(سوف تندم)
#Akbal_Mahameed
&&&&&&&&&&&&&&
مر الاسبوع لحت امي علمود اطلع وياها اجهز وطلعت جهزت على حسب الاصول بس جنت بكل شغله اخذها اتخايل نفسي اجهز لعرسي الراح وانهدمت فرحته ..
الى ان اجه يوم الخطبه اهنا ماقبلت اروح صالون .
مكيجت نفسي اني بالبيت ولبست فستان ابيض بسيط ..
اجوي بيت خالتي وبيت اهل عمر تم العقد..
ماحسيت لا بفرح ولا بخوف ولا توتر مااعرف بس ماحسيت بي مشاعر ..
دخل عزيز للصاله والضحكه شاكه حلكه ..
كعد يمي .
اجتي ام عمر لزمت ايدي خلتها بيد عزيز ..
كالتله بصوت ناصي صونها وحافظ عليها تره هالمره لو فرطت بيها بعد بالحلم ماتشوف اضفرها .
هز راسه وكللها بعيوني والله اخليها
عافتنه وراحت كعدت..
اجتي خالتي جابتله الذهب علمود يلبسني .
سحب ايدي لبسني الحلقه..
يباوع بعيوني بحب بس اني نضراتي جامده مابيها اي مشاعر ..
تقرب لبسني الكلادة والتراجي ..
ماحركت ساكن وهالشي غثه...
همس يم اذني وين رجفتج من جنت اتقرب يمج
باوعتله بنضره جامده وصديت عنه
انغث شويه وراحو ..
من راحو رحت لغرفتي ماشفت احد ابد .
نزعت الذهب شمرته والفستان نزعته دخلت للحمام سحبت وجلفت نفسي احس صرت قذره لان لزمني .
بدلت وطلعت شمرت نفسي على السرير حضنت فانيلته واكوله حبيبي سامحني حبيبي والله انجبرت والله تعبت من الضغط والله تعبت من تهمهم ..
سامحني حبيبي والله ماانساك بيوم راح تبقى حبيبي وروحي وماكو رجال يوصل لذره منك ..
شويه واندكت الباب كمت فتحته شفتها امي ..
تعالي تعشي .
ماريد...
مايصير يمه تعاي ..
ماما ابوس ايدج عوفيني والله تعبانه .
روحي نامي امي ..
سديت الباب ودخلت نمت واني حاضنه فانيلته .
ثاني يوم مادومت لان مالي طاقه .
العصر واجه عزيز ماطلعتله ابد دخلت لغرفتي وقفلت الباب ..
دكت الباب امي كتلها من وره الباب يوم روحي مااطلع.
حجيت بصوت عالي وهو كاعد بالصاله شي اكيد سمعني...
بعد ماشفته ..
بس الهضمني ابوي مايباوع بوجهي .
حسيته مقهور مني ..
بيوم الجمعه طلبت من امي اروح ازور قبر عمر .
اول مره ماقبلت تالي وافقت رحنه الصبح اني وامي وابرهم ..
من وصلت قبره دموعي كامت تهل .
نزلت بسرعه كلت لامي ماريد احد يتقرب .
اول ماوصلت يمه شمرت نفسي على قبره ..
ياحبيبي اشتاقيتلك والله كلبي ماعاد يحمل الفراق..
بوست قبره والحجر المكتوب عليه اسمه ..
حبيبي اجيتك بس اخاف لا زعلان مني ..
والله غصب عني والله طعنو بينه وافقت والله بس ردت اخلص من كلامهم ..
ظليت احجي وياه وابجي ..
تالي حسيت على برهم سندني وكومني ..
دفنت راسي بصدر برهم وابجي ..
مسح على راسي وباسني براسي ..
كافي ياسه اقريله الفاتحه ورشي قبره ماي ..
أنت تقرأ
سوف تندم
Romanceنحن في مجتمع شرقي يمجد الذكر ويظلم الانثى يتجاهل اخطاء الذكر ويتغاضا عنها .. لكنه يدقق باي خطأ يصدر من الانثى .. لكن ليس في كل مره الانثى هيه من تخطأ وتتحاسب الذكر ايضا يجب ان يقف ويقال له مهلً ياادام فحواء خلقت من ضلعك من الضلع الذي يحاوط قلبك لكي...
