بدايه يوم جديد
كعدت الصبح وغسلت ونزلت لكيت ماما وبابا ديتريكون
نور : صباح خير حبايبي
ام نور +ابو نور : صباحج لله بخير حبيبي
نور: ماما جمال وينه؟؟؟
ام نور : طلع للجامعته
نور ؛ اها الله يوفقه
سمعت صوت الخط
نور : يله ماما باااي اجه الخط
ام نور : لله وياج حبيبتي
نور رحت للمدرسه اني وزهره وخذت دروس واجو بنات سلمو ع زهره
شويه ورجعت نغزه نفسها
زهره : نونه حبيبي شبيج ؟؟؟!!
نور: مدري ولله بس صارلي فتره احس بنغزه بصدري شوي وتروح
زهره : يااا اااا صدوك تحجين !!!!!
نور : اي ولله بس شوي تروح
زهره : ولج كلتي لامج لو لا ؟؟؟!!
نور : لا ماكتلها
زهره : ولج لازم تحجين لامج لان موضوع مينسكت عليه
نور : ماشي حب
خلصنه دروس ورجعنه للبيت
وصلت يم بيتنه واشوف ناس عمامي بابا واكفين ولاد عمه
(اني ما عندي غير عم واحد وعايش بسليمانيه وعندي ثلاث عمات واحده بغداد ماخذه واحد غريب واثنين ماخذات اولاد خالتهن اخوه بالبصرة )
زهره : ولج نور شكو ؟؟؟!!!
نور بخوف : علمي علمج امشي بسرعه خلي نفووت
رحنه للبيت ولكاه ماما تبجي
نور : ماما شكو فدوه احجي
ام نور : ولج اخوج داعم شاب بسيارته وشاب حالته خطره وهسه اخوج بسجن
نور : يمه اسم ع لله اخويا هسه شراح نسوي
ام نور : عنتظر خبر من حاله شاب ولله كريم
بعد شوي فاتت بيت جيرانه ام رامي
(خلي احجيلكم ع ام رامي طبعا شكو مشكله تصير بالمنطقه سببها ام رامي تحرك اخضر ويابس وما شي يضل سر عدها اااابد باختصار شعللها للسالفه )
ام رامي : ولج خيه ام جماااال صحيح الي سمعنه
ام نور : يي ولله يا ام رامي صحيح يوومه وليدي راااح
ام رامي : يمه استهدي بالرحمن شبيج قابل جاهل جمال
ام نور : ولله بعيني بعده جاهل يالله رجعلي ابني
ام رامي : خيه تعرفين معزتج عندي لهذا مكدر اغبي عليج
ام نور بخوف : شكو خيه كوولي شصاير
ام رامي : هسه من اجيت عليج ع باب الزلم يكولون اهل ولد يكولون اذ ابنه مات ناخذ فصليه ودم جمال
