حب الظالم🔥

حلقـة 1

نعرفكم علي أبطال روايتنا
أفنان :مواليد1995 دكتورة نساء مواصفاتها بيضاء وعيونها كبار ولون عيونها سود ولون شعرها بني غامق وقصير ومتوسطة مش طويله ومش قصيرة وضعيفه 😂عفويه هلبا وطيوبه ومتحبش تجرح حد بكلامها بس ليقربها يشوف شي عمره ما شافه 😂 وقلبها أبيض وتسامح في كل حد متحبش تحمل في قلبها علي حد ولما تضايق تحب تبكي وتفضفض وتوسع خاطرها

توليب: مواليد1997وتقرى هندسه معماريةمواصفاتها
بيضاء وطويله وشعرها بني هادي وطويل هلباوعيونها عسليات وتحت الشمش دمار 🔥وجسمها سمبتيك هلبا😂هادية هلبا وناعمة بس لما حد يضايقها تجرحه بكلامها تخليه يندم حتى إن كلمها بس طيبه وقلبها نظيف ولي يكسر ثقتها مستحيل ترجع تصدقه ولا حتى تكلمه شخصيتها قوية ومستحيل تبكي قدام حد

مارن :مواليد 2000 تقرا طب بشري مواصفاتها بيضاء ولون عيونها بني غامق وشعرها بني غامق وطويل طويله شويه عصبيه هلبا ولسانها طويل وميهمها حد تجرح بكلامها مرات و ل ينرفزها معنداش غير إيدك وما تعطي 😂 تبكي ع أتفه الأسباب بس قدام حد نهائيا متسامحش حد غلط معاها ولو بكلمه بس لما حد يكون قريب منها يلقاها هشة وضعيفه وطيبه هلبا

محمد :مواليد1990 مواصفاته بشرته أبيض وعيونه زيتونيات شعره بني وطويل هلبا جسمه عضلات هلبا لحيته مرسومه يعني طرف هلبا وعصبي هلبا ولما يضايق يفش غله في لعب الحديد يعني رفع الأثقال وعنده شركه وصالات رياضه فلوس هلبا ومعتمد على فلوسه في كل شي وميحبش البنات ولا علاقات الحب عايش لروحه وأهم شي راحة عيلته وبالذات أمه وخواته

عمر :مواليد 1993مواصفاته شعره بني هادي وعيونه عسليات ومتخرج من أي تي لكن معتمد علي فلوس بوه لعنده معرض سيارات ويحب يستفز أي حد بكلامه ونسونجي يعني كل مرة مع وحده

يوسف :مواليد1996 ويكون خو محمد ومواصفاته أبيض وعيونه بنيات وجسمه عضلات زي خو يلعب في حديد وبارد هلبا يعني بايعها كل عنده عادي ومش هامه شي بكل ومتخرج من لغات لكن معتمد على فلوس خوه وكل مرة مع بنت
نبدو في روايتنا 🔥
( part 1 )

توليب :هيا أفنان وقت علينا 😠
أفنان:هيا تشبحي فيا نفطر ولا أصبري 🤨
مارن :هيا يا فجعانه وقت منبيش نتأخر ع الجامعة😏
أمهم (سماح)خلاص سيبو بنتي في حالها خلوها تاكل براحتها😂
توليب :نسينا تكلمنا ع بكرتك 🙄 هههه
الأب (أحمد) حني معندناش فرق بيناتكم يابنياتي وهيا يا أفنان وقت علي خواتك
أفنان :وفمها معبي ماكلة باهي هيا خلاص أسبقوني وطالعتلكم شويه بس
مارن:تمام هيا توليب خلي نطلعو وقت
وصلت مارن للجامعة وشويه وإتصلت صحبتها عهد
*طبعا عهد هادي إنتيم مارن وصحبتها هلبا
مارن : ووووه هالشنطه تقول متاهة وين أمه الفون أهوا
عهد:نقدر نفهم علاش عطلتي بش رديتي عليا شن ديري
مارن: شن ندير يعني وإنتِ ل يسمعك يقول حبيبي مش صاحبتي لتكلم فيا
عهد : إنت ولسانك خلاص آسفه
مارن :ههههه وينك أمتى توصلي بروحي قاعدة
حسام :نونسوك يا عسل 🍯
*حسام مع مارن في نفس الدفعه وهوا خرا ومقعمز غير يعاكس في البنات ل ماشيه ول جايه
مارن :كان مكسد برا ونس أمك بروحها توا تتحسرعلي تربايتها عليك باعتاتك تقرا وإنت تتمهتك 😏
حسام :أولاً أمي يونس فيها بوي وأني الحمد الله ماشيه أموري
عهد :ما بعد ل يطيح فيك أمه داعيه عليه
مارن :أسكتي حتى إنت خير ما نفش غلي فيك توا
عهد :ههه خلاص خلاص أهو وصلت
مارن هي صكري
ووصلت عهد وفطرو في الكفيتيريا وخشو للمحاضرات زي كل يوم
*عند توليب كانت مقعمزة في الكفيتيريا هياوصحبتها مودة
*موده تقرا مع توليب وصحبتها هلبا
خش عمر وكان مع بنت تقرا مع توليب وإسمها ميار وكانت مزيته بكل معنى الكلمه ومتحبش توليب ولا توليب تحبها
والكل كان عيونه في عمر كان لابس تيشرت أسود مبين عضلاته وسروال جينز وجاكيت
مودة :شوفي حظ المزيتات 😏
توليب :واضح من شكله عيل يمشي في الوقت وخلاص 😂
مودة :صح كلامك خلينا في قرايتنا أهم ههه 😂
توليب :إيه أهم شي قرايتنا والله
*عند أفنان كانت عندها حالة ولادة مستعصيه هلبا وللأسف ماتت المرا بعد ماجابت البيبي ل كان ولد
طلعت أفنان من العمليات وهيا تبكي ومتأثره هلبا ع المرا لماتت وكانت شاده يدها قبل ما تموت
خبطت في محمد وهيا تبكي محمد زبط إن أخته مريم ماتت لأن يعرف إن هادي دكتورة مريم
محمد :شد أفنان من مرفقها وهيا ماشيه وين ماشية دكتورة ؟
أفنان وهيا تبكي :من تكون بعد إيدك
محمد: أني خوها
أفنان: عظم الله أجركم شهيدة بإذن الله
محمد طاح ولأن كان شاد أفنان طيحها معاه وقعد يبكي زي البنت :أختي لا مريم مستحيل كيف 😭
أفنان من الموقف معاش عرفت شن تقول وزادت تبكي معاه بصوت عالي
وجو العيله كلها أمه وبوه وخوه يوسف وأخته هاجر ع صوت عياط محمد
*معرفتكمش علي هاجر مواليد 2001 كيف طلعت من ثالته تانوي وكانت حنطاويه وشعرها طويل هلبا وكانتمرتبطه بولد عمتها سيف
ناض محمد ودف أفنان لين جت علي طاوله النقل متع النظافه وجت طايحه في الوطى ومشي يجري لغرفة العمليات ويدور في أخته زي المهبول