حكاية خواتي ...حلقه 4
بقلمي ريتاج الموسوي
فزيت من النوم مرعوبه
كشفت البطانيه عن وجهي ..كتلها ..هاا فرح شبيج
فرح..عمتي مادري شبيها
اگعدها ماتگعد
ركضت بسرعه عليها فراشها يمنه حركتها ماكو اخذت ايديها تلمستها حااره وترمش بعيونها بس ماتحجي
يعني مابيها شي
حجيت بفزع ..ولج فرح اني اخذتني نومه انطيتيها علاجها
..لا عود هسه اجيت انطيها گعدت ماكو
تحجي وتبجي، ،فدوه حنين شبيها عمه
حنين،،، روحي جيبيلي مي وشكر بساع سكرها اكيد هابط بقيت افرك بأيدها
جابتلي المي شربته الها .....گعدت ورده تفرك بعيونها
..ها شبيها عمتي هم تخربطت مرة ثانيه
حنين..تعالي فركيلها ايديها علما اروح لأم احسان ناخذها للمستشفى
لبست عباتي وركضت على بيتهم جان بنيان قديم بس حلو من هاي البيوت الضخمه القديمه
دگيت الباب طلعتلي بتها ودخلت اول مشافتني
..ياهلا بيج خاله حنونه شجابج بهالبرد شصاير خواتج بيهن شي
حنين، ، لا خاله عمتي متخربطه كلش وماعرف شسوي اريدج تاخذينها وياي للمستشفى
..بعيني هسه البس عباتي واجي
بدلت وكملت واني انتظرها على نار علما خلصت رجعنه اخذناها
اني مسندته عليه وهيه اجرت سياره طول الطريق عمتي بس تون وشفايفها بيض
وصلنه بسرعه بس شافها الطبيب حولها ع الطوارئ قاسو سكرها طلع هابط حيل علگولها سيروم حلو
شفتها وجها ردت بيه الروح
ورجع الدم اله سوده عليه اتعذبت
من وره هالسكر لو صاعد لو هابط الله يحفظها مالنه غيرها گدام الناس عدنه مره جبيره
ماانكر تعلقنه بيها هيه الي ربتنه وگعدت علينه لو غيرها وحده جان ازوجت وشافت حياتها ماتبتلي بينه
ام احسان ..حنونه
..هممم
ام احسان...خايبه ماتشوفين السسترات شحلاتهن گاضياتها سوالف وضحك وشغل ماكو بس رواتب ياخذن
حنين...هههه هسه يجيني الدور واصير مثلهن
ام احسان..ياا يوم عيد يوم اسعيد الي اشوفج بيه متعينه وتفترين بهذا البالطي الأبيض
حنين...هههه يا خاله والله عليج سوالف يسموها صدريه مو بالطو
...اضحكي عليه انتي اضحكي شعرفني احنه گبل نسميه هيج المهم كلشي الجان اهم شي تلكيلج وضيفه
KAMU SEDANG MEMBACA
حكاية خواتي (مكتمله)
ChickLitانا وااخواتي ها قد وقفنا امام الزمان لتذكر كل منا حكايتها مع قدرها
