المتملك_روايه_بالهجة_اليبية

الحلقه 16

‏#المتملك

حلقه 16

‏كي لا تصاب بالخيبه لا ترسم في مخيلتك أن أحدهم لا يمكن أن يتغير

نلبس ف خاتمي طاح مني نزلت دورت عليه،،،،، تي وينه اهووو جبته وصبيت بحتت في مرايا،،،،،،،،،، القيته متكي ع دولاب وايديا فى جيوبه وسوريته مفتوحه نصها ومانبش نحكي ع عيونه ونظراته
نا:بلعت ريقي برمتله عمر ،،،،،،وعرفت من شكله ان عرف
عمر: هز راسه ماشاءالله تبي تنخطبي ي روان
نا:بخوف  م م مازال ما صار شي
عمر: شكلي تسهلت معاك واجد وعاملتك كويس وخاطرك تشوفي وجي الاخر
نا: نرعش عمر اطلع قبل ماحد يجي
عمر: رفع حواجبه وابتسم بمكر حط يدة على لحيته اممممم نطلع حاضر وعدة شور الباب  سكرة  بالمفتاح،،،،خلينا نحكو شوي قبل
نا: عمر بطل وكبر عقلك ما ادير مشاكل شوف حياتك وخليني نشوف حياتي
عمر: نكبر عقلي ها ليش انتي خليتي فيه عقل قربييي
نا: نبحت فيه وتجمدت مكاني وخايفه حد يجي
عمر: ماتسمعش قتلككك قربي
نا: عيوني دمعت شن تبي
عمر: لاخر مرة نقولك قربي تعاالي زززفف
نا: عديتله جيت بنحكي قطع عليها
عمر:  مسكها من شعرها بالقوة
نا: نتوجع،،،،، اااي اطلقني بعد ي مجنون
عمر: حكيتي معه!!!!! وهو نفسه العيل هاااا اللي القيتك مصببة معاه هذك اليوم !!
نا: دموع تنزل اطلقني
عمر: قوللللي حكيتي معه وين الزفت موبايلك 
نا: ببكاء لالا لا واللهي ماحكيت وراسك وطي صوتك
عمر:  نوطي صوتي احلمي هيا خاربه خاربه
نا: فكيت روحي منه بصعوبه ،، وقربت منه  وحطيت ايديا ع كتوفه ،،،،،،واللهي وتراب هلي ماحكيت معه و وما نعرف عنه شي هي اطلع قبل ماتجي خالتوو
عمر: معصي ع سنونه توا  وفي لحظه هذي كلهم ح يعرفو اني نحبك ونبيك وما يهمنش حد فاااهمه اني كنت ساكت ع خاطرك بس خشيتلي ف جو هذا ماشي ي روان، ،،،،،،، وجا بيطلع
نا: مسكت بسوريته زين،،، ببكاء لالا عشان خاطري ماتقول شي مانبش حد يكرهني حرام عليك ما ادير هكي خلاص اللي تبيها ح تصير بس ماتحكش شي قولي شن تبي وتوا نديرة 
عمر: رفع عيونه فوق ومسح وجه،،،،،،،، بغصه تي ما انتي عاارفه شن نبي نبيكك انتي افهمي ،،،،، نعترفلك ونقولك اني نحبك وأنتي اخر همك توا عرفت ليش تتهربي مني الايام اللي فاتت هكي فرحانه تبي تحطيني تحت الامر الواقع
نا: نبكي اا ا اسفه
عمر: اسفه ع شنو ولا ع شنو
نا: حطيت ايديا على وجي يارب يارب نموت ونخلص من همي اني ماعش نقدر نتحمل
عمر: سكري فمك سكريه هذااا اللي شاطرة فيه اديري المشاكل وتقعد تبكيلي
نا: زدت نبكي اكثر
عمر:قتلك اسكتيييي
