هدى وطاغوت الشيخ

من المستقبل

هاي فقرة من المستقبل  ترة انه منقصه منه بعض الكلمات 

والجمل والي راح اكتبها كامله من يجي وكتها  بلمستقبل

الكاتبه ام جود

....اريد افتح عيوني احسهن ثكال حيل كوه عليه فتحتهن

علنص شفت ضوى كبالي وبردات زرك داير مدايري ورفعت

ايدي اكو شي مربوط بيها  شفتها كانوله ومغذي يمي

بس محد يمي بس اسم اصوات برى صوت مالوف الي

واتذكرت الي صار وكمت ابجي بونين وكلبي عليه ثقل

وبيه الم مو طبيعي احس اهموم الدنيا كلها صارت فوك راسي من اتذكرت

كمت ابجي بس بدون دموع مخلصات دموعي  بوكت انه  محتاجتهن  بس ما يطلعن يضلن محبوسات ويه حركت كلبي

سمعت صوت الدكتور يكلهم هسه اتكدرون اتطلعوها

واجو اخذوني ما اريد اباوع  بوجه احد منهم

سمعت صوت فوزيه

... هدى اتكدرين اتكومين

.. كمت بدون ما احجي اجت الممرضه اتشيل الكانوله باوعتلها  

اتسولف ويه فوزيه

.... اشبيها هاي البنيه كلش منهاره  اشصاير بيها

.. ما ردت اسمع حجي العالم عليه  جريت الكانوله جر بنتره قويه وانشلعت الكانوله  شلت البلاستر  من ايدي وكامت اتصب دم

صاحت  حبوبه بس اشدها الج  ايدج ضلت تنزف

وخرت منها ولزمتني فوزيه  واخذت ايدي كوى وشدتها الممرضه وانه واكفه 

واخذتني للسياره صعدت بدون حجي ورحت للبيت اريد ابجي ما تطلع من كلبي الحركه اريد اتطيح دموعي

بس ما يرضن يطلعن   كمت ما اهتم لليحجون ولا اهتم لليمي  منو حتى ما اتذكر ياهو جان يسوق ولا اريد اباوعله

منزله راسي بين ادي والحد ما وصلت للبيت  نزلت ورح للغرف

ماكو شي يذكرني كلشي مطلعينه ردت بس ريحه اشمها   لرويحتي ماكو

ربي ليش اتخليني عايشه والله بعد ما اتحمل ربي موتني هسه لو ما كاعده وضاله بغيبوبتي مو احسن

ربييييي اخذ روحي كلشي بعد ما اريد من الدنيا اخذت اكفايتي منها

  صار اليل واشوف الناس  يتخاطفون علي

كمت ضجت من الوادم طابه وطالعه  اسمع اصواتهم بلبيت حيل تزعجني  وانه كاعده بغرفت عمتي

رحت لغرفه  ما مخلين بها مكان الي تارسينها غراض بس اكو

مكان بس للكعده  اصغير كلش كعدت بيها  وكمت ابجي اريد ادموعي يطيحن بس ماكو

اجو يغسلون يم الغرفه مالتي  واسمعتهم  يحجون على مكان القبر  واندليت مكان القبر بس هذه قريب كلش مو بعيد كمت وشفتهم كلهم كاعدين ....

واخذت عباتي بس ما لبستها شافتني حوراء وكالت هدى وين رايحه

... اغسل عباتي  ما اهتمت خلت وراحت واخذتها ورحت الباب البستان واطلعت منه ورحت  واركض  واحس راح  اشوف الي فاقدته ينتضرني هناك

كمت اركض  واركض بكل قوتي عبرت البستان لا همني ضلام ولا صوت كلاب ولا اي خوف  طلعت للشارع علة بيت خالي

وكمت اركض واركض وطاحن دموعي احس صدك راح اشوف روحي هناك

محد وراي  اكيد محد يسال عني   هوه انه شنو بلنسبه الهم

بعد ما مشيت هواي  شفت كبه وضريح سيد معروف  ويمه قبور  واضويه يمها  كلت وصلت و ورحت ادور على القبر

بس ماكو ضوه كلش ضعيف ايست من كد ما ادور

بس اخير شي شفت  قبر مبين توة  مبني  رحت كعدت عليه شفته هوه هوه هذه الادور عليه وحاطين عليه صخره  ومكتوب عليها اسم روويحتي حضنت

الصخره وكمت ابجي بصوت عالي وصوت صريخي احسه كعد الناس النايمه بلبيوت القريبه  عليه

🖤🦋🦋🦋🖤🦋🦋🦋🖤🦋🦋🦋🦋🖤🦋🦋🦋🖤

انتهت الفقره

صح حزينه بس هذه واقع حال هدى من ينسلب اعز شي عدها

شتتوقعون منو هذه  رويحتي الوصفته هدى

انطوني ابداعاتكم  ترة هذه بلمستقبل البعييييد

مو اتكولون ليمته

الكاتبه ام جود