بقوتها ولسانها اعوذ بالله ملسووووووووونه بشكل الله يكون بعون للي رح يزوجها وتوجهت انظار الشباب لسليمان
سليمان : علامكم تناظروني!!!!!
الشباب بصوت واحد سلامتك وانسدحوا عالارض من الضحك
سليمان بقهر : تخسوون اتزوج هاذي الملسونه على الاقل لو مزيونه اشوى يعووووو ليه ما يتزوجها واحد منكم يالخبلان؟!
ضحك عمر وقال : لا ابد يالغالي بتعرف قانون البنت لولد عمها وانت مناسب لها اكثر انت عصبي وهي ملسوووونه رح تكون حياتكم اكشن وانسدح على الارض وهو يتخيل شكل سليمان وعروسته ريم وانسدح مره ثانيه على الارض من الضحك
قاطعهم بدر وضحك : ما اظن ريمووو توافق عليك شكلها مرتبه وضعها مع ابن الجيران وغمز للشباب ورجعوا مره ثانيه لنبة الضحك من جديد
قام سليمان بقهر من كلامهم : سخيفين
قاطعه عمه سلطان : حنا ننتظركم وانتو فاتحين ديوان وتضحكون وحنا على اعصابنا لا بارك الله فيكم وتركهم ودخل
ورجع الشباب للضحك مره ثانيه باستثناء سليمان المقهور منهم