السلاااام عللليكمم
اعذروني اذا شفتو بعض الاخطاء اعتذر بعدني مبتدئة ونبهوني عليهة وانشاءالله اصححهة
واذا عجبتكم اتمنى منكم تصويت لان هلشي كلش يفرحني ❤️🥺😍🌺
..
.
رزان:كعدت الصبح غسلت ورحت بدلت ولبست ملابس المدرسه ولبست حجابي ونزلت صبحت على ماما وطيبة وعلي وحيدر وكعدت اتريك كمل علي وحيدر طلعو واني هم طلعت ورحت للمدرسه فتت للمدرسه سلمت على البنات ودخلت وبدة الدرس الاول وخلص طلعت من الصف رحت على صف خالتي زينب هيه نفس المدرسه اني وياهة .
طبعاً بعد اصرار وتوسل شديد مني يلا قبل جدو يخليهة تجي للمدرسه اليمنه لان بيتهم بعيد عنه واكو مدرسه قريبه عليهم بس اني ردتهة يمي فبلكوة قنعته وهسه هيه اداوم وياي وترجع لبيتهم بخط
شفتهة ورحت عليهة
رزان:هلاوو زوزايه شلونج
زينب:هلا وبيج لحمدلله وانتي شلونج
رزان:امم زينه شكو ماكو
زينب:ماكو شي
رزان:علوم منا منا
زينب:يااا ام علوم 😹ماكو علوم جديدة على حطة ايدج
رزان:لاا مو خوش 😹
...
زينب:مرحباا اني زينب عمري 18 صف خامس اعدادي المفروض سادس بس اجلت سنه بسبب الظروف
ورزان مثل الاخت الي واقرب صديقه ومااعتبرهةة ابد بنت اختي
...
رزان :دك الجرس ورحنه كلمن الصفهة وكمل الدوام عادي ورجعت للبيت شفت عباس ابن عمو عدنان رحت علي لان مرات ارجع وياه من يصير دوامنه متشابه طبعا هوة اصغر مني بسنتين بس عبالك اكبر مني طويل ومشورب😹
رزان:هلاو عبيس شلونك
عباس:لا هلة من شفتج صرت مو زين واني شكم مرة كتلج لاتصيحيلي عبيس
رزان:شبي حلو يخبل ولايكلك
عباس يقلد عليهة:حلو يخبل ام راس الاعوج
رزان:انجب ابو راس المكعب
وكملنة الطريق كله مناكر اني وياه وصلت للبيت سلمت على ماما وعباس هم بس ماضل على الغدة ماما شكد اصرت عليه بس هوة ماقبل يضل وراح واني فتت جوة للبيت شفت بنت اخوي ريماس عمرهة سنه اجت تركض عليه ياابه شكد احبهة ومعتنيه بيهة اكثر من امهة بحيث خليتهة تصيحلي ماما واجة اخوهة انمار عمرة اربع سنوات هم كلش احبه بوستهم وصعدت للغرفه ورحت اخذت ملابس وسبحت ولفيت شعري ونزلت اشوف شمسوين غدة شفت ماما بلمطبخ
رزان:ماما شمسوين غدة
ماما:مركة شجر
رزان:اهوو ماما كليوميه نفس المركة دغيروهة عاد والله مو طيبة
ماما:ولج وين كليوميه قبل شهر واحنه مامسوين
رزان:هفف اروح اشتري اندومي اطبخة احسلي رحت طلعت فلوس وانطيت لانمار يشتريلي من المحل القريب على بيتنه اشترالي اثنين اندومي وسويتهم وكعدت وخليت ريماس بحضني وانمار بصفي وكدنه ناكل كملنه وكمت غسلتلهم واني صعدت فوك اشوف شعندي واجب وكعدت اقرة واكتب وجباتي لحد العصر
نزلت لكيتهم متجمعين كلعادة بلحديقه رحت يمهم وضلينه كاعدين ونسولف لحد المغرب طبينه للبيت ورحت ويه طيبه للمطبخ اساعدهة بلعشه وكملنه واخذت السفرة ورحت مديته بلصاله وكعدنه كلنه ناكل وكملنه وشلت السفرة ويه طيبه وماقبلت اغسل وياهة المواعين
