اليتيمة🔞🔞🔞

3

ليلى....كعدت الصبح وإني كلما أذكر الحلم ابجي وابوس بالصور وأسلم علة الإمام علي عليه السلام
طبعا حياتي وية بيت خالي كتلكم عبارة عن ضرب وإهانة تخيلو اذا طلبت من مرت خالي اجيبلي مالت الشهرية تضربني ومتقبل وتشمر علية هدوم كلش قديمة اشككهن واسويهن وصل واستخدمهن ومن يجي خالي تكلة هاي بت اختك كل يوم مطلعتلي لستة تريد غراض واضل تحجي علية لحد ما يجي يضربني ويكمل علية هوة هم وإني اسكت استحي اكلة ردت بس مالت الشهرية أما بالنسبة للهدوم تنطيني مرت خالي مالتهة الدشاديش كلش قديمة ومشككة وطوال وعراض علية كلش بس اسكت واكول الله يفرجهة مظلوم ولا ظالم واسكت
نرجع هسة كعدت الصبح رحت سويتلهم ريوك طبعا جان يوم جمعة وكلهم موجودين بالبيت وهذة صادق مديفك عني ياخة مكابلني وكاعد
ووين ما اروح وراية
المهم حطيت البيض علة النار حسيت أحد لزمني من ورة وصار يتلمس بجسمي
رأسا انداريت ودفعتة ولزمت السجينة و وجهتهة  عليي وكلت
ليلى.....صادق والله اذبحك اذا تقربت من يمي والله
صادق....اششش يحلوة صوتج هسة ليش هيج ضايجة امشي خل نتمتع شوية شبيج
ليلى.....صادق وخر لا الم أمة محمد عليك والله
صادق وهوة يتلاوة وياهة ويبعد السجينة و صار يجرهة للغرفة .....دمشي وخل اشوف التلم الأمة علية شكد حلوة بدون ملابس
ليلى....صار يجرني ويلزم بأماكن بجسمي وإني ادفع بي واحجي بصوت ناصي واتوسل بي ما أريد تكعد أمة وتكلبهة علية وانضرب وانهان بالجديد والله لسة جسمي يوجعني
ضل يجرني لحد ما دخلنة للغرفة وشمرني علة الجرباية وإني ابجي واشهك جوا هجم علية وهوة يبوس بية ويرفع بدشداشتي لحد ما وصل حدهة وراد صدك يغتصبني لهنا ومتحملت دفرتة صحت بصوت عالي
...... الحكولي فدوة راح اموت
علة صوتي هوة ابتعد متفاجئ من ردة فعلي 
وإني علة الجرباية ابجي واشهك وهدومي مشككة علية ومرفوعة لافخاذي كمت علة حيلي باوعت خالي اجة وهوة يصيح شكو ومرت خالي هم اجت والبنات هم
وبسرعة اجت مرت خالي علية وملختني من شعري
مرت الخال....ولج هاي شنو اسويتي لأبني وهسة جاية اصيحين ها كح....ادبسز انت اللي تغوي حقيرة وبعدين اضلين اصيحين كح.....
كلة صوتي اني بقيت هاي الكح. ..ابيتي حتة تورط ابني بمصايب
الخال.....اسكتي يا مرة مدشوفين ابنج هوة معتدي عليهة وحالهة كدامج وبعدج اتهميهة صحيح اني مرحمتهة وخليتهة هنا مثل الخدم بسبب الحقد بيني وبين ابوهة بس مال ابني يعتدي عليهة ويغتصبهة لا هذة خطر علينة كلنة وج تدرين اذا درو عمامهة هاي بتهم وصادق مغتصبهة يفنونة عن وجه الأرض 
مرت الخال.....لعد شلون شسوي وية هذة الاغبر احمد الكة حل لهاي السالفة لو اطلعهة لهاي الحقيرة من البيت.....حجت وهية تعاينلي بغل وحقد
الخال.....هاي السالفة خطرة لأن عمامهة لو افتهموا مصيبة وتوكع علة روسنة وما الهة الة حل واحد
مرت الخال....وهوة
الخال......انو اذبهة علة عامهة واخلص منهة
ليلى.....يحجون وإني صافنة علة اللي ديصير
يعني رغم ابنهم مأذيني همة صافين ويا ويردون يتخلصون مني
شنو من طينة ذولة الناس لهل درجة الحقد والكراهية واصل عدهم 
مرت الخال....زيت وذولة شلون راح يستقبلوهة وهمة ميدرون اصلا عدهم بنية
الخال.....عدي اوراقهة وكل الاثباتات انو هاي بت ابنهم
وإضافة إلى انو ولدهم كلهة ظباط يدرون يطلعون الأوراق من أدلة اذا رادوا اثباتات اكثر
مرت الخال....أي لعد شمنتظر وديهة لوجه الفكر هاي وخلصنة منهة ومن شرهة لجيبنة مصيبة شكبرهة
الخال وهوة يوجه كلامة لليلى ....روحي حضري روحج دا اخذج لعمامج بسرعة
