ما بين قلبين (مكتمله)

البارت 1

السلام عليكم اني اسمي أسى (اسمي غريب صح اهلي كانو مسميني غير اسم بس اني احب هل اسم وغيرته) عمري 15 سنه من ميسان احنه 3 بنات اني الأصغر وأخ َواحد
الاب:49 سنه حسين
الام:39 سنه مسره
رؤى:20 سنه
أنين :18 سنه
محمد: 11 سنه
اني رشيقه وطويله طولي 162 وبيضه وعيوني كبار عسلي وشعري أشقر على طول ضهري
احنه عائلته مستقره وعمامي يحبونه وعلاقتنه زينه والحمدالله لكن راح يبين العكس بعدين عندي 3 عمان (لؤي_احمد_ستار) و2 عمات(نور_اماني) جاي نتعشه وبابا كال
الاب:بمناسبه نجاح أسى بمعدل عالي عندي الهه مفاجئه
أسى:شنو هي كول بسرعه فدوه
الاب:ههه اي راح تعرفين راح نروح للبصره(طبعا اني جان حلمي من الطفوله اشوف البصره ما صدكت)
اسى:شنو شنو صدك تحجي يااي شكرا بابا
الاب:ههه العفو بابا
اسى:بس بابا انته مو كنت مترضه انو نروحلهه لأن عندكم مشاكل وي اولاد عمك هناك
الاب:ايي بابا صح كان بس هسه لا اتصل علينه قبل يومين واتصالحنه وطلب انو نجيهم وكلت هم مفاجئه الج وهم نروحلهم
اسى:اهاا اوك المهم نروح هه
ثاني يوم
كعدت الساعه ب 11 ونص كعدت على نقال بين َميخلص الغدا بعدين كمت صليت و تغديت ورحنه للسوك حتى نشتري ملابس للطلعه ورجعنه ونمت(ههه ما اشبع نوم ابد) اجت اختي رؤى
رؤى:يلا كعدي متشبعين نوم
اسى:أمم عوفيني نعسانه
رؤى:ولج كعدي صلى وتعشي
اسى:اوك اوك كايمه
كمت صليت وتعشيت بعدين كعدنه كلنه بالصاله كل واحد نقاله محد يدري بالثاني صارت ب 12 كمت نمت ورانه روحه صعدت للغرفه اني واخواتي غرفه مشتركه اول محطيت راسي نمت
ثاني يوم اجت ماما
الام:يلا كعدن ورانه طلعه الساعه ب 7 ونص
اسى:يااي كايمه(لأن البصره جان ما كمت😂)
غسلت وتريكنه وصعدت ابدل(طبعا بس اني من اخواتي سافره ما اللبس عبايه اسلاميه ما احبهه ابد بابا كال إذا متلبسينهه تبطلين من المدرسه كتله عادي ابطل وصدك اسبوع مداومت😂لحد ما كال يلا رجعي لا تلبسين ومستحيل اللبسهه اكرهه)
لبست تنوره نيليه ضيقه وقميص احمر وستره بدون اكمام نيلي قصيره وحذاء رياضي احمر وشال مشجر احمر ونيلي وجنطه احمر☺️
وجان نطلع للبصره بين البصرة و العماره ساعتين ونص بس تعبت يلا وصلنه وما مصدكه شفت البصرة يااي😍بابا اتصل عليهم لأن ما يندل مكانهم وعرف وين وشوارع البصره تخبل وصلنه الهم بالباب جان موجود ابو جهاد ابن عم بابا وابو عباس ابن عم بابا الثاني ابو جهاد عنده ولد واحد وهوه جهاد(جهاد أكبر خواته عمره 32 سنه) و 3 بنات(ورود مزوجه بغداد عمرهه 29 سنه / فاطمه مزوجه بالبصره عمرهه 26 سنه / عذراء تدرس بالسادس علمي عمرهه 18 سنه)
ابو جهاد:السلام عليكم هلا خويه شلونك شخبارك
الاب:وعليكم السلام الحمدلله بخير انتم شلونكم
ابو جهاد:ع الله الحمد لله
ابو عباس(ابو عباس عنده 2 وولد (عباس 29 سنه و سجاد 25 سنه) واثنين بنات (سرى21 سنه و إسراء 18 سنه)
سلمنه على كل بالشارع ودخلنه للكراج للنسوان سلمنه كلهن طيبات وينحبن بس كلهه تعاين على ما اعرف ليش كعدنه شوي ودخلو الزلم عدهم عادي الزلم والنسوان سوه فكلنه كعدنه بالصاله ونسولف بعدين كامن النسوان يحضرن الغدا ماما وخواتي كامن اني ضليت كاعده مابيه حيل تعبت اباوع على البيت كلش حلو وجبير عجبني تصميمه واباوع على جهاد بس يعاين علي ويخنزر شكو اني ما اهتميتله وضليت اللعب بالنقال
ابو جهاد: خويه حسين ادري مالي حق ادخل بناتك بس شعجب أسى ما لابسه عبايه ولو تدخل مني
الاب:شسالفه خويه انت مثل ابوهن والله خويه كتلهه إذا ما تلبسين ابطلج وسوتهه صدك وما داومت اسبوع واني ما أكدر ابطلهه شاطره كلت خلي ترجع والله كريم
ابو جهاد:ههه ها عمي أسى ليش ما تلبسين
اسى:والله عمو اكرهه اختنك من اللبسهه اني من اروح للزياره بدي بنفس اللحضه انزعهه وبعدين بعدني صغيره عادي😜😂
جهاد:صغيره بس توصلين بطول ابوج😒
اسى:😒😒اجيت احجي بس بابا خزرني يعرف لساني😂
كلت خلي اكوم يم النسوان احسلي
اسى:هيلاو
الكل:😂😂
اسى:شبيكم مو اسلم😒وبعدين سلمت مو كلت نكته
الام:هو هذا هم سلام كولي سلام عليكم
اسى:مساعه كلت كل ساعه هيه
الام:جاا إذا هيج اسكتي لا سلمين انتي مو مسلمه
اسى:ماما أريد اغير ملابسي
الام:لحضه! يمه عذراء ما ترحين وي أسى تريد تبدل
عذراء:من عيوني
الأم:تسلم عيونج
صعدتني فوك لغرفتهه وبدلت لبست تراك فوك الركبه ماروني وشوي ضيك
عذراء:شنو هاي😒
اسى:شنو؟
عذراء:لج طلعين بهذا محد يقبل لأن هنا زلم وما عدنه وحده هيج تلبس
اسى:بس اني اللبس كله هيج وما عندي غيرهن وانتي كلتي ما عنده احد يلبس هيج هياتني اجيت اني اللبس هيج😜
عذراء:😂😂نزول عليج كون هههه بس والله محد يرضه
اسى:عادي عادي يلا امشي ننزل
نزله جوه بعدني ع الدرج شافني جهاد شهل حظ
جهاد:شنو هاي روحي غيريه تردين تمشين كدام عباس وسجاد هيج😡
اسى:وليش ما تحسب روحك وياهم لو انت حلال😒
جهاد:جاي اكلج امشي غيريهن😡😡
اسى:وانت شدخلك بيه
يتبع......