صعدت فوك اكلب بلتلفون عاد نعست كمت بدلت ولبست ملابس النوم برمودة وفانيله صلوخ ماكدر انام اذا مو هيج احس حرارة بجسمي تشعلني شعل ومددت على الجربايه وكعدت اكلب بي
وماحسيت على نفسي شوكت نمت كعدت الصبح على صوت المنبه وكمت غسلت وبدلت ولبست ملابس المدرسه وطلعت ضل هل روتين
وواجت امتحانات نصف السنه وبدت وامتحنت لحمدلله نصهن سهلات وبقن بس ثلاث امتحانات وكعدت الصبح بدلت ورحت للمدرسه امتحنت ولحمدلله سهل بقن امتحانين واخلص شفت زينب طلعت من القاعه رحت عليه
رزان:هاا بشري جاوبتي
زينب:حليت وعليك يالله وانتي
رزان:اي لحمدلله سهلة اكلج
زينب:كولي
رزان:ليش ماتجين يمنه من تخلص الامتحانات
زينب:اي مو هيه بكيفي اجي بابا وماما مايقبلون
رزان:عزيزتي لعد اني ليش موجودة
زينب:صدك هوة انتي منو يكدر يخلص من اللسانج
😹
رزان بتقليد:هوة من يخلص من اللسانج امداج اي والله
مو صوجج صوجي اني
زينب:لا لا يمعودة لاتزعلين اشاقه وياج بس تعاي كوليلي شلون اذا ماقبلو
رزان:عزيزتي شوفي ولو اني ردت اسحب عرضي الي قدمته الج بس ميخالف هل مرة راح امسحهة بوجهج
راح اليوم من ارجع اكول لعلي ولماما حته باجر اروح وياج للبيت مالكم ومناك اقنع جدو وبيبي وارجع وياج
زينب:لج قندرة فدوة هذة عقل لو شنو
رزان:انجبي حبي ادري واتعلمي مني لاتضلين هيج فاكة حلكج ترة كلشي متحصلين لاطلعه ولا شي ماادري شلون راح اتعيشين اذا اغفل عنج 😹😹😹😹احجي هيج لان احب استفزهة بكلامي
زينب:اكلج شو انجبي لاطلعتيلج هاي الفكرة وخبصتينه خبص
رزان:😹😹😹ديلا حوبي روحي اجاج ابو الخط
زينب:يااا عزة نسيته هسه يفضحني يلااا باي
راحت تركض
رزان:رجعت للبيت سلمت على ماما وطيبه ورحت للغرفه سبحت وبدلت ولبست تراكسود وسويت شعري كعكة ونزلت ساعدت طيبه وحضرنه الاكل وانتضرنه اخوتي يجون يلا نصب واجر وصبينه وكعدنه ناكل كملنه وشلت السفرة وساعدتهة بغسل المواعين وكملنه ورحنه كعدنه بلصاله كلهم مجمعين اني كلت
رزان:علاووي حبيبي
علي:ههههه مازال علاوي وحبيبي بيهة مصلحة كولي خير
الكل:ههههههه
رزان:😹😹ايي والله اريد اروح باجر ويه خاله زينب لبيت خالوو واجيبهة واجي
علي:اي بويه روحي مابيهة شي
رزان:رحت حضنته وبسته بخدة شكرراا حبيبي
حيدر:ها ها هيج صارت بس علاوي حبيبج
رزان:رحت حضنته هم وبسته وكلت انته هم حبيبي كلكم حبيباتي 😹😹
الكل:ههههه
.....
اعذروني اذا شفتو بعض الاخطاء اعتذر بعدني مبتدئة ونبهوني عليهة وانشاءالله اصححهة
واذا عجبتكم اتمنى منكم تصويت لان هلشي كلش يفرحني ويعبر عن حبكم للقصة🌹😊❤️🥺😍🌺
YOU ARE READING
روايه رزان
Teen Fictionرزان(بخوف):شتريد مني وخر اريد اطلع ورحت للباب اريد افتحة بلحضة ماادري شلون صرت بينه وبين الحايط وادينه محاوطاتني بلزاويه مال باب اباوعله بخوف وهوة يباوعلي بعيونني كلش خفت كمت ادفع بي بس وين اني مثل الدودة وهوة الفيل اضخم مني بقاطات اني كلي اوصل لبط...
