🍁
فليكن مبدأك كمبدأ القطــــار ...
لا ينتظــــر من لا ينتظـــــره ...
🍁...🍁...🍁...🍁...🍁...🍁...🍁...🍁...
بعد عدة ايــــام...
ابراهيم كان قاعد في كرسيه المتحرك والممرض جنبو بيأكله...ومعاهو ولدو اسامة بس ما بهدف الزيارة طبعا وكان بناقشوا في اكتر من موضوع بيخص الشغل....
اسامة:بفضل افكاري المتميزة الارباح عندنا ارتفعت اكتر من زمان...بس محتاجين نزيدها اكتر من خلال مشروع اقترحته على المجلس وهو بناء مصنع تاني في مصر يساند مصنعنا في اوروبا..بس زي ما عارف الـ.....
ابراهيم العجوز اللي رغم كبر سنو ما فقد دهائو وخبثو قاطعو بعد ما اداهو نظرة استفزازية:قصي رفض طبعا صاح؟!
اسامة من غير نفس:الخبر وصلك 🙄.
ابراهيم:لا توقعت الحاجة دي...وتابع باستهزاء:لانه افكارك في الربح السريع دائما تنال اعجابه 😏.
اسامة بغضب مكتوم:ابوي انا من حقي ابدى شغلي الخاص واتخلص من القيود الربطنا فيها قصي بالشركة والشغل المشترك.
جاوب ببرود:عندك قروشك الخاصة.
اسامة:بس قروشي الخاصة ما بتكفي لمشروع كبير وضخم واضـ....
ابراهيم قاطعه:ما تبرر يا اسامة انت تربيتي وانا عارفك...ما عايز تبدأ بقروشك الخاصة وعايز تشيل من قروش الشركة عشان لو المشروع فشل الخسارة ما تكون ليك انت براك وتكون جماعية...اضافة لأن وجودك هنا كان عشان اوكلك المشروع وتستولى على كل ارباحه.
اسامة بغضب:ابووووووي..
العجوز حرك وجهه للمرض وقال:كمل يا ولدي الاكل انا جعان.
اسامة اتغاظ شديد من تجاهل ابوهو المعتاد ومشى بعيد للباب وصادف اخوهو احمد وهو داخل بابتسامة:اووو اخوي اسامة هنا هلا والله 😊.
اسامة اتجاهل احمد وطلع اما احمد ابتسم كان متعود على اسلوب اخوهو وغضبه البتفشاهو في الناس...ابتسم ودخل لأبوهو وباس راسو...
ابراهيم بابتسامة:مرحبا بولدي الغالي.
احمد:هلا فيك يا ابوي...اخبارك وصحتك؟!
ابراهيم:الحمد لله لحدي اسي عايش مع اني حاسي انو الحوالي ناوين يورثوني وانا عايش.
- قصدك اسامة؟!
- هو وغيره...والمشكلة انو اولادهم دخلوا في القصة.
- اممم وانت ح تعمل شنو؟!!
- بصراحة حاسي بعذاب من التفكير في الموضوع في نظري انو منصور واسامة واولادهم ما ليهم اي حق بالنصيب اكتر منك يا احمد...بس برجع وبقول سارة ما عندها ذنب حتى وان كان قصي ما مقصر منهم وعندو اكتر من العندي دا عشرااااااات اضعاف...بس في النهاية المحامي اقترح علي اعمل وصية وارتاح.
YOU ARE READING
موت بطيء
Romanceهكذا نحن البشر .... نحزن ونتألم وحدنا .... نعيش ايامنا وحدنا .... اللي يريد الحياة لازم يقاوم .... ويحاول م ينحني لاي اعصار مهما كان قوي .... واذا اضطررنا للانحناء .... سوف ننحني حتى تمر العاصفة فقط .... ثم نعود حتى تستقيم ظهورنا وحياتنا .... ونعود...
