حسن... چنت اريد احچي جان يندگ الباب راحت فتحتة چان تطلع اختهة يمكن چان اسمهة زهرة بس تباوعلي بحقد مو طبيعي غلست مهتميت، گالت
ملاك... ها زهرة حبيبتي شتريدين
زهرة... الاكل جهز
ملاك... اي هسة نجي
زهرة... ماذا بحق الجحيم، هل سيأكل معنا (دتحچي انگليزي وهية طبعا متدري حسن يعرف يحچي انگليزي)
ملاك... زهرة احترمي نفسچ و گتلچ هسة جايين
حسن... سمعت حچي اختهة لملاك طبعا هنا اني فورت و عصبت كلش... و اكيد حسي باحساس المنبوذ و الغير مرغوب به كلش اتنرفزت و ضجت
ملاك... كلش استحيت من حسن
بس ما ادري اذا يعرف يحچي انگليزي لو لا
هوة محچالي عن نفسة.، رحتلة وگتلة يلة ننزل ناكل
حسن... كلش ضجت من حچي بس طبعا مراح ابين الهة و هاي زهرة اني اعلمهة، گتلهة يلة
طلعنة من الغرفة و كفختني ريحت و الاكل كباب طاوة و مخلمة و ريحت الچاي فد شي
ملاك...يلة خلينة نروح ناكل لان اني معدتي دتعيط
حسن...يلة امشي
رحنة للمطبخ اول مادخلت شفتهم كاعدين على الميز ودينتضرون كعدنة وطبعا هاي زهرة من شافتني كانو شايفة ابليس
ابو ملاك...تعالو يلة منتضريكم الاكل راح يبرد الاكل ،وملاك تعاي اكعدي يمي
ملاك ... ابتسمت وكتلة لا
ابو ملاك ... ليش
ملاك ... بابا اذا اجيت كعدت يمك حبيبت الكلب تزعل وبعدين شيخلصنة
ام ملاك ... لج هاي على منو ، وعلى حجايتج هاي متكعدين يمة
ملاك ... هوة انتي ترديهة من الله علمود ما اخذ الحنان
الكل... هههههههههه
حسن ... لمتهم حلوة عمري معشت هل شي من قبل
بدينة ناكل وملاك اباوع عليهة فرحانة كلش بس الصراحة صار عندي فضو اشوف وجهة
بدون ملامح بسبب الضرب و اني بنص افكاري سمعت زهرة تكول
زهرة... Mo انا سعيدة جدا بوجودك هنا وعودتك لاكن السؤال هوة هل سيبقا هذا المتخلف هنا معنا
ملاك... زهرة كافي زودتيهة ترة
ابو ملاك يخزر بزهرة
زهرة... ماذا بكم انه احمق لا يستطيع التحدث مثلنا اراهن انه لم ينهي دراسته
ملاك... زهرة كافي راح اكوم اضربج
حسن... زهرة هل يمكنكي ان تحضري لي بعض الماء ( هنا حسن حجة انكليزي 😏(
الكل... 🤐😨
سامر... طكهة ضحكة وكال يا جماعة الجبهة وين طارت شوف حسن خاف يمك
حسن... عمي من رخصتك بس عندي كلمة وية بنتك زهرة
ابو ملاك ...مرخوص ابني ( بفشلة) حسن...اسمعيني خوية زهرة اني سكتت عنج كلت ميخالف مقهورة على اختهة بس كلش زودتيهة تحترمين نفسج من تحجين وياية ، وبعدين تعالي كليلي انتي شنو تعرفين علمود تحجين هل الحجي
زهرة... انتة منو علمو...
