خلصت فتره الامتحانات بصعوبه حاولت في الفتره دي اشغل نفسي على قدر ما اقدر وانتاسى اي مواضيع بتزعجني بس حاليا داخله على فتره اصعب من فتره الامتحانات عرس همام بعد تلاته يوم والليله وبكره عامل حنن ليه ومفروض احضرهم والاحلى امي مجهزه لي احلا تلاته فساتين ولبسه للغداء وجات هسي قبل شويه ادتني قروش علشان امشي الكوفير ارسم واظبط شعري وماشه يا جماعه ماشه ارسم واعمل فيشااال كمان واظبط حواجبي واتظبط اخر حاجه وبعد بكره حالون شعري بالكركداوي المهم ظبطت كل حاجاتي وجيت البيت المغرب لقيت امي جاهزه لبست فستاني كان بني فااااتح وطويل ايديه نص وفيه شبه سلسل خناف في الرقبه منه وفيه وضيق وفيه خطوه كبيره بالجنبه لبست حجل في جهه الخطوه وعملت شعري ضنب حصان وظبطت الميك ااب وركزت على جمال عيوني ولبست حلقاات رنقات كبيييره واسوره وكعب عالي كنت بسيطه وانيقه مشينا انا وامي الصاله اللي فيها الحنه كنت قويه لحدي ما دخلنا بس اول ما شفتو حسيت قلبي حيطلع من محلوو كان لابس جلابيه بنيه فاااتحه نفس فستاني يا جماعه اتخيلو بحضر حنه حبيبي المطقم فيها معاي لغيري ااااه يا قلبي 💔😢 كان جميل شديد ووشو منور مع الحلاقه الجميييله والسكسوكه البسيطه ومرتبه يا جماعه قلبي وجعني انا حبي ليه دا كل يوم بيكبر ومستحيل ينتهي او يقل حتى
المهم انتهت الحفله وما فيها شي يزكر غير انو همام قال لي الليله احنا مطقمين لما مشيت باركت ليه مع امي اللي كانت جاراني بدون ما تسئلني من رغبتي اذا حابه امشي او لا رديت عليه بأبتسامه بسيطه عادي بتحصل ومشيت
رجعنا البيت حكيت مع ساجد حكيت ليه الحصل كلو وهو قال لي ما تشغلي بالك وما تشيلي هم عارف انك موجوعه وانا اكتر والله عارفه انو الليله لين نزلت السودان مع حبيبها او بالاحرى خطييها واتصلت علي بكل بجاحه هي وخطيبها سلمو علي وقالو انو انا اكتر زول بيعروفني هنا وعايزين اني اطلع معاهم بعد بكره اتخيلي انو هي حتكون جنبو وماسكه فيه طول والوقت وممكن عادي يبوسها قدامي وانا حابتسم في وشهم وهي عارفه اني بموت الف موته وعايزاني اشوف البحصل دا ما عارف هي عايزه تصل لشنو هي معاه ولسه بتزعجني انا هي اختارتو ولسه ما عايزه تطلع من حياتي انا ما عايزاني ارتاح عايزه تكون مبسوطه ومرتاحه معاه وانا لسه قلبي يكون معاه واكون مشغول بيها واتخيلي اني ما قدرت ارفض حسيت اني لو رفضت حابين ليها ضعفي وانا ما عايز اكون ضعيف قدامها يا سمر انا ما حابب كبريائي ينخدش مع انو سبق وخدشتو لي بس خلاص مفروض احافظ على كرامتي وما اسمح ليها تنخدش تاني عارفه يا سمر نفسي اوجعها زي ما وجعتني نفسي اوجعها ولو بسيط انا عارف انها بتحبني بس هي اختارتو لانها انانيه فكرت في نفسها وما فكرت فيني عايزه مصلحتها وبس وانا رمتني ورا ظهرها بعد كل الحب الكان بينا
طيب مقابلتكم دي الصباح ولا بالليل
بالليل يا امي اتفقنا انو نتلاقى عشره ونص هم اصلا متحررين وما حتحلا ليهم المرقه الا بالليل
امممم طيب انا عندي ليك فكره بعد بكره عرس همام وانا ما حاكون حابه اقعد فيه كتير حابارك ليه وخلاص ممكن تجي تسوقني معاك ونمشي نقابلهم سوا وانا متأكده انها حتتغاظ شديد كمان بس عندي سؤال هي حلوه شديد
لا انتي احلا منها بس هي بتشبهك شديد كانكم تومتات بس انتي على احلا
كذاااب والله يعني علشان كده انت صاحبتني كويس يا سجم ليك حساب لكن هسي خلينا في الاحنا فيه المهم انا حاجتهد قدر ما اقدر علشان اكون احلا منها ولما تشوفني تغير شديد وحنلبس دبل حاعمل فيها اني خطيبتك كده قلبها حيتوجع وحتنال الانت عايزو وحاكون خدمتك خدمه العمر
بالجد يا سمر
بالجد والله
تصدقي كان نفسي اطلب منك تكوني معاي بس عارف انو عرس همام وحتكوني فيه ويمكن ما تقدري تطلعي بالليل وكده ياخ بالجد ما حانساها ليك يا سمر
ولا يهمك يا سجم اصلا زهجانه ونفسي انسى واتخطى علشان كده خليني اشغل نفسي بحاجه تانيه
طيب انا حاجيب ليك معاي الدبله اوكي
طيب ولعد نرجع حارجعها ليك
طيب اتفقنا يا احلا سمر في الدنيا
خلاص بطل بكش وتصبح على خير انا ماشه انو
طيب وانتي من اهل الخير
قفلت منو ونمت بعد عناء طبعا
