[ Unicode ]
အခန်းထဲကထွက်လာပြီး လှေကားဆင်းလာသည့်တလျှောက်လုံး ဆူဆူညံ့ညံ့အသံတွေကို Baekhyunကြားလာရသည်။
တခြားတော့မဟုတ်...။
Parkအိမ်ထောင်ဦးစီးလေးရဲ့ အသံပင်ဖြစ်သည်။"ကျွန်တော် သေချာမှာခဲ့တယ်မဟုတ်လား!"
*ဒုန်း*
ထမင်းစားခန်းထဲဝင်ခါနီးတွင်ကြားလိုက်ရသော Chanyeolအော်သံနှင့် စားပွဲခုံကိုထုလိုက်သော အသံတို့ကြောင့် တုန်တောင်သွားမိသည်။
နှစ်လှမ်းမျှထပ်လျှောက်လိုက်သောအခါ ထိုင်ခုံတွင်ထိုင်နေသောChanyeolကိုတွေ့လိုက်ရသည်။
Chanyeolနဲ့ မျက်နှာချင်းဆိုင်တွင်တော့ အန်တီကြီးတို့လင်မယားနှစ်ယောက်နှင့် Minaတို့ မတ်တပ်ရပ်နေကြသည်။
သုံးယောက်လုံးဟာ ခေါင်းငုံ့ထားလျက်ရှိပြီး Chanyeolမျက်နှာကတော့ တင်းမာနေသည်။"သေချာမှာထားရက်သားနဲ့ Baek ဆေးရုံတက်တာကို ကျွန်တော်မသိလိုက်ရဘူး!"
ကိုယ့်နာမည်ပါ ပါလာပြီမို့ Chanyeolဒေါသထွက်နေရသည့်အကြောင်းကို သဘောပေါက်လိုက်သည်။
Chanyeolက သူဆေးရုံတက်ရတာကို တစ်ယောက်မှမပြောကြလို့ စိတ်တိုနေတာပဲ...။
"ခင်ဗျားတို့တွေ အလုပ်ထွက်မလား"
ကြားလိုက်ရသောစကားကြောင့် အိမ်ချင်မပြေသေးသော Baekhyunမျက်လုံးတို့သည် ချက်ချင်းကိုပြူးကျယ်ကုန်ရသည်။
မဖြစ်တော့...။
Baekhyunဝင်ပါမှဖြစ်တော့မည်။
သူ့ကြောင့် အပြစ်မရှိတဲ့ အန်တီကြီးတို့ကို အလုပ်ပြုတ်မခံစေချင်သလို...
သေချာမသိပဲ စိတ်တိုနေသော Chanyeolကိုလည်း ငရဲမကြီးစေချင်တော့ဘူး။"မောင်ရာ... ဘာတွေအဲ့လောက်ဆူညံနေတာလဲ
မောင့်အသံကြောင့် ငါ ဆက်အိပ်လို့တောင်မရတော့ဘူး"Chanyeolရဲ့ဘေးတွင်ဝင်ထိုင်ရင်း Baekhyunပြောလိုက်တော့ Chanyeolရူးရူးရှဲရှဲဖြစ်နေရာမှ နည်းနည်းတော့ငြိမ်ကျသွားသည်။
"ဟို... အကိုလေး..."
"အလုပ်ထွက်တော့!"
"မောင်"
YOU ARE READING
~ I'll Be Your Man ~
Romance🎵 Darling, just hold my hand Be my boy, I'll be your man ~သေးသေးညက်ညက်လေးက ကျွန်တော့်ကောင်လေးအဖြစ်တည်ရှိနေပေးပါ... ကျွန်တော်ကပဲ Baekရဲ့လူအဖြစ်ကာကွယ်ပေးပါ့မယ် ~ေသးေသးညက္ညက္ေလးက ကြၽန္ေတာ့္ေကာင္ေလးအျဖစ္တည္႐ွိေနေပးပါ... ကြၽန္ေတာ္ကပဲ Baekရဲ႕လူအျဖစ္ကာကြယ...