بارت مفاجئ لعيون السهرانين ❤
(26)
#حكمـة_ذئب
#بقلم_شمس_السعدي
تبدأ حياتك محاولاً فهم كل شيء، وتنهيها محاولاً النجاة من كل ما فهمت..!
دخل جدة وسمع كلامه ..
صاح وجان منحني الظهر " اخذ عيالك واطلع من بيتي بعد مالك گعدة بي يوم الي تبريت من حكمت "
ضحك مهدي : " وشمدريك تبريت منه ؟؟ "
رحت تتوسل علمودة مووو ؟؟
صاح بي " اي اتوسل واذل روحي هم لو اعرف ياخذوني بمكانه .. هذا حكمت حكمت .. الي مايوم خالفني وعصاني .. ربيته على ايدي وكبرته ..
ولك حتى من گلتلة تزوج بنتك الشمرتها وهم مريضه ماعارضني ومدللها وماظلمها .. ولك انت وجهالك ترحون فدوة التراب رجليه "
صاح مهدي " وهذا الي زرع الحقد بگلوبنا من وراك من هو صغير وتفضله علينا اولادي ماحبيتهم مثله "
رد الجد بحزم " لان يتيم .. لان جنت اشوفه من صغره وهو يعاين عليك شلون تجيب وتشتري الجهالك وهو بالجذب حسسته بحبك وانطيته من حنانك .. ولك انت حتى بالجذب تگله بوية وتسمعه هالجلمة "
اخذ نفس وكمل " ولك اني اروح تالي عمري اتوسل بأبو هيثم يخابر هيثم حتى يجيبلي اخبارة .. وذاك يگلي بيبته تبعية يعني مو بعيدة يسويها .. تعرف شلون طعنت هالجلمة بگلبي .. ذبحتني ذبح .. حكمت عمرة ماعرف هالطريق يروح بدربه ويجي بدربه… "
قاطعه مهدي " وليش متأكد منه مو لگوا الكتب بغرفته يمكن زهفوه ببغداد وقشمروه "
ماتتحمل حجي خضير وضربة جدة .. " اطلع اطلع من بيتي ولك .. من يوم الي كسرت گلب حكمت وگلتوله الحقيقه اني المفروض مااخليكم بالبيت .. لاتحلم تشوف شي من خيري يمهدي لاانت ولاولدك "
ضحك مهدي " ادري ومتأكد بس العمر بيد الله وماتدوم الواحد والجان همك حكمت .. فأنساه الي يروح بهذا الطريق بعد مايرجع "
تخبلت رضاء من سمعت هيج كلام على ابنها .. اتهسرت وهجمت على مهدي وهي تدعي عليه ..
دفعها حيل ووگعها وشالت مزهرية فخار رادت تضربه بيها بس صوت عمتها حمدية خلاها تتراجع من صاحت بوية بوية ..
التفتت شافت جدها بالكاع مدد .. ركض مهدي شاله وحمدية تضرب بي .. " عوفه يانگس لاتجيسة .. انت الموتة اذا صار شي بأبوي ماارحمك "
دخل صالح هو وبشار جانوا سامعين الخبر متأخر لان يخلصوها بالگاع ..
شاف ابوه واگع ركض عليه وگال البشار يأجر سيارة ..
صالح ولأول مرة يصف وي ابوه .. بعد ماعرف مهدي تبرأ من حكمت گدام الامن والي سواه بجده ماقبل ..
وضرب مهدي وطرده من البيت ..
الحجي خضير من وعى .. جانت حالته تعبانه حيل وبس يهذي بأسم حكمت ..
يومين بقى بالمستشفى وطلعوه وشرطه مايشوف مهدي وعياله بالبيت ..
مهدي مثل العادة اخذ نسوانه كل وحدة البيت اهلها وهو مخلصها بالسيارة لو عند واحد من نسابته ..
أنت تقرأ
حكمـة ذئب
General Fictionحكمة ذئب لا تأتي من فراغ من الم وجروح من عدة طعنات تأذيت وحدي سقطت وحدي وصنعت عالمي وحدي ..