ليلى....رحت وإني الدمع عشرة عشرة ما بيدي كل حيلة
لأن يتيمة وماعندي أهل ادولب حالي من بيت لبيت
بس عندي أمل انو بلكت ذولة يصدكون انو اني بتهم وميئذوني
لميت ملابسي اللي هنة كلهن يمكن ميصيرن أربع خمس قطع بجنطة زغيرة ومشيت طلعت برة هذة البيت وإني ما شفت ولا أحد بيهم لا مرت خالي ولا جهالهة
طلعت صعدت بالسيارة وتحرك خالي وللبصرة توجهنة
طبعا طول الطريق اني عيوني موكفت لحضة عن البجي ودموعي
احسهة نار تجوي خدودي
عندي رغبة هسة  اروح لضريح الإمام علي أبو اليتامة واصرخ بكل قوتي واشكيلة عن اللي سوو بية
وافرغ كل قهري يم الأمام
وصلنة للبصرة مشينة داخل احيائهة
والله وصلنة لفد منطقة راقية وكلهة بيوت وتقريبا كلهة نفس الشي مبينة مالت عائلة أو عشيرة كبيرة
وكف السيارة وطلع أوراق ونزلنة لفد بيت نهاية المنطقة
صاح خالي علة ولد زغير وسألة عن بيت الشيخ سلمان اشرلة الولد علة اخر بيت بالمنطقة وخالي العزيز سوة سواية الولد الزغير مسويهة
واللي هية انو حط الأوراق بيدي وخلة وراح ووصاني ما اجيبلهم طاري اللي سوو بية
ضليت صافنة شكد جبان هذة الرجال
نزلن دموعي بهضم لمن راح ومضل بس تراب السيارة
مشيت وعاينت اكو رجال جبير بس مرتب يطلع عمرة بال50 سنة لابس لبس شيوخ رحتلة وإني امسح بدموعي انتبهلي هوة وكام من مكانة واتجه الية وصل يمي سلمت وسألتة
ليلى.....عمو وين الكة الشيخ سلمان
الرجال.....وصلتي بعد عمج بس منو انة ابنة الشيخ جابر
بس يبنتي منو انت وليش تمسحين بدمعاتج
ليلى بهضم.....يعني انت عمي
الشيخ جابر.....عمج شنو يبنتي ليش منو انت
ليلى وهية تنطي الأوراق.....عمو اني بنت عماد سلمان
الشيخ جابر وهوة يسحب الاوراق منهة بتفاجئ وحيرة....يعني انت بتنة بت عماد.....حجة وهوة متفاجئ
ويكلب بالأوراق
ليلى.....طبعا كل الأوراق تثبت انو اني بنت عماد سلمان
عاد عاين علية وكلي امشي كدامي يبوية سالفتج باينة طويلة 
مشينة لهذة البيت وإني ادعي الله يفرجهة ويصدكوني
عاد وصلنة كلي طبي يم النسوان ومن اني اصيحلج تعاي
وراح
طبيت يم النسوان سلمت كلهة انتبهت ضلو يتسألون منو هاي عاد مرة جبيرة اجتني كالت
....يمة منو انت
سمعت نفس الرجال صاح من ورة
الشيخ جابر....بوية خلهة هل البنية هنا ومن اصيحهة جيبوهة للاستقبال(المكان الكاعدين بي الزلم )
ليلى....راح هذة الرجال وإني كعدت بالمطبخ بعد ما كلتلي هذي المرة اكعدي هنا
طبعا كومة جانو اكو ناس موجودين وكومة بنات بس اني مجنت منتبهة
أو بالأحرى جنت كل همي اعرف اذا افتهموا بية يصدكوني لو لا
بعدين اذكرت الصور والرسالة الموجودة عندي
كلت اطلعهن لمن يصيحلي هذة الرجال
ضليت كاعدة وافرك بأيدي واحس امعائي كلهة تتقلص
ورجلية يرجفن عاد جابتلي هاي المرة كلاص ماي
وسألتني
أم اسد (مرت الشيخ جابر).....يمة انة مو من عوايدي ادخل بأمور الزلم هواي بس اشو أحس دمي حن عليج متكليلي انت منو يبعد امج
ليلى...خالة اني أأ.....
بعدني مجاوبت صاحني هذة الرجال
الشيخ جابر....وينج بوية
ليلى بقلق وخوف....ها عموو
الشيخ جابر....تعاي وراي بعد عمج
ليلى....مشيت ورا بس قبل مدخل اندار علية وحجة
الشيخ جابر....بوية لفلفي نفسج زين وادخلي
ليلى....هزيت راسي ولفيت روحي ودخلت ورا اعاين الانضار كلهة اتوجهت علية جانو كاعدين كلهة رياجيل بمختلف الاعمار بس بالاخير جانت كاعدة مرة جبيرة بالعمر كلش وكاعد بصفهة رجال جبير مبين رجلهة هيج شي وكفت كدامهم صاحتلي هاي المرة واشرتلي بصفهة اكعد
