كفاح ( روايات ليبية )

حلقة 12

البارت التاني عشر
.
.
.
فات الوقت وكملت قرايتي شوية وخشتلي اميرة
اميرة:شنو كملتي يامحامية
انا:اي كان صار
اميرة:هي مالا اطفي الضي خلي نرقد
انا:مش خدامه عندك اني نوضي طفيه بروحك
اميرة:قصدك لو اطفيتي الضي تعتبري روحك خدامة عندي
انا:اي ممكن
اميرة:واااك بطني😹😹😹😹😹😹😹😹
انا:شن الي يضحك
اميرة:حيعلمك
انا:خيرها امي
اميرة:عندك علم انه انتي خدامتي
انا:خدامة حناك
اميرة:ياماما انتي ديما تطفيلي ف الضي معناها انتي خدامتي هي سلم الخدامه طفي الضي واطلعي
انا:🙂🙂🙂🙂🙂حدفتها بالمخدة وطلعت
انزلت ندور ماناكل جعانه والقيت بهاء ف وجهي
انا:ديما وانت ف المطبخ جعان
بهاء مادامني ديما فيه وانتي تشوفي فيا معناها حتى انتي ديما فيه
انا:واو دمكم خفيف الحق اليوم كلكم تخففو ف دمكم مع انه ثقيل ره
بهاء:لا اني مانخففش فيه نقول ف الحق بس
انا:طير من قدامي طيرت النية من الماكله بكل نمشي نرقد خير
اركبت لداري والقيت اميرةف الحمام  فجت فكرة ف راسي وقررت نديرها
خديت شعري ودرته القدام ودرت ع وجهي بودرة وخديت الماسكرا ودرتها تحت عيوني وشديت موس ف ايدي ووقفتلها وراء باب الدار شوية اميرة طالعه وتغني
اميرة:غريبه اريج ماركبتش ترقد باش تنوض بكري شدخلي فيها اني تملح
خشت اميرة وبتصكر الباب وتشوفني وراءه
خلاص البنت معاش قدرت تنطق حتى حرف وداخت
انا:ههههي حي ع راصي شن درت معقولة منظري لدرجة هادي يخوف
امشيت شفت روحي ف لمرايا
انا:محلاني حتى وشكلي مرعب نهبل🤤😹مسحت كل شي من ع وجهي وجبت طاسة اميه وبزعتها ع اميرة
اميرة:ءءءهههي
انا:خيره سريرك ماعجبكش راقدة ع اللوطا
اميرة:اصبري شوية انتي الي كنتي وراء الباب وله
انا:ميته ضحك عليها وع منظرها 😹😹😹😹😹😹😹😹😹😹
اميرة:انتي ياكلبه وربي الا ماتشوفي مش حنرحمك يااريج الكلبة
انا هربت نجري وهي وراي😹
شوية وخبطت ف بابا
بابا:خيركم حتى ف اليل مش مهنين ارواحكم
انا:هادي اميرة شايفه حلم يخوف وتجري وراي وهي راقده ره تخيل يابابا القيتها راقدة جنب باب تاع الدار😹😹
اميرة تشوفلي ومتعصبة
اميرة:تكذب عليك هادي ره كان تشوفها شن دارتلي يابابا
انا:عيب اني اكبر منك معاش تقولي كذابة
بابا:خلاص اسكتي انتي وياها وخشي ارقدي
انا واميرة:به تصبح ع خير❤
بابا:وانتو من اهلو
امشي بابا بيرقد وبديت اني واميرة ف الضرب هي تضرب واني نضرب😹😹😹اخر شي نتشتها واركبت نجري لدار وصكرتها بالمفاتيح
اميرة تخبط ع البباب وتبيني نفتحلها واني مابيتش
انا:تبي تخشي انتي لدار
اميرة:افتحي خير مانكسر الباب عليك
انا:يامامي خفت😹😹😹😹اليلة ارقدي ف الصالة تصبحي ع خير
اميرة:تو تشوفي يافرخة كان مانخليكش تندمي مايبقاش اسمي اميرة
انا:ههههه به طيري يل
خشيت ارقدت 
.......
صباح جديد ويوم جديد
ماما:هههي اميرة خيرك راقده هنا
اميرة:اسالي العزري الي عندك فوق
ماما:من بهاء ولا احمد ولا ادهم
اميرة:لا اريج
ماما:خيرها شدارتلك
اميرة:هذا ياماما اريج امبارح...
