ارجعو لي حياتي 💔🔞(مكتملة)

البارت(١٧)

ارجعو لي حياتي 🔞💔
.............
............
...........
..........
.........
........
.......
......
.....
....
...
..
.هوه
الشوف لو،،،، #بالروح
  چاااا
   شفت #لحبيب
     شضاملي، ، ، #بگلبه
................................
جولينار... ضلو يحجون واني مندمجه ويه هذا الؤلد شلون
يعامل مرته حسدتها عليه مع هو لا شكله مثل عصام ولا
مبين عليه غني بس الله راحمها بيه صرت احجي واكول
هاي شمسؤيه بحياته زين حتى هيج الله معوضها بعدين
كلت اكيد عدها ام داعيتلها بكل خير وهيج ربي انطاها
سمعت باقر يكول لعصام
باقر... اكول ابن العم زوجتك من كرايبنا شؤ تشبه الها
هواي
عصام.. بتوتر لالا بؤيه من أين من كرايبك هي من دهوك
وبعدين انت ليش مركز بيها
باقر.. شبيك يمعود اختي بعدين عيؤنها عيؤن ابؤي
كلت يجوز من كرابتنا هيج يعني انت متاكد مو
من كرابتنا

عصام... باقر رؤحي ما متحملها لا تشاقه برؤح جدي
باقر.. هاي هي عمي لا تزعل شبيك رؤحك كثيره
بعدين صدك باجر عدنه ثؤاب لجدي تجي مو
عصام... اكيد جاه شلون

باقر... يا الله اترخص اني عدكم العافيه
عصام..الله يعافيك

عصام... طلعت بره اتصلت على صديقي عدنان كتله
أريد قابلة احسن من الدكتوره انطاني عنوانها وكال
اني راح اتصل عليها مرتي دوم تولد عدها
وسألني شلك بيها كتله اريدها تذب ابني من مرتي
الجديده
عدنان... ولك انت ما تخاف الله انعل الشيطان وأنجب
عصام... عدنان مو وكتك برؤح الحسين خلي الحرام
بركبتي
عدنان... ولك طايح الحظ هاي يتيمه الله وين ترؤح منه
عصام... بؤيه انت شخبصتني بعدين تعرف اني ليش
تزوجتها كلش زين
عدنان....عصام خرااااا وعلي اجي اكسر راسك سمعت
اني مالي علاقة وراح ارجع اتصل على المرة وأهلها
مااعرفك ولك لا ما تحبها انت عليه ابن الاوادم ولك
انت تموت على ربها جاي تكول انتقم والله جاي تنتقم
من نفسك انت باالله سده سده
عصام... عدنان بطل يخوي لا تتصل على المره برؤح
الحسين طالعه من ذمتك انت بس لا تتصل وروح جدي
يا عدنان ان رجعت اتصلت على المرة بعد لا اعرفك
ولا تعرفني ولا تخليني أندم على الي كتلك عليه

عدنان.. بشرط...
عصام... اشرط بؤيه
عدنان... تكلها ياهو ابؤها وكتلها ليش تزوجتها سمعت
عصام.. هذا هو الي تريده

.....
جولينار..... طلع عصام وصل سرانا دخلت اثنين قبلي
بنات فحصتهم خلصت وصلت الي كالت صعدي ماما
صعدت على السديه كالت شبيج ظليت افر بااذني
اني نفسي مااعرف ليش عصام جابني بعدين أتذكرت
ادوخ هواي كتلها عندي دوخه قؤيه ونفسي تلعب بس
باالليل وبعد كل شيء صار عاد كالت
الدكتورة... ماما الشهريه هم اجتج هذا الشهر
جولينار... دكتور من تزوجت لسه اجتني بس مره وكلت
يمكن لان تزوجت بعد متجيني

الدكتوره... ماما انت وين واصله بالدراسة
جولينار.. سنة ثالثه كليه تربيه اساس انكليزي