رحت وإني بس ارد اعرف شنو اللي راح يصير مبقيت أمام ونبي بداخلي ما نخيتة
كعدت وإني ارجف مثل السعفة اتقربت هاي المرة وحضنتني وشمتني حيل
وجان تكول
الشيخة وضحى....ولكم يمة هاي بنت الغالي هاي بنت ابني العزيز الراح من ادية
أبو جابر أي هية بنيتنة والله بيهة من ريحة الغالي
أبو جابر.....بوية شني الإثبات بلكن هاي الأوراق مزوريهة
جابر.....والله يا بوية هاي الأوراق وراح اخابر أسد هم نتأكد من خلال معارفة بالدولة والجنسية شي اكيد
زين بوية انت منو جابج.....حجة وهوة يوجه كلامة لليلى
ليلى.....خالي جابني بس خلة بيدي هاي الأوراق وراح
أبو جابر.....اها الجبان موش زلمة هذة اللي يجيب بنية اباب بيوت العالم ويشرد
ليلى....جدوو ذني صور امي وابوية وهاي الرسالة كاتبتهة العاملة اللي جانت بالميتم موصيني علية جدي أبو امي.....حجيت وإني انطيهم الصور
أبو جابر.... بوية هاي صور عمار وسحر بس محد وصللنة عمار عندة ضنة .....حجة وعيونة دمعت من شاف الصور والرسالة
كومي يابنيتي وتعاي خل احبج بلكن تطفة نار كلبي علة وليدي
ليلى....كمت ورحت يمة وإني أحمد ربي الف مرة يعني هسة تقريبا 70 بالمية صدكوني بقت بس يسألون خالي وابنهم يجيب الاثباتات من الدولة 
رحت يمة كعدت بينة وبين الشيخة اللي هية بيبيتي
ضمني الصدرة وشمني وصاح أي يوضحة ما جذبتي خبر هاي بت الغالي اللي راح من ادينة هاي بنت ضناي هاي البقتلي من ابني
ليلى.....هسة تكلون شلون بسرعة صدكوني وشلون هيج صار بس الأوراق اللي جانت بيدي والجنسية وحالي وإني آثار الضرب علة وجهي والصور ذني ثبتن واذا جانن مو كافيات
فكل الاكولة انو هاي معجزة يمكن الله حنن كلوبهم علية لأن يتيمة ومالي أحد
ضليت يمهم رحنة للبيت وجدي وصة ميحجون أي شي لحد ما ابنهم اللي اسمة اسد يجيبلهم الأوراق من الجنسية
والله للعصر والأوضاع بالبيت متوترة
اني كاعدة بغرفة بيبيتي وجدي وبيبيتي بس تبجي وشابكتني
يمكن كلبهة كلب أم وحست اني بت ابنهة وهيج حالهة وياية
عاد شوية وصاحوا اجة الشيخ اسد اجة الشيخ اسد عدلت بيبي حجابي بأديهة وجان يطب شخص كلش ضخم لابس عسكري
وبيدة أوراق نزع نضارتة وهوة يعاينلي من فوك ليجوة جانت نضراتة حادة تكص كص
أشر لجدي وجدي اومئ براسة بالموافقة فجأة انطة لجدي الأوراق وكعد يشرحلة شلون وشنو صار وياية من أول يوم اجيت بي للدنية ليهسة
ضليت صافنة شبسرعة وشلون جاب هاي المعلومات بهل السرعة
انتبهت اكو علة جتافة نجمة ونسر يعني ضابط برتبة مقدم
طبعا جان عندي حب للعسكرية بشكل مو طبيعي كل الرتب حافتهن لأن أحب العسكرية من زغري
بيبيتي لمن جاب طاري موتت اهلي كامت تبجي بحرقة وتلطم عاد هدئوهة وجدي كادني وطلعنة برة الغرفة وجانو كلهم مجموعتين ويعاينون بفضول واستغراب.......

أسد....
ابن الشيخ جابر وحفيد الشيخ سلمان طبعا أكبر احفادة عمرة 33 سنة
شاب جميل وصاحب بنية جسم ضخمة كلش وكتاف عريضة عيونة سود حادة
شيخ وضابط برتبة مقدم
طبعا اطباعة عصبي ومتملك بشكل كلش كبير
ميحب كلمتة تتعارض واعتماد جدة وأبو عليي........

يتبببببع

مرحبا بنات
وهذة بارت اعذروني علة الأخطاء الإملائية
وبالنسبة لقصة فصلية الصكر العاشق شنو رأيكم انو نسويلهة فد مشهد جديد بين صكر وفرح وابطالنة نستذكر بيهة حبهم وجرئتهم
لانو بهاي القصة راح ندخل ابارتات كلش جريئة
وراح تكون كلش قوية 😉
فكلت اسويلكم مراجعة بذيج القصة وبعدين ندخل بهاي شكلتوا إنشاء الله وصل شرحي
وحبابين احجوا ونطوني رأيكم بهاي النقطة رجائا
مو تغلسووون😆😆

احبببببكم💋💋💋💋💋💋❤❤❤❤❤❤❤❤❤❤