The Friendly Wedding (Season 1 & 2) - Published

Chapter Fifteen

CHAPTER FIFTEEN

Habang umiinom ng gatas si Sapphire ay mataman siyang nakatingin kay Johann na palakad-lakad na naman sa loob ng bahay na walang shirt.

Parang may nagbago sa katawan nito. Pagkatapos ng birthday niya two weeks ago, mas naging komportable na siya rito. Magkaibigan na magkaibigan na ang dating nilang dalawa. Mas close pa sila kaysa sa pinaka-close friends, mas best pa sila kaysa sa mag-bestfriends.

Iyon ang rason ni Sapphire sa sarili para malaya niyang nase-survey ang pagbabago sa katawan ni Johann nitong mga nakaraang araw. Minsan, hayagan pa niyang tinitignan ito and Johann does not mind at all.

"Nakatitig ka na naman sa katawan ko, baka naman ma-inlove ka niyan," nakangising sabi nito sa kanya nang mapansin ang ginagawa niya.

Nagpunas siya ng table napkin sa bibig pagkatapos maubos ang iniinom. "Your body... Why it is your muscles are more defined now? And how the hell did you get that...that abs trace?" di makapaniwalang tanong niya rito. Kumurap kurap pa siya.

Hindi siya nagkakamali, wala pa itong abs pero...pero pumoporma na iyon sa tiyan nito.

Tumawa ito. "Nagwo-work out ako, malamang. Doon ako sa gym ni Dylan. Inalok niya ko ng program para makadevelop ng abs. Isang oras sa isang araw lang ang kailangan kong ilaan para magkaroon nito," sabay tapik pa sa medyo-may-abs na tiyan nito.

Napataas ang kilay niya. "You're going to the gym na pala? Since when?" Hindi naman kasi nababago ang oras ng pag-alis at pag-uwi nito galing sa trabaho kaya hindi halatang may oras pa pala ito na nagpupunta ng gym.

"Mula nang matapos ang birthday mo. Naisip ko, oras na rin siguro na maging mas maalaga ako sa katawan ko. Masyado akong naste-stress sa pagtuturo. At least kung gumanda man ang katawan ko, aalis na ko sa pagiging teacher. Magsasayaw na lang ako sa gay bar."

She laughed and imagined Johann dancing in a bar full of gay audience cheering for him while he's taking off his clothes to the last piece of his undergarment. Then, Johann's wiggling his nice ass.

Napangiwi siya sa sariling imagination. "So eeww, Mister." She crossed her arms. "Ang sabihin mo, mula nang birthday ko, naiinggit ka sa mga katawan ng mga pinsan mo. Admit it, they look immaculate with those freaking abs."

Nameywang ito sa harap niya. And she swear, she saw his biceps flexed. Biceps! Gosh! Halatang halata na nga ang biceps sa braso nito.

"Hindi naman ako inggitero, Misis. Wala akong kailangang ikainggit sa mga pinsan ko. At saka bakit ba? Gusto ko ng magka-abs. Tutal, nagwo-work out na 'ko."

"Are you trying to impress me?" pang-aasar niya.

"Medyo. Pero puwera doon, nagiging seryoso lang ako sa pamumuhay ng healthy. Hindi na ko ganoon kabata, ah. Sumasakit na likod ko sa tuwing pagkatapos ko mag-check ng test papers. Tsk. Thirty-three lang ako pero pakiramdam ko ang tanda tanda ko na dahil sa back ache ko."

Ngumuso siya. "Masyado ka kasing seryoso sa mga ginagawa mo. After you check your students' papers, diretso ka na sa paggawa ng lesson plan at lectures sa laptop. Siyempre lagi kang nakayuko. Paanong di sasakit ang likod mo? Diyan ka pa sa maliit na center table gumagawa ng work. May work table ka naman sa loob ng room."

Umupo ito sa tabi niya. "Baka maabala kita sa pagtulog kaya dito ako sa labas gumagawa ng trabaho."

"You can do the work pa rin naman inside the room, eh. Don't mind me. In the first place, sa'yo naman ang kuwarto mo."

"Ayos na 'ko. Kaya ko naman na, lalo na ngayon. Tama na ring nakakapag-work out ako. Bonus pa ang abs para sa'yo," anito sabay kindat sa kanya.

Inirapan niya ito. "Mahirap magmaintain ng abs. Hindi pa nga refined iyan. At saka kahit wala ka naman abs, okay lang. Mag-exercise ka na lang." Ang alam niya kasi ay mas mahirap ang pagkakaroon ng abs kaysa sa simpleng exercise na puwede namang gawin ni Johann. Pagod na nga ito sa pagta-trabaho, magiging batak pa ito sa pagwo-work out?