صلوا علي الحبيب المصطفي
كيف نعبد الله! 💜👋🏻
الدرس السابع 👇🏻💥
بسم الله
وقفنا المرة اللي فاتت عند تعريف العبادة و قولنا إنها طاعة الله و طاعة رسوله باتباع الأوامر و اجتناب النواهي ، و ذي م الصلاة و الصيام و الزكاة و الحج عبادات ف في أمثلة تانية للعبادة 😁👈🏻
ذي قراءة القرآن الكريم و الأذكار ( أذكار الصباح و المساء ، الذكر عند دخول البيت و الخروج منه ، الذكر عند لبس الثوب الجديد و هكذا .... ) ، كمان شكر نِعَم ربنا علينا و التفكر فيها و الصبر على المصايب و الرضا بقضاء الله ، العطف على الحيوانات و التبسم في وجه أخيك المسلم ( الرجال مع الرجال و النساء مع النساء و طبعا لا يجوز العكس ذي م انتو فاهمين 😁 ) ، استخدام السواك ، الأكل بإيدينا اليمين و دخول الخلاء ( الحمام ) بالرجل الشمال و الخروج منه بالرجل اليمين ، رد الأمانة لصاحبها و لو كانت حاجة صغيرة حتى ، و طبعا تقليم الأظافر و نتف الإبط و حلق العانة و ( توفير اللحية و قص الشارب للرجال ) و غض البصر ( اللي بقا نادر أوي في زماننا دا 💔 )
كفاية أمثلة ؟ 🙄
لا خد نفس و كمل معايا 😒
من العبادة برضو ان الرجال متخطلتش بالنساء ، منسمعش أغاني و موسيقى ، منتفرجش ع أفلام و لا مسلسلات و لا مسرحيات 🤚🏻 ( لما نتفرج ع مسلسل مثلا و فيه البطل حضن البطلة أو لمس ايدها مثلا و هي أجنبية عنه لا يحل ليه يعمل كدا معاها فهو بياخد ذنب و كذلك هي و كمان احنا بناخد نفس الذنب دا لأننا بنتفرج عليهم و مستمتعين أوي باللي بيحصل 🌚 ) ، كمان من العبادة منسمعش للدجالين و لا نقرأ حظ اليوم و لا الأبراج و الكلام الفاضي دا ، منغتبش حد ( الغيبة هي ذكر أخاك بما يكره ) ، ترك النميمة ( و هي نقل كلام الناس عن بعضهم البعض بغرض الإيقاع بهم ) و ترك الشبهات ( الشبهات هي المسائل التي ليس فيها دليل صحيح على تحريم شئ معين و اختلف فيه علماء أهل السنة و علينا كمسلمين في هذه الحالة إن لم نستطع التقين من ترجيح رأي أحد العلماء أن نترك هذا الأمر)
و النذر لله ( و قد بين لنا النبي - صلى الله عليه وسلم- أن النذر لا يأتي بخير و لكن إن نذر المسلم شيئا لله فعليه أن يوفي به ) و الذبح لله و الحلف لله بشرط الصدق و حب المساكين و كفالة اليتيم و الدعاء و تربية الأولاد بأن نعلمهم أمور دينهم و الحلال و الحرام و ما ينفعهم في الدنيا بشرط عدم مخالفة الدين و حب الله و الخوف منه و التوكل عليه 💜🤚🏻
مش كفاية بقا ؟ 😴
لا باقي شوية أمثلة صغيرين 🤭😂🤷🏻♀️
حب الرسول - صلى الله عليه وسلم- و اتباع السنة و طاعة الزوج و الإحسان للزوجة و طاعة الأب و الأم و برهما و عدم مصافحة الرجال للنساء ( لو ولد لا يجوز ليك انك تسلم ع مرات عمك أو خالك أو مرات أخوك و كبنت لا يجوز ليكي انك تسلمي ع زوج أختك 🐸 )
شششششششش كل اللي فات دا مجرد أمثلة قليلة للعبادة ، اللي عايز يتعرف على العبادة بشكل أكبر عليه أنه يعرف ان أي آية أو حديث ان كانت من الأوامر أو السنن ففعلها عبادة و ان كانت من النواهي فتركها عبادة 🤷🏻♀️
الصحابة كان ايه حالهم مع العبادات او ايه شروط قبول العبادة ؟!
المرة الجاية بإذن الله 🤚🏻🌸💫
