فهد:لا م ضيف😊
صالح:فهد😳😳(فضل يعاين ليهو مسافه)الجابك شنو
آسيا:اجي ي راجل
فهد:و الله لو عايز برجع😊
صالح:(مشا عليهو و سلم عادي)حمد لله ع السلامه
فهد:الله يسلمك
صالح:ي آسيا انا جعان جيبي لي اكلي ف الغرفه(و طلع طوالي..طبعا فهد زعل شديد بس عمل نفسو م متأثر لانو متعود ع المعامله دي من ابوهو من زمان و ده السبب الخلاها يسافر يكمل تعليمو بره💔)
فادي:م تزعل منو يكون تعبان
فهد:لالا عادي..ارح نطلع اشتقتا لغرفتي😂
آسيا:(باستو ف راسو😘)
فادي:غايتو احنا بعد ده نموت يعني عشان فهد جا
فهد:😌😌اي اي
آسيا:يلا يلا اطلعو غورو😂(و هيا مشت جهزت الاكل و طلعت على صالح ختت ليهو الاكل و بقت تحمر ليو..)
صالح:اها مالك قولي
آسيا:عاين كفايه لحدي هنا ولدك ذنبو ايه بالحصل زمان ي صالح..عاقبتو و عاملتو كعب مع انو م عندو ذنب و الله حرام و ربنا بسألك منو،،و لو بجد بتحبني اتصلح معاهو و لو شويه💔
صالح:آسيا انا كل م اعاين ليهو بتذكر الحيوانه ديك..(و سكت)
آسيا:ربنا يرحما العملتو فينا م ساهل بس هو م ليهو ذنب برضو(و طلعت سابتو)
انا رقدتا شويه و جاني نفس الحلم البجيني من كان عمري 9 سنوات😢نفس المنظر..صحيت مخلوعه و انا ببكي😢مشيت غسلتا وشي و بقيت واقفه و بتذكر..
نرمين:ليه ي ابوي😢بسببك المنظر نهائ م بطلع من بالي😢ليه عملتا فينا كده💔..(الباب خبت)ادخل
هديل:نرمين😍الليله مجاهد جاي
نرمين:مجاهد مين بسم الله
هديل:😒😒اخوي ي رمه
نرمين:اها😂😂كذابه ياخ اخر مره شفتو كان قبل 4 سنوات
هديل:اي😍😍ياخ متحمسه كيف ارح يلا معاي البيت
نرمين:امشي اعمل ايه ان شااء لله😒
هديل:نرمين ياخخ ده اخوي تستقبلي معاي بطلي عبط😒
نرمين:طيب بجيك بس استحما و اغير و اتضبط
هديل:وعد؟
نرمين:لا محمد😂😂😂😂😂(دول اتنين بحبو بعض من ايام الثانوي😂)
هديل:استغفر الله(و طلعت انا لبستا لي فستان كده تلت اربع ضيق شويه و عملتا شعري كعكه و اسبورت اسود و نزلتا لقيت ماف زول ف البيت طلعتا الشارع لقيت الجو ابداع😍قلتا اتمشا فعلا اتمشيت و بعدتا من البيت حبه قابلتني سياره فهد طبعا ف البدايه شكيت بعدين اتأكدتا من القزاز الكان كسرتو..استغربتا لانو مبركن ف البيت الجمبنا و م اتوقعتو ساكن هنا..المهم قلتا الا انتقم الليله و طبعا الشارع كان هادي و شبهه فاضي مسكتا لي حجرين كده و كسرتا القزاز البوره كلو😂😂و العربيه اول م طلعت صوت طوالي جريت و انا ميته ضحك وقفتا وره شجره كده اشوف تعابير وشو😂جو طالعين فادي و فهد..
فادي:😳😳😳😳ده شنو ده
فهد:😡😡
فادي:(بقا يفتش لو ف زول)ماف زول هنا
فهد:😡دي الحيوانه ديك انا متأكد
فادي:ي ود ح تعرف بيتك من وين انت كمان
فهد:نهائ م بسكت(و طلع تلفونو ضرب للشرطه💃طبعا انا م اشتغلتا بالمووضوع كتير لانو مستحيل يعرفوني و طوالي رجعتا مشيت ع هديل😂❤فتحت لي ولقتني بتتبسم ساي)
هديل:بسم الله ي بت ف شنو
نرمين:و لا شي😌اها اخوك وصل
هديل:قبيل يختي😒ادخلي
نرمين:(دخلتا لقيت ولد مز كده قاعد😭ياخ طويل كده حلبي و عندو حلات غمازه)اجي وينو اخوك؟!..
هديل:ي بتي هندا مجاهد
نرمين:المز ده؟!..(طبعا بصوت عالي😂)
مجاهد:ان شااء لله دي نرمين؟!..
سوسن:اي دي مزتنا😍
نرمين:ي ود انتا مش كنت بقره؟!..البقاك ضعيف كده شنو
مجاهد:😂😂😂شفتي دي فايده الجيم بره البلد دي(و وقف سلم علي و طبعا يعاين لي من فوق لتحت💓)لكن انتى كمان كبرتي و بقيتي مزه شديد❤
نرمين:شفتا كيف😌(قعدتا اتونستا معاهم بعدين مشيت بيتنا دخلتا لقيت ابوي يادوب جا قبل م اطلع فوق سمعتا صوت الباب اتخلعتا قلتا ده منو نزلتا اشوف لقيت ليك الشرطه😳طبعا انا خلاص هبطا عديل💔و م باقي لي الا ابكي💔بقيت واقفه مصدومه)
محمد:اتفضلو😳خير حاصل شنو
_ده بيت محمد احمد السر؟!..