ابو ملاك... زهرةةةةة ااصصصعععدددييية فوككككك ولتنزلين (بصياح)
زهرة... صعدت وهية دردم ومعاجبهة
ابو ملاك... وآلله يا ابنة اني اعتذر بالنيابة عنهة امسحهة بوجهي
حسن... لا عمي ما صار شي
ملاك... استحيت من تصرف زهرة هسة شيكول الينة الرجال ،ردت اغير الموضوع ،كلت لعد رنا وين
احمد رأسا رفع راسة اني ادري بي يحبهة ومو بقصدة بس لازم يعرف مثل ما هوة يرضة علية اني انضرب لازم نفس الشي وية مرتة ،ورنا كاملة مكملة
ام ملاك... يمة صعدتلهة لكيت الباب مقفول صحتهة كالتلي متريد
احمد... ليش قافلة الباب ،على اي اساس
ملاك... اني كتلهة
احمد...( لا تعليق )
ملاك...راح اصعدلهة
رحت صعدت دكيت الباب وكتلهة رنا افتحيلي الباب اني ملاك ، فتحت رنا الباب وجانت تبجي
دخلت كتلهة شبي ليش تبجين
رنا... مأهورة
ملاك... رنا لتنقهرين انتي اصلا ممسوية شي ، بس الغلط كلة من اخوية وبعدين بدل متندمي عل الي سوا انتي مشية الامر عادي
رنا... بحبو شو اعمل يعني ، بعدين هوة ما كان قصدو
ملاك... رنا الموضوع مو موضوع تحبي او لا بس هوة غلط انتي مراح تنفصلين عنة بس عاقبي عقاب صغير
رنا... بحس انا اختك وهوة الغريب
ملاك... لازم تعرفين شي اني اوكف وية الحق و الحق ما بي اخ وا اخت
يلة كومي طاح حضج الاكل جوة برد واني كاعدة احجي
رنا... ههههه
ملاك... اي هيج اضحكي بس قبل لا انسة البسي الدشداشة الي جبتهة الج وانزلي وافتحي شعرك ( فستان بيتي )
رنا ... ليش
ملاك... مرت اخوية مع احترامي الج انتي غبية ،بدون نقاش ابسي وانزلي
رنا... مع اني مو فاهمة شي بس اوك
ملاك ... نزلت لكيتهم مماكلين ،كلت يا ليش مبادين بعدكم
ام ملاك... اشون تريدين ناكل وانتي ماكو
ملاك... فدوة لمامة الحلوة
ام ملاك... وين رنا
ملاك... هسة تجي
كعدنة ناكل وطبعا حسن كلش هادء الكعدة كلهة مكضيهة ياكل ويتبسم بس هوة كلش حلو ،طبعا اني صفنت هل الصفنة واباوع بوجهة آخ يلفشلة باوع بوجهي حسيت احتركت من الخجل واني دا افكر واستحي براحتي دخلت رنا بس بت الاوادم هية جسمهة حلو طولهة عادي بس جنهة عارضت ازياء واني ادري باحمد يحب اللون الاسود فخليتهة تلبس اسود علمود اندمة
كلت هلا برنوش تعاي اكعدي هنا
رنا... اي اجيت
ملاك ماكو داعي اشرحلكم شكل احمد خربني ضحك فتح حلكة وضل صافن عليهة وهية كاعدة كدامة ، وانتو عدكم الحساب
سامر... ها مرات اخوية شنو هل الجمال كلة
احمد... انجب وكمل اكلك
ملاك... اي والله سيا سامر هية صدك تخبل بس اكو ناس متستاهل
احمد... اني اسمعهم يذبون الحجي ضجت كلش كلت شبعت الحمد الله
وطلعت للحديقة بديت ادخن
سامر... ملاك مو رحتي زايد شوية
ملاك... ليش انتة شايف شي والله الة اندمة
ابو ملاك ... وآلله ملاك حقج
رنا ... ليش هيك عم تحكو عنو خطي و آلله هوة ما كان قاصد يأزيني
ملاك... باع الغبرة ترة اني اكثر وحدة تعرف احمد اذا اطيتي مجال يتمرد عليج
رنا ... بس
ملاك ...بدون بس وخلونة ناك يعني شيسموهة بالخير هاي كا اكدر ااحنة باكلي
ابو ملاك... اكل بنتي
ملاك... خلصنة اكل وكل ششي والكل راح للهول ما عدا ابوية وحسن راحو للحديقة كعدو يحجون
وديتلهم الجاي ورجعت للمطبخ لان حسن راد يحجي وية ابوية وحدهم
واني بالمطبخ والافكار بكل بالي قاطعتني رنا
رنا... ملاك بدي روح لفوق احمد شكلو عصب
ملاك ... رنا تعاي خل اكلج شغلة انتي تريدن انتي واحمد تضلون طول العمر سوة
رنا... شي اكيد
ملاك... لعد سوي الي راح اقولة بالحرف
رنا... اوك لعد اسمعي راح تسوين...
