♡ أميرة و عصام ♡ باللهجة الجزائرية ♡

☆ الحلقة ١٠ ☆

العجوزة: متلعبيهاش تحبيه و منعرف واش سمعتي انتي ديما مع الرجال معلاباناش وش ديري بلاك هوما اللي مخلاوكش جيبي ولاد لوليدي و اذا عجبوك هذوك الرجال روحي عندهم و ضك نجيب لوليدي لالات النسا

و بدات تخلطلي في شرفي و الكلمة الاخيرة اللي قالتها يا العاقر .. انا غاضتني روحي و ماسكتلهاش

أميرة: انا اشرف منك و هذا بيتي و عصام راجلي انتي االي تخرجي من نتي فزدتي حياة عصام في صغرو و تزيدي في كبرو بركاي والله حرام عليك

هي طرطقت بالبكى و انا مفهمتش حتى علاه راهي تبكي و تقول

العجوزة: سمعتها عصام شفت مرتك وش راهي تقول

انا درت لقيت عصام ورايا سمع وش قلتلها كامل مي مسمعشوش قاتلي .. رحت نجري في حضن عصام

دزني و قالي : أميرة مضنيتش في يوم رح تعملي هكذا و مع يما

أميرة: عصام هي اللي ...

هز عصام يدو اول مرة في حياتي و ضربني بكف .. انا من الشوك طحت في الارض

انا مصدقتش مالفة نتناشع انا و عصام يجي يرضيني يجبلي شيكولة يدير كلشي و يربح رضايتي غاضتني هذي الحادثة بابا و رياض عمرهم ضربوني مي حب حياتي و شريك عمري دارها

انا من الصدمة رفدت روحي ركبت الطوموبيل و بديت نسوق حتى لقيت روحي في دار بابا دخلت لدارنا كانت فراغة نبكيو نعيط 😭 ماما بابا

نبكيو نقولهم رحتو و خليتوني لمن نشكي همي شكون رح يوقف معايا مفقتش حتى لقيت روحي في بيت الجيران راقدة جابولي دكتور و عيطو لعصام مي قبل ما يلحق عصام انا هربت من عندهم للمقبرة عند والديا

وصلت قعدت فوق قبر بابا و نبكي

أميرة: سيدهم يا بابا ضرب بنتك يا بابا ايه هذاك اللي قالك نخبيها في عينيا .. ماما وين رحتي لمن خليتيني معنديش علامن نتكى و نبكي يا ماما ارواحي ليا

و عصام كان فوق راسي و سمع كلشي مي انا محسيتش بيه

ركع على رجليه و يبكي : أميرة اسمحيلي مكنتش عند حسن ظن والديك بيا سمحيلي أميرة مكنتش عند كلمتي

أميرة: ماما بابا راني رايحة مي قريب نجي عندكم

نضت شدني عصام : تروحي و تخليني تروحي و تحرميني منك تروحي و تخليني .. نوعدك نلحق من وراك

انا شفت عينيه و رحت نمشي و نبكي ركبت في الطوموبيل

عصام: ماعندك وين تروحي

أميرة: تعيش بعدني خليني نروح

عصام: قوليلي نوصلك و نوعدك نروح و نخليك

أميرة: اديني لدارنا

عصام: راكي قابلة تولي معايا

أميرة: لا اديني لدارنا عند بابا و ماما هديك ماولاتش داري هاذيك دار يماك

وصلني هبطت قالي :أميرة

أميرة: عصام انساني اميرة ماتت

قرب لعندي و ركع قدامي :أميرة ولي معايا نوعدك نرجعلك حقك راكي امانة عندي حبيتي يجي رياض

هو قال رياض و انا طرطقت بالبكا 😭😭😭💔 هبطت ليه و عنقتو

عصام: ولي معايا ربي يعيشك

وقفت نرجع معاه.. رجعت و عصام شرا دار صغيرة ليماه و دارلها خدامة تعيش معاها بعد ما حكاتلو يما مليكة كلشي

صح رجعت لداري بصح علاقتي مع عصام ماولاتش كيما بكري بعدنا على بعضانا وليت انا نرقد في شومبرا و هو في شومبرا يما مليكة دارت المستحيل باش ترجعنا لبعضو مقدرتش

STOOOOOOOOOOOOOOOP

ثاني نيو بارت 😍😍

رايكم + فوت + كومنت ❤😍🥰