غزاله الشيخ همام

البارت 6

غزل. سؤال كول يوميه ساعه شگد تگعدون

سيلين. ساعه 10

رهف. بس بابه وكيان وهمام وسيف من الصبح يكعدون

غزل. حلوو زين والشغل

سيلين. الطبخ اسيل والتنظيف اني وغسل المواعين وغسل الكراج رهف

غزل. حلووو.

رهف. اما الحلويات احني واسيل وسيلين نتساعد

غزل. شسون من حلويات

سيلين. التشتهينه نسوي احنه بليل نسئل كول واحد شيريد نسويله

غزل. حلووو زين يعني مامه (ام همام) واسيل هم وياجن ب10 لو قبلچن

رهف. لا لا يگعدن ب8ونص

غزل. حلووو زين اريد اعرف اكثر واكثر عنكم

رهف. راح نسولفلج عن همام

غزل. اووك

سيلين. شوفي همام عصبي نااار يعني من يصير عصبي ميعرف اكبر واحد وانتي تعرفين ماحاجه اگول المهم همام ضابط وعنده محل ذهب وشيخ انتي تعرفين المهم همام نظيف موو بشكل يعني الصبح والظهر وبليل غسل ملابس باليوم لازم يسبح 4 مرات ملابسه دائما مكويات لازم غرفته خطط احمرر وغراضه ممنوع لمس يتخبل اذا لگه واحد لامسهن المهم همام الصبح مياكول شي بس يشرب گهوه ضروري الگهوه صحيح هو عصبي بس والله لو تفرين العالم كوله متلگين مثل حنان وطيبه همام

غزل. امممم حلو وهسه خل ننزل عيب

البنات اووك

رهف. اني ادخل اسبح

سيلين. لا والله اني اسبح اول

رهف. انجبي واني اول

غزل. اوكلن خررره ثنينچن واني ادخول

رهف. لگيت فكره نسبح تلاثتنه

البنات. اووك

غزل. دخلنه سبحنه والبنات لبسن رهف لبست برموده سوده وتشيرت احمر وسيلين لبست برموده صفره وتشيرت اسود واني اخذت من البنات دشداشه مخصره ضيگه لون رصاصي ووردي وشال وردي وقراصه جبيره وحطيت حمره مات وردي ع بنفسجي وماسكارا ونزلنه

البنات صباح الخير

اسيل وام همام. صباح الورد والياسمين

غزل. اسوله خل اساعدج

اسيل. لا لا حبيبتي اني خلصت وهسه اصبلچن ريوك لان همام وصاني عليج وطلع

غزل. ههه اووك ع راحتج

غزل. رحنه گعدنه ع الطاوله شويه واجت اسيل جايبه الريوگ جان الريوك خبز 🍞 وفوگا نوتيلا وگهوه وكاهي المهم تريگنه گمنه گعدنه ع الكورسي بالمطبخ نسولف

ام همام. يالله غزاله بعد ايام وصيرين چنتنه

همام. يووومه اني مو گولت محد يصيحله غزاله غيري

البنات. يااا انت شوكت اجيت

ام همام.لك يومه اني نسيت شبيك تخبلت

همام. ههه حبيبتي وبسته بخده وگولت

همام. هلاوو بنات

البنات. هلاوات عيني

همام. غزل العصر نطلع نجيب الغرفه

غزل.اووك 😒

همام . عيونج لا افگسهن ثاني شي شبيج هيج تباوعين

غزل. والله مادري حته اسمي صار بكفيك

همام. اهوو بدة رحمه الله

غزل. اووف المهم تغدينه دولمه وتمن  احمر ولبن وسلطات ومقبلات المهم كملنه غده گمت نضفت وياهم لان عيب طبعا همه مخلوني بس اني مقبلت صعدنه فوگ اني ورهف وسيلين واسيل هم صعدنه لعبنه وسوالف وضحك صدووگ تونست وي البنات المهم صارت ب٣ونص رحت دخلت اسبح واخذت من البنات قميص اسود وتنوره صفره قصيره ولبست ستريج اسود وحذاء اصفر وشال اصفر وجنطه سوده وميك اب باودر وماسكاره وكوحله وحمره مات وردي ونزلت وهمام گال

همام. وين وين وين رايحه هيچ عدنه عرس

غزل. اولا معدنه عرس وثانيا اني هذا لبسي

همام بعصبية. شنو شنو تراددين عيني لا وانطيتج مجاال

غزل. والله عيني هذا الموجود والمايعجبك ابطل مااطلع

همام بعصبية. ياادبز سزز ع اساس انتي بكيفج رجلج فووك راسج وتمشين وحلكج مسدود

غزل. والمطلوب شنو

همام. تنزعين ملابسج هااي لااجي اطيح حضج

غزل. ماانزع وشتريد تسووي

همام. لتخليني امد ايدي عليج

غزل. ع اساس مامد ايدك عليه مو اول مره

همام. الله يجيبج ياطولت البال امشي بنيتي امشي

همام. اول مكعدت الصبح سبحت وبدلت ولبست الزي مالتي مال ضابط وساعه ومحابس وتعطرت ونزلت ووصيت اسيل ع غزل وبعدين طلعت خلصت شغلي ورجعت للبيت لكيت كولهم كااعدين بلمطبخ يسولفون ويضحكون بس امي ضوجتني لان صاحتله غزاله وماريد احد يصيحله بهذا الاسم لان هيه غزالتي الي وبعدين تغدينه وكملنه وگلمن راح الغرفته وصارت الساعه ب3 ونص الضهر سبحت و  بدلت ولبست بنطرون ابيض وتشيرت ماروني والحذاء ماروني وساعه بيضه ومحابس ونظاره ومشطت شعري ليفوك وتعطرت ونزلت انتضر غزالتي وبعدين نزلت اووف ياربي هاي شطالعه كييمر ياربي شهل جمال يدوخ وبعدين گولت الهه مترحين هيج بهذا لبسج وشنو هاي رايحين للعرس وتعاركنه اني وياهه اخير شي عاندت واني مااحب اكسر بخاطره وطلعنه

غزل. طلعنه من البيت وصعدنه بلسياره وشغل اغنيه ياابويه عل خلقه الجميله الكارثيه اي الكارثيه اي الكارثيه وبعدين گوتله هناك توكلني مو تخليني جووعاانه وهم محجه واخير شي گوتله شنو هاي احجي وياك وانت متحجي سااكت شبيك

همام. والله اني الي ميسمع كلامي ومااحجي وياه

غزل. لا رد
وبعدين وصلنه للمعرض عارضين بيه غرف تركيه وكوولهن حلوات اي وحده يكولي عليه اكوله محلوه اخير شي عااط بيه

همام بعصبية. لجج انتي شنو تعانديني هسه اختااري وانجبي لتسوين هاي سوالف مال زعاطيط

غزل. درت وجهي ولگيت غرفه حلوه عجبتني گوتله اريده وهوه قبل كال اخيراااااا