هبت ريح

بارت9

#هبت_ريح

هدايا قبل فوات الأوان وندم يتبعه اللم

الا من معين

#user65690873

#البارت9

بداء يتقدم واني واكف ومجتف ايدي لحد ماوصل يمي جرني من ياختي وباوع يمنه يسرا وصك سنونه وكال

اااانت شدتسوي هنا

مجاوبت كلبت عيوني وبتسمت بستهزاء

لك ااااني موداحجي وياك

نزل ايدك

راح اضربك واسحلك هنا

والله اذا انت رجال سويه حتى هنا افضحك واخلي كل العربان تعرف شمسوي بينه واني ليش داشتغل هنا

نزل ايده وبوده يذبحني واعرفه ميسويهه لان يخاف عل نفسه ونفخته الجذابه ويدري بيه اسويهه وافضحه جان بودي يسوي شي من اليسوي وياي بلبيت حتى هسه ابرد نار كلبي كدام العالم واعرفهم حويتم شنو بس ماسوه غير  خزرني وعيونه تلالي شرار وكال

عبالك هايهه مووو ترجع للبيت اليوم واني اعلمك بختك بلملاجين كلهم موجودين وماريد اصير حجوه بلسانهم اني اللك يلناقص

دفعني من صدري وراح وحمير يباوع ويبتسم مسدت عل لحيتي لطلعته غصبن ماعليه واني اتوعدله بحركه بسيطه رجعت كعدت وكملت شغلي لحد مااذن ونجمعنه سره حتى ينطونه اليوميات ومن وصل يمي السره حاسبني ابو المال وكلي

عمي ضرار هذا حسابك واحنا بعد منحتاجك العمال وأجد وان شالله تلكه شغله احسن من هاي

هزيت راسي اي وقبضت ايدي اصبر نفسي وكلبي ينزف وين الكه بعد شغله احسن من هاي  كاعد ومرتاح واليوميه تخبل اني شلون بحويتم راح يضل ورايه ويضل طايح حضي طلعت خارج البستان وروحي طالعه وصلت بايسكلي لكيته مبنجر والتايرات كله مدججه ماكو غير حمير الجلب اخخخ لو الزمه والله لشرب من دمه كدت الباسكل بيدي وامشي وامشي داشوف وين اوصل باافكاري وشراح اسوي دخلت البيت واني ضارب دولغه وروحي طالعه تلكتني امي عين عليه وعين الباسكيل التايراته يشحطن بلكاع واني اسحل بي وحالتي حاله صار ساعه تقريبا

هاااا يمه الله يساعدك

ويساعدج يمه

جاء شبيك اليوم وجهك مو عل بعضه وليش جايب بايسككلك شحط

من وراه رجلج وابنه الكلب ابن الكلب

انت وتالي وياه لسانك مراح تجوز منهم

من همه يجوزن مني اني اجوز

ليش شصاير النوب

مصاير شي حجيته ونزعت ملابسي بقيت بلداخليات وامي مازلات مستمره تسأل

أي غير اعرف شكوو احجيلي ولاتخلي كلبي وفكري يودي ويجيب

يمه اصلخ فدنوب حتى تطلعين يعني تشوفيني دابدل اطلعلي مني ليش تخليني اطلع هسه اكلب العرب عل راس حويتم وابنه