بين الغرور والكبرياء .

بين الغرور والكبرياء ٢٧

✍روز علي .
.
الحلقه . السابعه والعشرون
.
بين الغرور والكبرياء  ٢٧.
.
أصبّر الرّوح بيش وإنت بيه الرّوح
وإذا تطلع أظلّن بس جسد خالي
لكيتك من جنت ما لاكي كل النّاس
أنت أول محبّ وأنت صرت تالي
يلكلّك محبّة وأنت أحنّ مخلوق
معقولة الحمامة تصير كتالي
صح ماكو بجمالك أني أدري بهاي
وروجه رقّتك ما كظها أي جالي
حرام عليك تزعل وأنت الصّوج
أجيك أنا أعتذر وبلا ذنب خالي
تزعل ليش غالي وكلشي عندي وما أهدك دوم
غالي وهسّه حبّك جيف صرت غالي
أحسّك تختلف عن كلّ النّاس
بعيوني أشوفك عالنّجم عالي
وأشوفن دمعتك ما جنها تنزل ماي
ذهب تنزل دمعتك تجدح أتلالي
إلك بستان عمري بكل ثمن مزروع
راضي بكلشي منك كلشي يحلالي
أجيك ومن أرد فارغ أردّ للغير
وعنب بس على مودك تارس أسلالي
يمّك أنسى روحي ومن أكون ويّاك
وعلى فنجان شفتك تركع إدلالي
الواشي بلا بخت مرني وزعلك
أموت أنا ولا يوم أجرحنّك وزعلك
حلو كلك على بعضك وزعلك
بحلاتك فدوة بس أرضى عليّا.

٢٧
مي .
حجيت بقلبي هاي عود يحبهه ويحجي بهيج طريقه شكد حقير .  سديت الخط منه  .  وكتلهه

حبدل واروح  .حاولي اذا سألو تكولين نايمه او شي   او راحت البيت عمامي .
.
سهام .  عجل فدوه بسرعه .
.
مي . ماشي لتخافين . 
.
بدلت . لبست بنطرون جينز وتشيرت اصفر ليموني    لفيت شعري بالكماشه .  لبست حذاء ابيض . اخذت فوني ونزلت بهدوء  تفاجئت من لكيت صقر متمدد بالهول .  لا بیه ارجع ولابیه اتقدم .
.
صگر .  ها يول وين بهاللبس .
.
مي .  رايحه البيت عمو مزاحم  يم نسرين وناديه .
.
عفته وطلعت محجه شي  همزين . مو من عوايده ميحاسب . ياله المهم طلعت .  باوعت بالكراج ماكو احد . ركضت للباب الخارجيه طلعت وسديتهه ورايه .   باوعت يمنه ويسره الشارع فارغ .  بس اكو بيت قريب على بيت عمو عدوان .  واكف ولد بي .  شكيت هو لان هو وحده  واكف  التفت عليه  شافني اشرلي بأيده . . مشيت رحت اليمه . وكفت باب البيت .  بيتهم كبير  وهم كراج .  وحديقه .
.
جراح .  حدري فوتي جوه .  يشوفوج شيكولون الربع .
.
مي .  محجيت فتت سد الباب وكفنه ع صفحه .
.
جراح .  ول يابه من اروح فدوه للاصفر .
.
مي .  احترم نفسك .  اريد اعرف شنو راح تسوي بخصوص سهام .
.
جراح . عجل هي محدرتج علي .
.
مي .  عوف محدرتني او لا شنو حتسوي .
.
جراح . ما سوي شي .
.
مي .  بس اليوم راح يجي يخطبهه ابن عمهه .
.
جراح .  عجل راح يلمون نفسهم كبل مينفضحون . هههههه .
.
مي .  يعني شنو مناوي تجي تخطبهه .
.
جراح .  ول يابه تريدني امشي ع وحده . تتختل بنصاص الليالي ويه زلمه . هيج وحده ماكدر امن ع نفسي وبيتي وياها ..انه جنت ناوي اتونس وياها عمن سهله وجتي للدرب بسرعه .
.
مي . لعد انت شكد حقير وتافه . تضحك بعقل طفله .
.
جراح .  اووو هسه دريتي انه من زمان هذه طباعي .  وهي مو طفله بنواتنه بكدهه عدهن خلفه .
.
مي .  بس تأكد صقر يوصلك . واذا وصلك . راح يموتك بأيده .
.
من حجيت هيج هو تقرب عليه . اني رجعت بخطواتي ليوره انتجيت بالباب وهو وكف وخله ايده على الحايط من الجانب  والايد الثانيه من الجانب الثاني  و لازم بيهه الموبايل  واني عيني ع الموبايل مشفت غير الباب نفتحت وصقر واكف . كدامنه .