Oops! This image does not follow our content guidelines. To continue publishing, please remove it or upload a different image.
سيدي يا صاحب الزمان ..
الي يحس بالغربة بوطنه شيسوي ؟ الي يستاحش بنص اهله وناسه شيسوي ؟ الي يشتاقلك وميگدر حتى يگول اسمك بين الناس شيسوي ؟ الي يحتاج يشوفك وذنوبه واگفه حاجز شيسوي ؟ الي حسرات گلبه تچوي صدره شيسوي ؟
سيدي الدنيا كلش متعبة , الناس كلش متعبه .. شلون متحملنا انت ؟ گلبك شلون متحمل الخناجر الي من كل صوب ؟
احنه گاعد نحترگ من نشوف جهل بسيط من الناس , بس انت مكشوفلك جهلنا الباطن والظاهر ، شحالك من تشوفه ؟
احنه نزهگ ونتذمر ونتعصب بسبب رأي غلط , زين انت شتسوي من تشوف اغلاطنا كلها ؟
احساس الغربة الي نحسّه هالفترة مخلينا نحب الموت ، زين انت شلون عشت غريب كل هالسنين ؟