______________
حسن... عمي اسمع بتكم راحت يمكم مدة بسيطة ورجعت هيج واني احلفلك اني ما ادري بيهة جاية اسمع عمي اني وياك ندري انو ابنك بريء بس ابوية دفع رشوة وزور اوراق وذب الذنب عليكم وانتو ما ألكم دخل اني اتحرين عن هل الموضوع وعندي ادلة تثبت براءت ابنك بس مع الاسف ما اكدر اطيهة الك
ابو ملاك... ليش ؟!!؟
حسن...لسلامتكم لا اكثر
ابوية صح عندة شركة بس جوة هل الشركة لعب يابو لعب وفساد و غسيل اموال وكلشي تتخيلة وبسبب هل الشي عندة نفوذ مو طبيعي واني دا احجي عن اسماء جبيرة كلش
ابو ملاك... اعذرني ابني انتة مخايف احجي هل الحجي وافضح ابوك
حسن... اولا ميهمني وثانيا متكدر احنة دنحجي عن انسان عندة واسطة جبيرة
ابو ملاك... وانتة شنو الي خلاك تثق بينة يعني اقصد شمعرفك اني مو شخص فاسد
حسن... عمي اني اعرف كل شي عنكم ،اني مجنت راح اساعدكم لو ماضيكم مو زين بس الي وصلني جان فوق الممتاز وينمدح بي
ابو ملاك... طيب والمطلوب من هذا كلة انتة اصلا ليش اتساعدنة لان اني متأكد انو دتعصي ابوك وبعدين انتة ليش ممتأثر
حسن... شوف عمي اني انسان واضح كلش ،هذاك الشخص بس بالاسم ابوية واما بالنسبة لايان فهوة مو اخوية ولا راح يصير
هذيج العائلة متهمني
ابو ملاك... شوف ابني اني الي فاهمة انو حياتك بيهة هواي مشاكل بس اني اريد اعرف سنو راح يصير هسة
حسن... اني صح راح اساعدكم بس ما اكدر اطلك ملاك ولتخاف راح اعقد عليهة محكمة بس اكو اشياء راح تترتب عليك انو تسويهة
ابو ملاك ... والنعم منك ابني ،شنو الاشياء
حسن... اولا انو تبيعون البيت واني جبتلك مشتري ، وتروحون تسافرون برة العراق ، بس لازم انتو بدولة واني وبنتك بدولة
ابو ملاك...وليش هيجخوب انتو تعالو لالمانية او احنة نجي يمك واكون قريب لبنتي
حسن...منكدر لان انتو راح تضلون متراقبين واني هم
ابو ملاك...ابني انتة قلقتني هيج
شمدريك يمكن يأذينة ابوك او يأذي ملاك
حسن... ميكدر لان اني اكدر انهي كلشي بنا ابوي بس اكو شي ابالي لازم يصير علمود بنتك وننتهي هل موضوع بس ممكن يطول
ابو ملاك...ولله يا ابني ما اعرف شكلك ، بس الي دتكولة صعب يتصدك وحتة لو صح اني ما أكدر اثق بيك ....... صعب كلش
حسن... عمي اني توقعت ايصير هيج شي ،بس مع الاسف اكدر اساعدك بكل شي الة انو تثق بية
ابو ملاك... ادري ابني ادري بس احتاج افكر واستشير ملاك
حسن... عمي اعذرني عن التدخل بس ليش احس كلمت بنتك ملاك مسموعة مع انو هية مو الجبيرة
ابو ملاك... اسمع ابني اذا انتبهت احنة عائلة ديمقراطية اني علمت جهالي على الصدق والصراحة وبدون اي مبالغة احسن جهالي هية ملاك ترة الاحترام مو بالكبير او العمر ،ملاك اكثر وحدة ملتزمة بالبيت من ناحية الدراسة والاسلوب والثقافة والدين كل شي ، اكيد راح تكول اني افرق بس لا كل الي بالبيت يفضل ملاك هية بنتي عمرهة منزلت راسي مع انو احنة عشنة بالخارج وكلهم انولدو بالخارج ما عدا احمد بس كلهم متزمين بس اكثرهم ملاك