الدكتورة... عليج الله وماتعرفين هاي الامور ماساله
امج

جولينار... امي متوفيه اني يتيمه اب وام من عمري ١٦

الدكتوره... أسفه حبيبتي بس غلط كان مفروض تسألين
اولا الدورة بعد الزواج عادي تجيج كل شهر ثانيه
ارفعي التشيرت خلي أشؤف خاف حامل

جولينار... من كالت هيج احس كلبي كام يدك سريع
عبالك بسباق توتر على خوف اني مااطلع حامل بس
الحمد الله طلعت حامل بشهر الثاني بعدلي اسبؤع وادخل
بشهر الثالث من كالت احس الدنيا مسايعتني من الفرحه
ظليت ابجي من الفرح وخطيه الدكتوره شلون حبوبه
ظلت تهدي بيه الحمد الله شافت الطحال كالت ماعندج
فقر دم والدوخه لان متاكلين يحتاج تاكلين حتى ما تدوخين
لان انتي شخصين كتبتلي دواء اخذته وطلعت لكيت
عصام ينتظرني رحت عليه لزمت ايده وكتله بهمس

جولينار... احبك انت احلى شيء صار بحياتي اموت عليك
اني راح اصير ام بسببك

عصام... مااعرف ليش من كالت الي هيج حسيت
أريد احضنها واكلها واني اموت عليج بس بلحظه
تذكرت جدي من تعذب وره ما عمي راح خزرته
وكتلها له امشي

جولينار... عادي حتى إذا مرد عليه بشيء وضايج من
حملي بس المهم اني حامل باابنه مشيت وراه له السيارة
صعدت كال
عصام...شكد عليج
جولينار. .... شهرين
عصام... خوش يعني نكدر نزله بدون ما تتاذين

جولينار.... وكتها انصدمت وظليت لا اخذ ولا انطي
صح ادري بي يكرهني وده ينتقم مني بس ما ادري ليش
كتله واني الدنيا طلعت من عيني لان اعرف اذا قرر شيء
ماراح يتراجع عنه بس كلت بلكت إذا إتوسل بيه يقبل

عصام... ظلت تتوسل بيه وتبجي بحركة وتكول لا الله
يخليك لا والله كل شيء مااريد منك بس لا تذبلياه

جولينار..... إتوسل بيه وابؤس بيده بس هو ولا تحركت
بيه شعره نزلت راسي وسألته برؤد ليش

عصام... شنو ليش اني مو كتلج مااريد أطفال منج

جولينار... ليش شنو سؤيت اني حتى هيج تاذيني

عصام..... بعدين هذا الحجي مو هسه

جولينار.... نزلنا باب بيت طلعت مرة متوسطه انطاها
عصام فلؤس كالت اله هاي جوه العباة تره حتى لو
متزوجين كال الها تمام ماراح أحد يعرف اني بس
اباؤع عليه واتوسل بيه بعيؤني بس هو أبد ما هزه
شيء تمنيت بوكتها عندي أخ اب ام اي احد عندي تمنيت
لو شايله تلفون اتصل بخالي واكله تعال أخذني مااريد
ابني يموت بس بعد ليش حتى رقم الهم ما حافظه
دخلت ويه المرة وهي تطمني اجت بنيه بعدها بكد
خالتي لابسه ملابس مال عمليات  وبيدها طفل يبجي
شاغت رؤحي عليه كمت اشهك بجي أريد اشؤفه هيج
شؤيه واجت المرة لابسه مال عمليات كالت تعاي يمه
رحت وراها كوه اجر رؤحي انطتني ملابس غير ملابسي
ظربتني حقنتين بعدها بنص ساعة صارت عدي أوجاع
متنوصف كمت اصيح منها اجت كالت كومي يمه كمت
وياها وفضت دم احس صفيت من كثر ما نزفت صعدت
على كرسي وظلت تنظف بيه بس وجع مااكدار اوصفه
بحياتي خلصت بس والله شفت الموت بعيني كومتني
وكتبتلي ادويه وكالت بعد اسبؤع رؤحي اخذي وسونار
كل شي يصير يمه هزيت الها برأسي  ظربتني حقنتين
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