نجوم تسقط إلى الجحيم

نجوم تسقط إلى الجحيم .. الجزء السابع

نجوم تسقط إلى الجحيم ..

الجزء السابع ...

غصون دخلت عالمدرسة وهية مزعوجة .. شافت رفقاتها تفشلهن قهرها. ..

جود : خير غصون ليش هيك مزعوجة .. مو بالعادة هيك تجي ..

غصون دمعو عيونا : اخي رجع مرته .. وانا مو طايقتها .. رح موت منها ..

حور بحلقت فيها : نعععم .. شلون يعني .. كيف رجعها اساسا ..

خلود : طولي بالك انتي نفهم القصة منا ..

غصون : اجى عالبيت فجأة وقال ان راما رح ترجع تعيش معنا .. وحتى ما قدرت احكي . .

جود : طيب بركي فعلا اتغيرت وصارت احسن ..

غصون : ما بعرف إذا تغيرت .. بس مو طايقتها ما عم انسى الي عملتو ..

حور : ههههه ضحكتيني .. يعني بالا اخوكي ما بطيقها عاساس .. ووحدة شغالة سحر وشعوذة . . رح يرجعها هيك ..

غصون : شو قصدك حور ..

حور : قصدي واضح ليش ليرجعها اذا ما انتي الي قلتيلو اكيد بدك تجاكريني .. اساسا مبين ما بطيقيني ..

غصون : ليش عم تحكي معي هيك .. والله ما قلتلو رجعها هو لحالو .. بعدين انتوا بتعرفوا مظبوط ان انا ما بقدر قله لاخي هيك شي ..

حور : طبعا لانك جدبة وخويفة وجبانة وو شخصية ضعيفة كتير ..

جود وخلود : حووور ..

غصون : انا مو جدبة .. اي حور .. ولا بقا تحكي معي بهي الطريقة ..

حور : ليش .. اثبتي انك مو جدبة .. لك إذا وظيفة مو كاتبتيها بترجفي من اخوكي .. حكي ما بتعرفي تحكي معه ..

غصون : انا مو هيك .. فهمتي ..

حور : والله انتي هيك ومكترة ..

غصون انفعلت من حور واستفزتها كتير . قربت منا ومسكتها من غراضها : عم قلللك مو هيك . واسكتي احسن الك ..

جود : طولي بالك . عيب حور .. شو بيطلع بايدها يعني غصون .. لا تكبري القصة ..

حور اشرت لاختها : انت خليكي عجنب ..

وشدت غصون من غراضها ووشوشتها : اذا بتقدري توقفي بوجه اخوكي ٣ دقايق وانتي عم تقولي طلق مرتك او ما بدي اسكن معها .. او اي شي هيك فيو شي من الوقاحة ..
صدقيني رح اعتذر منك قدام الكل واذا بدك بوسة ايد كمان .. وساعتها ما رح قلك جدبة .. او شي بيزعجك

دفشتها لغصون عالخفيف لتبعدها وحكت وهية عم تهز راسها : هااا شوو ..

غصون عم تصفن ( احكي كلام وقح مع مامون !! ..) ..
واذا ما ..

حور : هههه ساعتها بدك تتحملي يا جدبة او جبانة ..

غصون انزعجت من كلام حور : طيب انا موافقة .