♥♥ بقلمي ...مونيا لوباروس♥♥
⛔⛔⛔لا احلل النشر بدون ذكر الإسم
(رواية مغربية مكتملة)
البناااااات عندي ليكم قصة اكتر من روعة كتجمع مابين الكوميديا والرومانسية وقليل من الحزن #بقلمي انا .....كتهدر على الرؤيا البنت الوحيدة ديال باباها و ماماها.....رؤيا ب...
رؤيا بعدما خرج امين كملات هزان حوايجها داتهم حطاتهم فاللوطو وطلعات لبسات حوايجها
Oops! This image does not follow our content guidelines. To continue publishing, please remove it or upload a different image.
وهبطات خرجات باللوطو .....كان باقي ليها مدة طويلة باش تجي الطيارة ديالها ...مقدراتش تنعس ...خرجات و اول وجهة كانت حدا البحر بقات تما مدة ..فالأخر بقات كدور فشوارع المدينة كانت اادنيا خاوية والجو زوين كيفتح النفس فاش وصل الوقت تاجهات للمطار ...كلات شوية بيما وصل الوقت ..وتمشات جيهة الباب باش تمشي . الشخص :مادموزيل رؤيا رؤيا:وي هي هادي الشخص :بغيناك فشي إجراءات قانونية ..ممكن تفضلي معانا رؤيا:اه واخا
بقاو غادين فواحد الممر طويل وخاوي حتا رؤيا معقلاتش على راسها غير وهي كتفقد الوعي ديالها
نمشيو عند ياسين لي كان باغي يوصل على رؤيا و يكون هو وياها فشي بلاصة بعيدة و يفهممها كلشي عاصم:فينك ا صحبي ياسين:انا دابا شاد الطريق لباريس عاصم : تابعها والعفو ياسين:سير ق.... عاصم:هههه هاهو غادي
ياسين بعدما مشا لباريس ملقا حتا اتار لرؤيا لا فباريس لا ففرنسا كاملة بقا تلت ايام وهو على اعصابو مكينعس ماوالو كل همو هو يلقا رؤيا ..لي كون جات قدامو دابا كانت غادي نجيبها فراسها
ياسين بعدما رجع للمغرب فالطائرة الخاصة ديالو طريق كاملة وهو كيشوف فالتسجيلات لي سيفطو ليه الرجال ديالو ...كتبان فيهم رؤيا كتمشي مع شي واحد لابس لبسة ديال البوليس ...ومن الأساس هي مخرجتش من المغرب ...بقا متبعها حتا دخلات فشي بلاصة .مي كلشي كان مظبوط حيت التسجيلات من بعد ما رؤيا دخلات كلشي تمسح ..هادشي لي خلا ياسين يشك كتر
عاصم:الو ياسين قربتي ياسين:اه هاني قريب عاصم:راه لقيت تسجيل ديال واحد ااكاميرا خارج المطار كتبان فيها رؤيا مخرجينها ياسين:صيفط ليا نشوف هاد زوا...... والله ونشد شي كلب فيهم ايلا منشرب دمو عاصم:تهدن ا صحبي ....بشوية فكر بالعقل
رؤيا فاقت كتحس براسها دايخة معارفاش فين كاينة ...فاقت لقات راسها فبيت كان كلو فيه تصاورها من كل جيهة ...شكات انها كتحلم رؤيا:حلو عليا ...هدا نتا ا ياسين خرجني من هنا ...والله حتا غادي ندمك ا ياسين بان عندي ... رؤيا بقات كضرب فالباب حتا حلو عليها ..وشافت الشخص لي عمرها كانت توقعو .... الشخص :رؤيا العلامي ...مرحبا بيك عندي او بالاحرى مرحبا بيك فدارك رؤيا: نتا ...منصف....نتا شنو كدير هنا ...نتا لي جبتيني ...علاش جايبني هنا شنو بيني و بينك حتا تجيبني هنا الشخص (كيقيس ليها فشعرها):بيناتنا بزاف .... رؤيا(بخوف):اش كتخربق نتا ...معمرها كانت بيناتنا شي حاجة ...ونتا عارف هادشي ...ودابا من الاحسن ليك تخليني نمشي ولا غادي نعلم البوليس منصف:البوليس هههه (كيقيس ليها فوجهها)عرفتي ا رؤيا من ديما كتعجبني فيك هاد البراءة ... رؤيا(بإشمئزاز):نزل عليا يديك منصف(كيشوف فجسدها كامل):وماشي غير البراءة ديالك ...كلشي فيك زوين رؤيا(بدموع فعينيها):بعد مني ..متقيصنيش منصف(كيمسح ليها دموعها):حتا هاد البكية كتعجبني ...ولكن مكيعجبنيش نشوفك كتبكي رؤيا:شنو بغيتي مني علاش جبتيني هنا منصف :حتا نشبع منك عاد تعرفي لاش جبتك هنا ...مزال لحال .. رؤيا:سمع نگولك ..خرجني من هنا ولا غادي ندير ليك الشوهة منصف:ههههه هنا كلشي ملكي حتا حد ميسمعك حتا من الخدم .... رؤيا (بغات تهرب ساعا شدها ):طلق مني ...و بغيت نمشي فحالي منصف(ضربها ب يدو ):سمعي نتي راك مخارجاش من هنا..تبتي لأرض حسن ليك رؤيا:شماتة ....اخر مرة تقيصني منصف(شادها من شعرها):انا شماتة هاا....سمعي نتي ومتسدي داك الفم حتا نبيتك مع الكلاب فالزنقة رؤيا:طلق مني ....وا طلق