حسن... عجبني كلش حجي عمي على ملاك حسيت شخصيتهة حلوة و عجبني انو بحترامهة لنفسهة الكل يحبهة ملاك ، كتلة اي عمي انتة فكر واكو هواي تفاصيل لازم نحجي بيهة بس مو هس بعدين
ابو ملاك... اي ابني روح ارتاح هسة
___________
احمد... بعد ما اجت ملاك طاح حضي بت الاوادم متحجي وياي وحتة رنا كلبت علي صح اني ضربتهة بس متندم ندم بكد شعر راسي
ملاك... رنا روحي قدمي بقلاوة للكل واخر شي احمد وامشي كدامة هواي
رنا... اوك ،أمت و وزعت الحلويات على الكل واخر شي احمد ولما قربت منو ألتلو تفضل ( بنات بس ملاحضة هية دتحجي سوري بس اني ما اعرف اشون يحجن بس دا اتبع حجي باب الحارة اوك😊😊)
احمد... دنكت و أطتني البقلاوة كبت ابوع عود دا اختار الحلويات بس اني دا اقضي وقت كتلهة الاسود طالع عليج يخبل
رنا... هو ألي هيك تمنيت الأرض تنشأ و تبلعني بعدت عنو بدون ما أطلع علي متل ما قالتلي ملاك
احمد ... اشو هاي معبرتني حتى مباوعت بوجهي ،ما اعرف ليش دا احس رجعت لأيام ما قبل الخطوبة
ملاك ... اباوع علي يحوص ميعرف شيسوي حاير شكلة يخرب ضحك
انوب كل شوي صافن رنا الغبرة تشاورمي تكلي دتحس رجعت لايام الخطوبة كتلهة رنا
رنا... نعم
ملاك... شوفي انتي لازم تتعلمين هل الاشياء بدون ما اني اساعدج لان اني ميصير ادخل بيكم بس انتي صيري ذكية
رنا... طيب فهميني علمود افهم
ملاك... اسمعي.........( حجو حجي هواي مختصرة انو رنا لازم تأدب احمد علمود يحترمهة)
واحنة دنحجي دخل بابا وحسن
ابو ملاك... ملاك اخذي رجلج وروحو نامو بغرفتكم لان اريد احجي وياج الباجر الصبح وانتو يلة كل واحد لغفتة انتشرة نعست اريد انام
سامر... تريد تنام لو تختلي بالمدام
ام ملاك والله انتة ادب سز احترم نفسك لك
سامر... اي استحت المدام استحت
ابو ملاك... سامر
سامر... ها
ابو ملاك... انجب
سامر... الله يسامحك يابة فوك ما دا ازيد شعلة الحب
احمد... سام متسكت لو بيك حض جان هسة تزوجت
سامر... ومنو كالك مناوي
الكل( بصدمة)... انتة تزوج
سامر... اي ليش لا ، وازيدكم من الشعر بيت حبيبت القلب موجودة
الكل... منووو
سامر... مو هسة نحجي بعدين بالوقت المناسب راح تعرفوهة منو
ابو ملاك ... اطشرو ولكم راسي كام يوجعني
سامر... اي خلي مرتك تسويلك مساج
ابو ملاك... لا يا تربية سز
الكل كام يضحك واطشرو كل واحد راح لغرفتة وووووو
لهنا البارت يكون خلص
احبكم وسوري على التأخير
بس انشالة راح انزل باجر او بعدة
أنت تقرأ
فصلية واحد مشلول
Romanceتتحدث هذي القصة عن بنت عايشة بالخارج اغلب حياتها و لمن ترجع للعراق اتصير فصلية لحسن الي اتعرض لحادث وصار بي شلل ، هذي القصة بالهجة العراقية
