الشيخة و ولد عمها الجزء الاول (قصة بالدارجة المغربية كاملة +18 )

الجزاء الثامنة

💅الشيخة و ولد عمها 💅
👄oumaima mega👄
🌷36🌷
هادي فاش كتكون مع صحاباتها كتفرعن غير كينفرد بيها مشات عندهم لقات نرجس يلاه مخرجينها من طواليط زالقة
نرجس : اح اح كنت فنتهرس اختي سكينة
سكينة : بينا فيك ديرو ليها الثلج و بداو تلبسو يلاه (هنا خدمت ليها مهنة الطب )
هما : واخا ......
ناضو سخرو سمية تجيب ثلج مشات دغيا لطابلة للعصير فيه جوج ثلجات لداخل دارت يديها خشاتهم في العصير جبدت جوج ثلجات و داتهم لنرجس حطهم ليها في رجليها و ناضو يلبسو كين غير زاز و توتوز عاد من موراهم ناضت نرجس كتعرج شوية و ناضت لبست فحالهم قرطاسة فحالهم خرجو كيضحكو و كيهدرو تبركالله نرجس ولات تمشي مزيان
ثائر كان فوق اليخت و كيشوف و داك الكلاص لي داربو
ثائر : هاحنا وصلنا ....طلعو عندو يتجراو ووقفو حداها و شعوراتهم كيطيرو و كيشوفو قدامهم كانت قدامه اليابسة بعيدة ببضع امتار كانت جزيرة دخمة كيتوسطها قصر كبييير ديرين بيه شقق صغيرة الواجهة ديالها بزاج مطلة على البحر (الصورة 👇) و على الضفة كينين مجموعة ديال اليخوت كينزلو منها غير المشاهير و العوائل الراقية و الحراسة مشددة راه ماشي عرس اي واحد هادا راه عرس الممثل العالمي نايف الشيخات غير حالفين فمهم
نرجس في ودن سكينة : فين حنا
سكينة : قرصني قرصني اش هادشي لي انا جايا ليه
ثائر نزل : نزلو من تم .....هبطو من موراه كاملين حتى وصلو ليابسة كان في استقبالهم انيسات جميلات خدامات تما امريكيات الجنسية و عاد لي بوديكار
انسة بلونكلي : مستر ثائر انا سميتي مايا غنكون تحت امرتكم و حنا كنا بانتظارك تفضل معايا
سكينة شدت من دراع ثائر : مال هاد سفريطة تدوي معاك بللفرنسوية يصحابلها مفهمناهاش .....هو نفض يدو منها
ثائر : زيدي و سكيتي .....غادية لاصقاه و لوخرين كين غير حل فمك حيت الجزيرة فعلا خيالية
ثائر : غتبقاي لاصقاني مرضتيني مبقيتش قاد ندور هاكا
سكينة : وشنو باغي تبعها شوف واخا تدور الارض كااااملة و الله لا لقيتي شي وحدة بزين ديالي راني بنت....شد جوج صباع ديالو صد بيهم شلاقمها حتى لصقهم و رخا يدو و واد قدامهم بلا مبالاة
قمر : متخليش شعر الكلبة تديه ليك
نرجس : و حربش تقيس نسيبنا
سكينة : انا بارك عليا نرسمو الخرائط و نقطعو البحر وهو بارك يتلوط على هاد عود الند بالفرانسوية فابلاتي
....مشاو تابعينهم حتى وصلو قدام وحد الابارطومو بعيدة شوية على ضفة ديال البحر فعلا ديك الابارطمون سانك ايطوال فيها كلشي اثاث رائع و أنيق و راقي و قدام لابيسين دخلو تما مطردكين عينيهم
سكينة : انا ما بقيتش كنتصدم
نرجس : تانا قريب نولف من خميس زمامرة لحي وريدة
مايا : مستر انا غنكون المشرفة غليكم طوال العرس
ثائر : وريهم الغرف ديالهم
مايا : اوكي مستر ...
سكينة : اش قالت
ثائر : سيرو معاها توريكم فين غتشخرو
سكينة : اويلي على هدرة هادي
ثائر: بلاما تفرعي ليا مخي
نرجس : سيدي ثائيير ايمتا غنمشيو الغرس
ثائر : تال ليل يلاه
سكينة : و نتا فين غادي
ثائر : ديها في مخك ....مشا خرج من جيهة لخرى سيد حافز القنات
مايا : miss can u came with me (سيدتي واش تقدري تجيو معايا )
سكينة : شوفي يا هاد سفريطة غتورينا لبيتا و غتمشي تخرجي فحالك
مايا : ههه مفهمتش ليه
سكينة : ايوا الضحكي على عمرك فين هاد لبيتا فين لاميزوو
مايا مفهمتهمش مي زادت قدامهم باش توريهم على الاقل غير فين غيشخرو هي غادا و هما تابعينها
نرجس : نتفو مها
سكينة : غير بلاتي حتى تقرب منو و غنتفهم ليها زغبة زغبة ....مشات فرقتهم على البيوتة سكينة في بيت و نرجس و قمر و سمية مبغاوش يتفرقو ليها و خلاتهم .......اما سي ثائييير فمشا لكافي كبيرة كينا تما لقا جماعتو جالسين
شهاب : ههه افين ابا ثائر
آدام : فينهما الشيخات هه
ثائر : واش فيما كتشوفني كنفكرك فيهم ولاا
نايف : عندك العرس يخرب و غتجي ميرنا و غتبدا تهدر بزاف (نايف العربية عندو مرخبقة شوية بحكم انه امريكي من ام مغربية )
شهاب: ههههه انا جاي غير نتفرج
ثائر : و هدرنا معاك اثبي مغيديرو والو و اجي بعدا من نيتك غتزوج بهاديك ميرنا
نايف : سي كنبغيها مي آدام لي كيبان لي غيخرج على راسو
آدام : بوغكوا
شهاب : هاديك لي لصقاك من عرف اش سماها الله
آدام : نوو كوم ميم حنا كنا صحاب و كنا مرتاحين مع بعضنا غير حولنا علاقتنا و نقدر نبغيها من مور زواج
ثائر : هي غنحضرو العرس اخر ...
نايف : يلاه نخليكم خوكم عريس غيمشي يوجد راسو ...ناض فحالو
آدام : الشيخات غيضربو لينا شي طرح ههههه
ثائر : صافي قلب على مي الزمر
شهاب تكا على الكرسي : اححح ب عدا عندي واحد سبعيام بلا قرطاس
آدام : هه الناس ديال الايف بي آاااي .....بقاو كيهدرو شوية قلبوها تخسار هدرة على الجهد متجلسش حداهم حتى لشي وقت عاد تفكر الشيخات خاصهم ميحنجرو استأدن منهم و ناض دار دوموند على الماكلة باش يجيبوها لابارطمون ديالو ...