Can't Fight His Feelings (Sebastian Series #2)

Chapter 26

Chapter 26: Unexpected Happened

P A A S A

PAASA!

Tinapon ko ang hawak kong ballpen at pinunit ang papel ko. Nakakainis! Hanggang ngayon hindi parin mawala sa isip ko ang sinabi ng mokong na'yon sa'kin!

Bwesit!

Linggo ngayon at imibis na maging masaya ako kasi walang pasok, eto ako at nagmumukmok sa kwarto ko. Kahapon tatlong subject lang 'yong klase ko at si beks ang naghatid sa'kin pauwi.

Ginulo ko ang buhok ko ng maalala ang nangyari nung friday. Tandang tanda ko pa kung papano ako tumakbo ng mabilis ng marinig ang sinabi ni Spyke. Ang gago seryoso ba siya sa pinagsasabi niya?

Alam kong mali pero ba't nasisiyahan ako? Bakit kinikilig ako? Bakit sobrang natutuwa ako? Mali man 'tong nararamdaman ko pero hindi ko mapigilan na hindi umasa sa kanya. Bakit ganun? Simula ng magkita kami dito sa manila parang ang daming nagbago sa kanya. Mga salitang lumalabas sa labi niya at lahat ng mga kinikilos niya. Para bang naging mas totoo siya.

Bumababa ako para uminom ng tubig,
Mag isa lang ako dito kasi day off ng mga kasambahay at umalis din ang apat na mga ugok. Kahapon pa nila ako inaayang sumama sa kanila pero tinanggihan ko, kasi alam kong kasama nila ang mga apo ng presidente. Alam kong kasama nila si SPYKE! Letche! Kakainis!

Pagkatapos kong uminom ng tubig dumiretso ako sa labas ng bahay, napayakap ako sa sarili ko ng maramdaman ang lamig ng simoy ng hangin na sumalubong sa'kin. Isang manipis at maiksing night dress lang ang tanging suot ko, umupo ako sa dulong swimming pool at inilubog ang dalawang paa ko.

12 am na at ito hindi parin ako makatulog.

Halos mahulog ako ng mag ring ang cellphone ko. At nang makitang si cross ang tumatawag ay mabilis ko itong sinagot.

"B-Baby girl? Kumain kana? Naka lock ba ang gate? Okay ka lang diyan?" Umirap ako ng marinig ang sunod na sunod na tanong ni cross, ang boses nito ay halatang nakainom na. Dinig na dinig ko din ang malakas na musika.

Alam kong nasa bar na naman sila at alam kung kasama na naman nila ang apo ng presidente. Gustuhin ko man sumama sa kanila ay hindi pwede, ayokong magkita na naman kami ni Spyke.

"Wag ka ngang madaming tanong cross, hindi na ako bata."

"Ba't ang sungit ng baby girl namin? Meron kaba?" Tanong nito at tumawa ng malakas, naku sarap bigwasan ng gago.

"Sapak gusto mo?"

"Ayaw ko. Masakit ka kayang manapak. Nga pala kahapon ka pa nila hinahanap dito, nagtataka kung bakit wala ka."

"Sabihin mo masama pakiramdam ko."

"Nasabi ko na, nasabi kong na lbm ka." Sagot nito at tumawa na naman ng malakas.

Napakunot ang noo ko ng makita ang gate, hindi pala naka lock! Tumayo ako at akmang lalapitan ito para isarado ng may nakita akong tatlong lalaking pumasok, nakaitim silang lahat at may malaking bag na nakasabit sa kanilang balikat, hindi ko din makita ang mga mukha nila dahil sa maskarang suot nila.

"Baby girl? Hoy nandiyan kapa?" Hindi ko na makuhang sumagot kay cross dahil sa kabang nararamdaman ko ng makitang may mga hawak silang baril.

Tangina!

"Hoy? Anyare sayo?"

Mabilis akong tumakbo at nagtago sa mga bulaklak. Mas lalo akong kinabahan ng marinig ko ang pinag uusapan nila.

"Sigurado ba kayong wala ng nakatira dito?"

"Siguradong sigurado ako! Matagal ko ng pinagmamanmanan ang malaking bahay na'to."