مش ضروري تقرو شن يهدرزو😹😹😹😹
انا فقت ع صوت المنبه غسلت وجهي وتوضيت وصليت الصبح وتيت روحي وبنمشي للكلية
انا:صباح الخير ماما صباح الخير بابا وشفت اميرة قدامي شديت ضحكتي بالسيف
اميرة:عليك صبح
انا:ريلاكس حبي خيرك معصبه ع الصبح
ماما:شن مدايرة لاختك يافالحة ومرقدتيها ف الصاله
انا:مادرتلها شي اهو حتى بابا شافها امبارح تجرب وراي وهي راقده😹😹😹
اميرة:حححححي ع الكذابة
بابا:عيب ماتقوليش ع اختك الي اكبر منك هكي
اميرة:باهي علاش تكذب هي يابابا
انا:ماتكذب نقول ف الحق وكلام وجاع 😌
احمد:صباح الخير
نحنا:صباح النور
احمد:هي شنو اريج واتيه نرفعك ولامزال
انا:لا واتيه هي
ماما:غير افطر انت وياها
احمد:تو ناخدو حاجة ع طريقنا ونفطرو بيها
انا بوست الماما والبابا وطلعت للسيارة ولع احمد السيارة وخلاها تسخن شوية ومشينا
احمد:وين للكلية ولا الخدمة
انا:لالا الكلية عندي امتحان اليوم
احمد:ءها موفقة
انا:ان شاءالله
شوية شفت السيارة نفسها تلاحق فينا
انا:احمد
احمد:نعم
انا:السيارة
احمد:سيارة شن
انا:سيارة الي حكيتلك عليها
احمد:وينها
انا:ورانا
احمد خاف ع اريج وقوى السرعة متاعه
شوية اوصلت للكلية
انا:خلاص تقدر تمشي مش ضروري توقف هنا
احمد:لا مش ماشي نين نطمن انك خشيتي
انا:امبه
خشيت للكلية وتفكيري يجيبني وياخدني
انا:ياربي شن الي غيره احمد فجأة اني متأكده ف حاجة
قطع تفكيري صوت ابتسام
ابتسام:صباحو ياحلو
انا:صباح الورد😍
ابتسام:استاحشتك يافرخة
انا:وواك بلاش طروحات زايده امس بس ماشفتينيش
ابتسام:تي انتي وربي حرام فيك حتى اسمك
انا:نعرف المهم قريتي ولالا
ابتسام:اي قريت وانتي
انا:اي ان شاءالله هي خلينا نخشو للقاعه قبل لايبدا الامتحان
ابتسام :هي
خشينا وراجعنا شوية
انا:خلاص صكري صكري الدكتور جي
الدكتور:هي شنو جاهزين للامتحان
الطلاب:اي جاهزين
ووزع الوراق علينا وكان الامتحان صعب شوي بس الحمدالله جاوبت
فات الوقت واني كملت وطلعت
انا:ياربي جعانه خلي نمشي للكافيتيرية ناخد شي ناكله واني ماشية شفت البنت هاديكا اكيد اذكرتوها
هي:صباح الخير
انا:اعوذ بالله
هي:شن شفتي جن قدامك
انا:لا شفتك انتي
هي:حبيبتي الي درتيهولي يومها مش ناسياته ره وحتشوفي عليه
انا:بالله عليك لا والله ماقصدي
هي:هه لا حبيبتي مش حنسكتلك
انا:ههههاي ديري الي تبيه تحسابي بنخاف من عيلة اني
هي:انتي العيلة مش اني
انا:مريضة وربي شوفيلك دكتور قبل لا تسوء حالتك
هي تعصبت وجت بتضربني كف وانا شديتلها يدها
انا:ايدك هادي نكسرهالك لو تفكري حتى التفكير انك تمديها عليا
هي:ارخي ايدي شن هذا احرف من لولاد
انا:طيري من قدامي ناقصني فرخة زيك
امشيت وخليتها وامشيت نهدرز بروحي
انا:سبحان الله وقت بنجي ناكل كلهم يذكرو لنكدهم
ابتسام:بسم الله خيرك شن جاك يابنت تهدرزي بروحك
انا:شي شي
...
ف مكان تاني
خليني نعرفكم عليها الي مدايره راسها من راس اريج اسمها امتنان وعندها زوز صحبات وحدة اسمها افنان والتانية عبير
امتنان:تعرفو البنت هادي حنربيها وحندمها ع كل شي
عبير:وشن بديريلها
امتنان:تو تعرفي حندير شي حيدمرها
افنان:ياخطيرة احكيلنا شن بديري
امتنان:باهي تو نقوللكم المهم........
وحكت امتنان خطتها للبنات
عبير:لا يابنت انتي ينخاف منك
افنان:فكرتك خطيرة وماتخطرش ع حد
امتنان:مزال ماشفتو شي انتو😌
....
عندي انا
ابتسام:خيرك حسيتك متعصبه
انا:لا مش متعصبه بس الفرخه هاديكا الي تعاركت معاها مره
ابتسام:خيرها
انا:كيف كنت نتعارك اني وياها توا وبمل عين وقحة بتمد ايدها وبتضربني كف
ابتسام:حححي مصح خليقتها
انا:تحسابش روحها تلعب بالنار
شوية وفاتت من قدامنا وهي تضحك وتشوفلي
ابتسام:وووك مطول عمرها
انا:شوفيها ميف تضحك هالحقيرة
ابتسام:تعرفي قلبي مش مرتاحلها البنت هادي معروفة متاع مشاكل لذلك ردي بالك منها
انا:والله لو واعرة فهذا لروحها مش ليا اني مش خايفه منها وهي الي بدت لذلك تتحمل مايجيها
ابتسام:الي يريحك المهم اني نبهتك منها
انا:باهي شكرا
ابتسام:هي شنو تبيش تفطري
انا:لا والله جعانه هي خلينا ناخدو شي نفطرو بيه
ابتسام:اني نبي نسكافية بس
انا:وانا نبي هلبا حاحات جعانه هلبا وربي
ابتسام:انتي امته شبعتي
انا:صكفمك خير مانبدا فيك توا
ابتسام:ها سكتت
امشيت اني وياها بناخدو فطورنا وكانت هنا الصدمه
انا:ابتسام شوفي😱
...
.
انتهى البارت