باش نختاصر عليكم منصف هو لي من ديما كان كيتبع رؤيا وكانت كترفضو ...كانت ديما فحال شي تحدي صعيب بالنسبة ليه ....تبعو معايا باش تعرفو عليه اكتر
رؤيا بعدما مشا منصف بقات فداك البيت لي كانو فيه گاع تصاورها ..قدام و جداد ...كتحس براسها دايخة بقات مدة طويلة باش عاد حسات براسها فاقت ..شوية بان ليها واحد الگارد جار ليها الماكلة حطها ..بان ليها الامر ميؤوس منو ..مزال معرفت الوضع كيف داير ...كان الباب مسدود عليها حتا جو البيت كيدير الخنقة ...تفكرات اخر مرة فاش كانت فالمستشفى فاش جاها إنهيار عصبي كانو سدو عليها باش تكالما ...من تما وهي عندها رهاب من الأماكن المغلقة
##بعد تلاثة ايام رؤيا كانت كتفيق فالصباح كتفطر وكتعاود تنعس گاع العيا تجمع عليها فدقة ...وكذالك منصف حتا هو عرف انه عندها مشكل مع الأماكن المغلقة داكشي لاش خلا ليها حرية التصرف كيفما بغات ..من غير انها متخرجش من القصر..ولا معرف شنو هاداك لأنها مزال معرفاتو شنو هو منصف(هاز فيدو الفطور):صباح الخير رؤيا:نتا شنو باقي باغي مني ..علاش حابسني هنا راه بابا ايلا شك فشي حاجة غادي يقلب وغادي يعرفك ...من الأحسن ليك خليني نمشي منصف:هههههههه حتا واحد مغادي يسمعك هنا ولا غادي يجيب ليك الخبار ...لا داك باباك ولا حتا داك ياسين لي قالب عليك دنيا دابا رؤيا:مكتهمني لا نتا لا داك ياسين ...لي كنعرف هو معندكش الحق تحبسني هنا منصف:ممم باقا حاقدة عليه ... رؤيا:شنو كتخربق نتا من الصباح منصف:كون كنت بلاصتو منضيعش شي وحدة فحالك على ود وحدة اخرى ...حتا هو صدق شماتة خلاك نهار الخطبة ومشا عند وحدة اخرى ودابا راجع بلا حشمة بغا يرجعك ... ولكن نتي ديالي انا بلا ميحلم بيك رؤيا(دموع فعينيها وشدات ليه فيديه):...عافاك خرجني .بغيت نمشي للدار .واالله منگول لشي واحد عليك ..عافاك منصف(دايب فديك الحركة لي دارت و من ديك البرائة): اه نخرجك علاش لا رؤيا:و فوقاش منصف:حتا تزوجي بيا ...ضربت هاد المسافة كاملة غير باش نشوفك ..وغادي نديك معايا كمراتي رؤيا(/بصدمة):شنو كتخربق نتا ...عمرني غادي نتزوج بيك فأحلامك منصف:عندك جوج حلول ...الاول غادي توافقي تزوجي بيا وگاع دوك المستندات لي غادي يدخلو سيف الدين العلامي لي هو باك للحبس غادي نقطعهم ...والحل التاني راك فهمتيه بلا منكمل رؤيا:كذاب ...كذاب نتا ..بابا معندوش وتائق فحال هكا بابا مستحيل يدير شي حاجة دخلو للحبس منصف:هاهوما الوتائق شوفيهم و ديك الساعة تيقي ولالا رؤيا(شادة الوراق بين ايديها):لا مستحيل هادشي ..نتا كذاب منصف(خدا لوراق):تيقي ولالا دابا عندك جوج لا غير ...نبغي فاش نجي لمرة تانية نلقا جواب
منصف خرج من الباب و رؤيا هزات فاز شيرات بيه :سير الله ياخد فيك الحق
رؤيا حسات براسها داخت ...مستحيل تزوج بيه ..ومستحيل تقدر تخلي باباها فالحبس ...كتخيل ماماها كيف غادي تكون ايلا شافت سيف الدين فااحبس...غادي تدمر فمرة
رؤيا بقات ليل كامل وهي تالفة بين واش تضحي ب باباها ؟ولا تضحي براسها؟...حتا استسلمات للنعاس ...معرافاش حياتها كيف غادي تكون من بعد ..للحظة ضلامت الدنيا بين عينيها ...تالفة بين جوج خيارات بجوجهم كيديو الأسوء ...لأول غادي يدمر عائلة ..وتاني غادي يدمرها و يدمر حياتها لي كانت كتحاول تقادها مي فالاخر فشلات
