صباح الخير
قوارير محرمه
لذكرى المندلاوي
ايه
جسمي كله يرجف واني عيني على الباب
ليكون اجه وهو سكران والله اموته هلمره وانهزم
اتذكرت امي رجعت ارجف شلون اعوفها
دعيت ربي يخلصني منه بأي طريقه بدون متتأذه امي
صحت
منوووو
اششش
امي
كمت على حيلي ووگلبي يدك
هاا يمه وينه وشلونوخلاج تجين
الغرفه جانت ظلمه مكدرت اركز زين بوجها زين
الا لمه تقربت كلش ولزمت ايدي
احس برطوبه ايدها
انصدمت ودكات كلبي زادت
واني اتسائل ٠٠شنو هذا الي بيديها
قربته من خشمي احاول استوعب واني اشم ريحه
دم
شششش نووو هذا دم يمه دم
فزيت واحاول اكتم هلعي وصوت شهكاتي
يمه كتلتي مووو سويتي الي جنت حاسه بيوم حتسوي
ردت بتعب كوه تلهث تجر النفس
رووحي ايه بنيتي لتبقين هنا انهزمي ولده ميسكتون
حيكتلوج
لااء مستحيل ماعوفج
ولج سمعي كلامي راضي عنده ناس وراه ميسكتون
وحينتقمون منج
وانتي شلون تردين اعوفج مستحيل
وبج اكولج طلللعييي مابي احجي اني انتهيت
راضي ضربني بطني وهساع انزف
عيوني على بطنها لمسته احاول استوعب للي ديصير
ايديه تنكعت بدمها
ابجي واحجي كوه
يمه ليش سويتي هيجي
يمااه
ماعندي وكت اشرحلج
سمعيني زين مدي ايدج بجيبي
كوه جاي استوعب
شنوو شكو بجيبج
مدي وانتي تعرفين كتلج ماعندي وكت
دموعي تصب واشهك
مديت ايدي جيس
هذا جيس
أي اخذي وروحي
تلكين بي عنوان تروحيله بس مو هسه بعد متروحين الأم سلام تختلين فد شهر الحد ٠٠ماتنسد السالفه
ابد لترجعين هنا اشكد ماسمعتي خبر موتي
تفهمين زين
تصوروا الوضع الي جنت بي
عمري مانساه
امي الوحيده الي بقت الي بهل الدنيا والي ماعرف
غير حضنها ملجأي٠٠ جاي تودعني الوداع الاخير
وهي غركانه بدمها
ودم ذاك السافل
ردت ارجع اشوفه شلون ميت واتفل بوجها
بس امي دفعتني بكل ماعدها من قوه
بعد ماكالت
ايه٠٠٠بنيتي٠٠ حبيبتي عمري عيوني صوني نفسج من الذيابه
وبالج تثقين برجال يوم وحته عشكتي ٠٠٠٠
حته لو كلج اني احبج ٠٠لتنطين گلبج لبني ادم
وهذا عنوان ترحيله وانتي كلشي تعرفين
ولبجيس بي رسااله تنطيها الصاحبها
وهو الوحيد الي تثقين بي خوششش
وهيه تتلوه (تتوجع)
اي
لزمت ايدي
ايه بالج بالج تثقين برجال
وكعت امي واني ابجي
يمااه فدوه ماريد اعوفج
ولج طلعيي بسرعه ليكعودون من الفجر طلع
فتحت باب الغرفه ولكيت امي فاتحه البيبان حتى باب الحوش
ركضت واني اتخبط يمنه يسره تايهه نسيت الدرب
اتذكرت بيت ام سلام احاول اخذ نفس واستوعب
الي صار
واني اركض البيتها وعيوني مورمه والهث
احس وجهي نار
دكيت بابها بكل قوتي
صوتها من بعيد
جيت ياا على شنو مستعجل
منوو
اني ام سلام افتحي
فتحت بسرعه وهيه مستفربه جيتي بهل الوكت
عيونها بيها الف سؤال
خير ايه امج بيها شي
ام سلام الوحيده الي امي ترتاحلها وهيه طبعا صديقتها الوحيده هم
وعدها تجي تشتكي امي ظلم راضي وقهر وجور
الدنيا
أنت تقرأ
قوارير محرمه
Romanceوانا في احضانك اصرخ والوذ بك الى متى انا مهجره فيك شمسي لم تعد قمري لم يعد فقد رحلوا مع عائلتي الى متى رجع الطير الى عشه والازهار قد ازهرت وعاد كل شيء الا انا مازلت لاجئه قصه للكاتبه ذكرى المندلاوي