محمد:ايوه انا
_و الله ف بلاغ ضد بتك نرمين محمد و لازم تمشي معانا حسي
محمد:نرمين😳😳ليه ف شنو
_كسرت عربية شاب ساكن هنا قريب و لازم تمشي معانا القسم
محمد:😳لا لا اكيد ف غلط
نرمين:(طبعا و انا بس قربتا اموت😢ياخ اول مره اخاف كده يعني ح ادخل السجن💔)
محمد:طيب دقيقه(و جا علي و انا من الصدمه بس منططه عيوني)ي بت الكلام ده صح
نرمين:ي ابوي انا..يعني
محمد:يعني صح😡
نرمين:اي
محمد:استغفر الله..اخر الزمن بتي انا تدخل السجن😡
_لو سمحتي اتفضلي معانا
محمد:بتركب معاي السياره و بنمشي وراكم
_لالا تركب البوكس
محمد:طيب ثواني(طلع تلفونو و ضرب لزول كده شكلو مهم اداهو يتكلم مع الراجل و فعلا خلوني اركب ف سياره ابوي و مشينا وراهم لمن القسم و ابوي الطريق كلو يضرب لرجال عشان يلحقونا و يتصرفو يطلعوني و نهائ م اتكلم معاي💔اول م وصلنا و دخلنا لقيت ليك فهد ف وشي و بتبسم ساي😒ابوي سلم عليهو و قعدو ع جنب يتفاهم معاهو انا فضلتا واقفه و قلتا نهائ م اظهر ليهو إني خايفه بقيت بحمر ليهو و هو بسمع ف كلام ابوي و بعاين لي😒بعد نص ساعه كده يادوب ابوي جا علي و اتفقو ع انو ابوي يغرم السياره و يتقفل الموضوع ع كده💔و احنا طالعين ابوي كان بتكلم مع امي و انا سامعه كلام امي شغاله تقول ف زول شافكم داخلين القسم..طيب ف زول بعرفكم جوه و ابوي برد ليها و انا خلاص اتضايقتا شديد و قرفتا قرف سبتو بتكلم و مشيت ع السياره لقيت فهد جمبها..
فهد:قلتا ليك م تلعبي معاي..انا لو عايز كان دخلتك السجن لكن شفتا ابوك مسكين و م قدرتا اكسر بخاطرو
نرمين:ابوي انا مسكين؟!..😂كان تدخلني ياخخ الموضوع م خطير شديد..(و قربتا منو)المره دي جات ع سيارتك المره الجايه احتمال تتكسر انتا(طبعا انا عامله فيها البت الخطيره و جوه كنت ح اموت خوف😂)
فهد:انتى ي بت م طبيعيه
نرمين:نهائ..و خليك عارف انا الم صح تلعب معاي تمام(و ركبتا السياره ابوي جا سلم عليهو و ركب و طول الطريق ساكت حتى م سألني ليه عملتي كده او مثلا امكن الولد ده ضايقك😒اول م رجعنا امي دي بقت تنقنق و انا و لا اشتغلتا بيها طلعتا نمتا و صحيت تاني يوم من 6 امكن لبستا لي بنطلون ابيض و قميص بنفسجي مع اسبورت بنفسجي و عملتا شعري ضنب حصان و نزلتا قبل زول يصحا طلعتا الشارع كان هادي شديد💖بقيت بتمشا لانو الهوا النظيف هو الوحيد البطلعني من كميه الجوطه الجواي💔اثناء م بتمشا شفتا شافع كان راقد تحت الشجره و ماسك بطنو حسيتو جعان مشيت عليهو و وديتو معاي السوبر ماركت أشتريت ليهو كميه من الحاجات و طلعنا..
نرمين:انتا اسمك ايه
احمد:اسمي احمد😊
نرمين:ان شااء لله كل يوم ح اجي اشتري ليك طيب؟!..
احمد:بس ف واحد بجي بشتري لي برضو😍
نرمين:م مشكله انا و هو❤
فهد:اووه احمد كيفك شكلو الليله معاك ضيوف😉(طبعا ده قبل يشوفني انا اول م سمعتا صوتو لمن بطني وجعتني😒)
احمد:اي اشترت لي حاجات❤
فهد:(عاين لي و نطط عيونو)انتى😳يعني بتعرفي تعملي اعمال خير و كده😂مصلحتك شنو من ده عليك الله اكيد م ساي
نرمين:😒(عاينتا ليهو و م رديت)يلا ي احمد انا ماشه😊(و مشيت فهد فضل يعاين لي و مستغرب)
احمد:شوف اشترت لي ده كلو😍
فهد:بالهنا ي بطل💕خلاص انا ح اجيك بليل
احمد:طيب❤
انا رجعتا ضربتا لهديل قلتا ليها يلا قبل ططلع طلع اخوها جا سلم علي..
مجاهد:ع فكره بالجد كبرتي و بقيتي انثي بمعني الكلمه😉
نرمين:كيف يعني
مجاهد:(قرب مني)يعني الفهمتي😉(ف اللحظه دي طلعت هديل مجاهد طوالي دخل و انا مستغربه فيهو لانو من صغار بعتبرو زي اخوي م اكتر💔المهم اتونسنا انا و هديل و مشينا ع الجامعه طبعا بعد حكيت ليها بالحصل و ادتني محاضره😂)
رغم كل تلك المتاهات إلا ان الطريق لك كان دائما يقودني..ف ظلمتي أصبحت لي نور و رغم كل هذا اخترت انطفائك..ظننت أني لا اريدك و خترت سواك حتى علمت أنك لي موطن الامان الوحيد💛
