على ناصية الحب ..❤ " اسكريبت"

ما تنتظره ينتظرك ❤👫

- انا عمري ما اتمنيت حاجه وحصلتلى عشان كده دايما تلاقى كسرة النفس ملازمانى ..

- انت عندك شك ان ربنا احرم علينا من اهالينا ؟!
" وَيَدْعُ الإنْسَانُ بِالشَّرِّ دُعَاءَهُ بِالْخَيْرِ "

- واثقه ف رحمته لدرجة اليقين .. بس البنى ادم بطبعه عجول .. " وَكَانَ الإنْسَانُ عَجُولا " .

-ونعم بالله .. بس قهوتك بردت على فكرة وانت بتحبيها سخنه ..

كانت تلك المرة الوحيده التى طلبت بها قهوتى سادة ، كأن قلبي كان مُكتفيا بسُكر وجوده ، كل ما اتذكره ان عيناى انخفضت لاسفل تارة واحده فقط لالتقط الكوب قبل ان تعلق بحدقتيه الاتى لم يختلفا كثيرا عن سطح قهوتى ، شرعت بالاحتساء ببطء شديدٍ ، وانا اتامله ابحث في عينيه عن سبب لصمته الدائم ، كلماته المعدوده ، هدوئه اللامتناهى ، بئر الكلمات والاسرار التى ينطق بها ضياء مُقلتيه اللاتى كانت ثابته نحوى ولم يخل وجهه من ابتسامته الخفيفه التى تنير معالمه ، فجاة شعرت باشتياقى لصوته فربما مر الكثير من الصمت لذلك اشتقت .. او القليل ولكن قلبى اصبح مدمنًا لتلك اللحن .. فاردفت بهدوء وانا اضع فنجانى بخفه على الطاوله

- سرحان فى ايه ..

- احم .. ابدا بس شكلك حلو وانتِ تحت تاثير قهوتك ..

- او تحت تأثير عينيك ؟!
لم اعلم كيف هرب اللفظ من بين شفتى كذلك بدون رقابه مما جعل عيناى تجوب المكان بارتباك بدت معالمه على حركة اصابعى العشوائيه واثبته نبرة صوتى المرتعشه وانا اقول

- انا كل يوم بشرب قهوه فمش بكون حلوة يعنى .. قصدى انى حلوة عشان مبسوطه معاك ... اووووف ولا دى كمان هتنفع اقصد اقولك انك بتبالغ شويه .... لالا قصدى مرسييه 🙂

التوى ثغره جنبا ليشقه بانفاس ضحكه هادئه جذابه قائلا
- طلبتى تقابلينى ليه ؟!

- ممممممممم .. انت مكنتش حابب ؟!

- لو مش حابب مكنتش جيت !!

- صح 😍

- هاا .. ايه مزعل القمر دا !!

ارتدت ثوب الصمت لدقائق ثم اردفت بحياء لطخ وجنتي بحمرة الخجل
- امير .. انت حاسس بايه معايا .. قصدى يعنى انا ممكن اكون الشخص اللى حابب تكمل معاه الباقي من حياتك ..

بدت شفتيه بالتحرك ولكنى قطعته بنبرة رجاء
- استنى هخلص كلامى الاول .. احنا لما قعدنا قولتلك انى عمري ما اتمنيت حاجه وحصلت عليها ودا يمكن عشان اكتفيت بأمنيتها بس .. موقفتش قدامها وطلبتها ... يعنى لو رجعنا بالشريط لورا لاول حاجه اتمنيتها تفتكر لو وقفت قدام الحاجه دى وقولتلها انا عاوزاكى ليا .. هترفضنى !!

- طول عمرهم بيقولوا لينا اللى عاوز يوصل لحاجه يتمنى ويدعى ويسعى .. وهو يوصل ؛ بس نسيوا يقولوا لينا قبل كل دا ياترى الحاجه دى عاوزاك زى ما انت عاوزها .. كلنا اتربينا على دائرة مفتوحه لازم نص فيها مفقود .. عشان كده بقولك " اطلبى الشيء من الشيء عساه ينتظر طلبك !! "

- طيب افرض الحاجه دى مش عاوزانى زى ما انا عاوزاها .. ؟!

- يجوز .. بس وليه متقوليش انها ممكن تغير رأيها لما انت تطلبيها .. لما تعرف ان حد محتاجها بالشغف دا ، فهى اللى تخطفك من التوهه دى ليها وبس حتى ولو مكنتش عاوزاكى ف الاول .. !!

ساد صمتنا لبرهه على عكس ضجيج وفوضي انفاسى المنتفضه على دقات قلبي فرددت
- عشان كده اسمحلى اخد الريسك .. واقطع حيرة وسهر ليالى كتيره واقولك " امير انا حابه حياتى معاك .. واثقه انى مش هلاقى الراحه دى كلها مع حد غيرك .. متبصليش كده هتقول لى احنا صحاب .. بس انا غصب عنى وقعت ومقتنعه جدا ان العلاقه اللى بتكون صداقه وتقلب لحُب كده بقيت سد ضد اى ريح .. انا كل يوم برسخ ف ذهنى اننا صحاب وماينفعش خصوصا انك عارف عنى كل البلاوى اللى دافنينها سوا .. بس امر القلب غَلب .. "

حاولت ان اجد في عيناك ردا ولكنى ايضا فشلت تلك المرة ، لم يكن امامى سوى الانتظار بردٍ حاسم ، تعالت انفاسي وانتفاضة قلبي حتى بدت معالم ابتسامه خافته على وجهك لتقول
- هو انا مش قولتلك اطلبى الشيء من الشيء عساه ينتظر طلبك !!

نبرة صوت مبحوحه خرجت من شفتي وانا اترقبه بعيون دامعه
- يعنى !!

- يعنى نفس دقه القلب اللى بتدق جواكى دى .. شغاله طبله بلدى جوايا هنا ..

بللت حلقى عدة مرات محاوله استيعاب حديثه ، كلماته ، سطو بسمته ، سحر لمعة عيناه فهتفت بتلقائيه
- معقوله .. انا مكنتش عايشه فى وهم يعنى !

- عمر الحب ماكان وهم يانهال .. مافيش قلب بيدق لجماد .. اتأكدى ان لغة القلوب مابتكدبش ..

- وطالما انت عارف كده .. مخدتش ليه الريسك دا !!

- ممممممم اقولك على سر .. واعتبريه برشامه كده ف جنس ادم كلهم !!

- ياااااريت

- كنت مستنيكى انت تبدأى بيها .. لان المعروف يعنى عن بنات حواء كلهم اضعف من انهم يستحملوا مشقة وعناء ألم كتمان الحب .. كنت مستنى الليفيل المعين اللى يخليكى تتمردى على كل القواعد وتعترفى .. واما احنا جبلات عادى مش حاجه زى الحب هتأثر فينا .. 😎

- ياااااسلااام !!

- احم انا هوقع نفسي ف فخ ولا ايه .. ياباشا دى بتجيبنا على جدور رقابينا انت بس اللى مستنتيش اكمل ..

- والله! طب ايه ؟!

- بحبك .. 😉

- وانا حبيت الحب بيك ❤🙋‍♀️

#على_ناصيه_الحب ❤
ل #نهال_مصطفى