| أمانة حيدر | ' باللهجة العراقية '

الفصل الثالث و الثلاثون

#أمانة حيدر
#بقلم:الراويه
#الفصل"٣٣"

بسم الله❤

.

سلام..

چنت بالدوام غارق بالشغل و بس اريد اكمل تا ارجع للبيت و ارتاح
للتلاثه و نص يلا طلعت من المستشفى

من وصلت للبيت لگيتهم بغرفة الگعده الكل مجتمع
سلمت عليهم و دحگت ل جلال الي ايدو اليمنى ملفوفه بشاش طبي من عند كفه

- ها سلامتك جلال ؟

- الله يسلمك
جرح بسيط

- اي جرح بسيط من اثنين قطب

حچتها رشا و هو دحگلها و تنهد، دحگت ل يُسر الي گاعده بصف امي ابتسمتلها و گعدت بصفها و هي گالت

- شو اليوم تأخرت

- صارتلي شغله خلتني اتأخر

هزت راسها ب اي و دحگت ل جلال الي لازم ايدو و مبين توجعو و بتساؤل گلتلو

- بشنو تصوبت

- و الله بالشغل
چنت اگص بمنشار كهربائي، و زلف ايدي الله ستر

- اي والله الله ستر
ما بيك غير العافيه

- الله يعافيك تسلم

گعدت شويه و گمت استأذنت منهم و صعدت فوگ
فتت للحمام سبحت و من طلعت لگيت يُسر گاعده على التخت و هي لازم موبايلها و تحچي بي

رفعت تك حاجب ب معنى منو و هي گالت بابتسامه

- جمال

- سلميلي عليه عجل

حچيتها و گمت انشف بشعري بالمنشفه سمعتها تگولو  سلام يسلم عليك
و شويه سدتو و گامت و وگفت يمي
ادحگ‌ عليها ابتسامتها على وجهها

- مبينه فرحانه

- كلشش

حچتها هي بضحك و اني جاوبتها

- ايي فرحينا وياچ

- جمال راح يصير اب

- اي عفيه ، ما شاء الله

حچيتها و اني اندار عليها و ارمي ايديه على كتوفها و گلت

- و انتي راح تصيرين عمه

- كلش فرحانه اله
و من حچه الي احس الفرحه بصوته

- اكيد يفرح لان راح يجي انتاجو

ابتسمت و هي تحظني و اني بضحكه گلتلها

- ها شو تتحارشين

- انته كلشي اسويه تگول تتحارشين
حتلو باوعتلك

- اني انسان استغل الفرص، و اعتبره تحرش

دحگتلي بطرف عينها و ضحكت و اني ارفع راسها و ابوسها من جبينها و اگول

- بوسه خاليه من الانحراف

ضحكت و هي تخلي راسها على كتفي، ظلينا هيچ مادري شگد
بس حسيت بكل التعب راح مني، غمضت عيني من باست كتفي و وخرت و هي تگول