نا:ماعش عرفت شن اندير نرعش وصوته كل شوي يعلا، ،،،،،،،، مش عارفه كيف بس حضنته ولفيت ايديا وراء ظهرة وغمضت عيوني ،،،،،،،،،،،،،،،،،،،وطولي واصله لقلبه وبصوت تاعب ومبحوح ونبكي عم عمرر وحياه ولدك وطي ص صو وتك توا تجي خالتو و تسمعك
عمر: استك وانصدم كان يبي يهزبها قلبه مليان حقد عليها  بس توا شن صار شن تغير قلبه ح يطلع من صدرة لاول مرة يكون ضعيف ومش عارف يتصرف قدام حد ،،، رفع ايديا ع ظهرها بشويش وحضنها بكل قوته رفعها من الارض،،،،
نا: لفيت إيديا ورا رقبته بكيت بحرقه وقهر حسيت بدموعه ع عرقبتي يبكي عمر يبكي لهدرجه موجوع!! ودمعت الراجل كسرة
عمر:قعد يشم ريحتها ويمسح ع شعرها يبي يقوللها نحبك نحبك ي روحي وحياتي كلها ليش درتي فيا هكي ليش خليتني نعشقك بس اني مفروض عرفت من الاول اللي نفسي مفروض مايحبش ،،،،،،،،،،،،،،،، مد يدة مسح وجه خلاص اشششش اسف نا حقير ما نستاهلش دموعك خلاص ماتبكش وبعدها عنه
نا: هزيت راسي ماتقولش ع  ر روحك ه هكي
عمر: مد اصابعه الإبهام يمسلحها دموعها ،،،،،، تبيه
نا: بحتت فيه وكنه موس خش لقلبي
عمر: قوليلي تبيه تبيها الخطوبه هذي رايدته
نا: نزلت راسي  وبخنقه ا ا اي
عمر: سكت وهو يبحت فيها وهز راسه تمام ربي يسعدك وعدة فتح الباب وطلع وما اهتمش ان ممكن حد يشوفه ولا لا
نا: ماعش قدرت نصبي عديت وقعمزت على سرير مسحت الروج بيدي وحطيت ايديا ع وجي ونبكي بصوت 
خ سوزان:طلعت من الكوجينه وبحتت ف ساعه خمسه ونص اكيدة العرب ع طريق بخرتي
رقيه:  تي هذي خامس مرة نبخر
خ سوزان: تفرك ايديها طالعه نشوف روان كنها ماعش نزلت وشوفيلي ايات راه تحسب روحه هي العروس  وطلعت خشت لدار وشهقت، ،،، روان وجت جني ع سرير رفعتني كنها حالتك هكي بسم الله عليك
نا: شعري خارب وعيوني وخشمي حمر من بكاء ومسكرا نازله، ،،خالتو مانبش
خ سوزان: شن اللي ماتبش
نا:  ببكاء مانبش ننزل مانبش نخش ع مقابله
خ سوزان: بعصبيه شن لعب عيال هو خيرك شن بلاك من قبل شوي سيبتك تلبسي
نا: نشهق  لا ما مانبش
خ سوزان: لا حول ولا قوه الا بالله وتمسح ع شعري صبي ي رون استهدي بالله صبي اغسلي وجك وسقمي روحك وبعدين نحكو
ورن الجرس
خ سوزان: صبت بسرعه صبي صبي هي وكرتني من يدي خشتني لحمام  وطلعت تجري ايات ي ايات
ايات: طلعت من دار خير خير شن رايك ي عميمه
خ سوزان: ليش دايرة ف روحك هكي قصير بكل
ايات: لا ما قصير عاجبني
خ سوزان: قولي لعمر ما ينزلش لوطه
ايات: مش قاعد عمر طلع
خ سوزان : باه كويس هي قدامي بسرعه
رقيه: ي اهلا وسهلا تفضلو وخشت سالمه ام معتصم وريهام اخته الكبيرة لصاله
ومعتصم كان بيمشي ويرد بعدين بس خالو اصر ان يخش وخشو لصالون
وبدا التسليم والتأهيل بينهن ومش مقصرين خشو بعصير وبوكس الكيكه والشوكلاطات وباقه ورد وبكلاوة ونوع حلو