الحلقة12:
كوبات وراحت رقدت شوي و كي فاقت لقاتها الربعة تاع العشية هبطت للكوزينة كشما توجد العشا مالقات والو حبيبات خضرا يتعدو على الصبايع فقرت دير بويون تاع الخضرا
دخل مراد مع العشية ضرباتو الريحة تاع الماكلا لي جامي دخلت دارو و شاف النقا و التنظيم و كلشي في بلاصتو طلع دوش بدل قشو و هبط على أساس يتفرج في الصالون لقى الماكلا محطوطة على الطابلة شهاتو حب ياكل ..قعد و في هاذ الوقت جات فاتن باه تحط الماء فوق الطابلة و هو كان حط لقمة في فمو غمض عينو زمان و مبعد هز الصحن و خبطو في الحيط و قالها بالعياط
مراد : شكون قالك أدناي للكوزينة ....قتلك ديري الميناج سيتو خدمتك الشغل و الفريز أبار سا مادخليش روحك فهمتييي
فاتن بقات ترعش وحدها مافهمتش وين غلطت و الدمعة حابستلها في طرف عينو
أما مراد طلع لبيتو و خبط الباب و هبط فب الأرض ساند ضهرو على الباب و يبكي .... ماكلة فاتن فكراتو بماكلة يماه كي تكون الحالة مزيرة عليهم و الخلاص مايكفيهمش للشهر كانت تلم لي كان من الخضرا و ديرلهم بويون كيما لي داراتو فاتن
مع الوقت ولا مراد يربط كل تفصيلة صغيرة من تصرف فاتن بيماه لقاها تشبهلها في بزاف تصرفات و هو كل يوم يزيد في لادوز تاع التعصاب نتاعو وهي كانت تساير و تصبر و هاذ الشي زاد استفزو
في نفس الوقت جذباتو حسها على طبيعتها متربية و تحشم بقى في حيرة عاجباتو بصح ديما يصدها طفلة نادرة و ماتتعوضش بصح ماعندوش الجرأة يقرب منها
اليوم حبت ترجع تقرا و حبت تقول لمراد باه يكون علابالو ....راحتلو لبيتو طبطبت
فاتن : نقدر نفوت ؟
مراد : وش تسحقي
فاتن (فاتت): أأأ ... امم .... حابة...
مراد : ايي أهدريي
فاتن : حابة نرجع نقرا (قالتها بزربة)
مراد : وش نديرلك أنا
فاتن : قلت بلاك كيعاد نخدم عندك ماتحبش و لا...
مراد :ماعندو مادخلني في حياتك الخاصة ..المهم عندي ماتقصريش في خدمتك
فاتن : آآآ لالا أطمن مانقصرش
هو سكت و هي بقات واقفة ماعلابالهاش علاه كي شغل تسنا رد
مراد : خييير
فاتن :آآ لالا سمحلي ( وخرجت)
ESTÁ A LER
بعدما خسرتها (كرونيك باللهجة الزائرية)
Ficção geralحكاية الكرونيك دور حول شابة عانت من الظلم و الحقرة من طرف أبوها و حتى في المجتمع و تضطدم بشاب معقد من النساء و يكرهم ...و هكا حياتها تتبدل وتولي جحيم (علاه و كيفاه و ....تعرف كلش اذا تابعتو معانا الحكاية )
