عشاق رغم الطلاق

البارت14

قيس
بلشت يومي عندي بصيص امل بسبب الكلام الي كالتة الي عشق كلت احاول وياهة بلكت تحبني مثل ما اني احبهة اول شي لازم اسوي اجيبلهة تلفون حتة اكدر احچي وياهة لبست ونزلت تلكتني امي ها يمة وين متتريك
قيس
لا يوم ما اشتهي عشق وين
ام قيس
راحت عدهة درس
قيس
اخذت اذن صفاء قبل لتروح
ام قيس
ما ادري يمة بس يمكن كالتلة
قيس
اي يمة عيب هاي الاصول انتي علميهة صارت علة ذمة رجال لازم تنطي خبر بطلعاتهة
يلله يوم محتاجة شي اني طالع بشغلة
ام قيس
لا يمة سلامتك محروس بلله وليدي
قيس
في امان الله طلعت رحت على اقري محل تلفونات اختاريت احسن نوع واحدث موديل لون وردي ضبطتة الهة ونزلت الهة البرامج و جبت شريحة وفعلتهة وسجلت رقمي وحفضت رقمهة وسجلتة قمري وسجلت علة رقمي بتلفونهة المعذب بحبي هههه كلت بلكت يدغير تفكيرهة شوية طلعت من المحل وبوجهي البيت ام صفاء
وصلت دكيت الباب الخارجي طلعلي علاء
هلة هلة بقيس تفضل
قيس
هلة بيك اليوم بلبيت
علاء
اي ولله اجازتي بعد يومين تخلص
قيس
علة خير زين اسوي ارتاح شوية اخر فترة تعبت هواي بلشغل
علاء
اي ولله تعال لضل بلحديقة فوت
قيس
تسلم بس چنت ....اريد .....يعني
علاء
هههههههه وصلت الفكرة فوت وهسة اصيحهة لك شبيك بابة صارت مرتك علة شنو مستحي فوت فوت يدفع بي ويضحك
قيس
بخجل شيخلصني من السانك بعد عمي اني استحي ما صرت مثلك ماسح المستحة من قاموسك
دخلنة للاستقبال البيت هدوء
دخل علاء ايصيح قمر

قمر
كاعدين بلغرفة اني وسناء ونفس اندكت الباب طلعت لكيت علاء
قمر
ها خوية تريد شي
علاء
اي انزلي رجلچ بلستقبال يريدچ انزلي لتتئخرين علية اني ادخل بغرفتي اذا سئلچ علية ورادني اصعديلي انطيني خبر
قمر
بئرتباك هوة يريدني اني
علاء
لعد اني هوة مزوجني الي غير انتي زوجتة ويريد يشوفچ
قمر
تمام هسة انزل
علاء
يلله لتتئخرين عافهة وراح الغرفتة حتة يعوفهم علة راحتهم
دخلت قمر تلبس شال وتلكتهة سناء متكدر تحچي شي لان نفس موجودة فكالت
قمر كوني لطيفة شوية
قمر
اي ماشي عفتهن ونزلت فتت للاستقبال چان كاعد علقنفة
كلت سلام عليكم
قيس
اجتي ما انتبهت من طبت كالت سلام عليكم رفعت راسي وشوف عيونهة الذبلانة لابسة دشداشة زرقة وشال ازرق هية حتة لو تلبس كونية شكلهة ايثيرني ويخلي دكات كلبي تقرة الف
كلت وعليكم السلام شلونچ
قمر
كعدت علقنفة مقابيلة وكالت
بخير
قيس
ادري زعلانة مني بسبب الي صار البارحة بس ما تحملت كلامچ استفزني
قمر
ماكو داعي لهلكلام شتريد جايني
قيس
كام وكعد مقابيلهة علة ركبتة وكمش ايدهة وكال
قمري لسوين بية هيچ صدكيني احبچ عمري ما حبيت غيرچ انتي النفس الي بريتي ليش متريديني كولي السبب حتة اعرف شنو مشكلتچ بية وغيرهة علمودچ شتريدين اسوي حتة تفكرين بية مثل ما اني افكر بيچ دوم
قمر
الي اريدة متكدر اسوي
قيس
جربي وشوفي
قمر
تمر سنة علة زواجنة ونطلك وكلمن يروح الطريقة
قيس
كام بعصبية وكال انتي شنو من بشر دا اكلچ احبچ وما اكدر اعيش بدونچ تكوليلي ننفصل بصياح
قمر
لعد شتريد اسوي فهمني ازوج واحد شكاك ويحب يتحكم بية وحصرة اذا اضحك لو احچي وية احد تتخبل عبالك ناسية سوالفك انتة ما چانت بينة علاقة زواج چنت مكفرني وتحاسب علة اتفه الاسباب شترجة منك بعد ما صرنة مزوجين اتخيل حياتي وياك مقدمن ما راح اتحمل اسلوبك راح ادمرني انتة افهمني خايفة من مستقبلي وياك طبعك صعب اكبر دليل علة كلامي الي سويتة البارحة بس لان كلت كلام ما عجبك
كامت تشهك وتبچي ودكول
انتة انكلبت وحش وا شفت نفسك شلون عيونك سودت ومن باوعت علة نفسي وشفت الي مسوي بجسمي واثار سنونك تعبر عن غضبك وعصبيتك الي لازم من اعيش وياك اضل خايفة طول حياتي منهة خاف اعصبك علة غفلة وترجع اسوي بية نفس الشي قيس الي صار مجبورين نتحملة انتة تتحملني واني اتحملك الحد ما كلمن يروح بطريقة
قيس
سمعت كلامهة وكول معقولة هذة تفكيرهة بية معقولة اني هيچ وما ادري بروحي انوب بعد الي سويتة البارحة زيدت الطين بلة بس كلامهة نصة صحيح اني ما اصيطر علة اعصابي بس حتة لو ما اعوفهة لو شما ايصير كلت
اسمعيني يا بنت الناس الي صار البارحة اعتذرتلچ عنة وعد هلشي ميتكرر ابد  وسالفة اتركچ هلشي مستحيل ايصير انتي الي تسمعيني شكول انلي ما افرط بيچ مهمة كانت الضروف وبس يخلص عرس صفاء وعشق بعد مشوفين وجهي بس طلاك ما اطلكچ هذة اخر كلام عندي وهاچ هذة تلفون جبتة اليوم هدية خطبتنة عبالي مثل الناس افرح بس ما مقسومتلي الفرحة
رادت تعترض علتلفون ومتاخذة بس شافت بعينة نضرة خوفتهة سكتت وكالت شكرن ما چان الة لزوم اني ما احب هلشغلات
قيس
اخذي علاقل راح اترك كل شي وروح بس لتحرميني من صوتچ اخابرچ كل فترة بس اسمع صوتچ وكافي ما اريد شي منچ
عافهة وطلع وهوة مهموم ومخنوك
قمر
طلع وكلامة عصر كلبي ما ادري ليش كلبي انقبض من كال اروح ومتشوفين وجهي اخذت العلاكة وطلعت التلفون كلش حلو عجبني حيل لونه يخبل  فتحته بي براماج فايبر وواتساب وحاط خط طبيت علاسماء ماكو بس اسم واحد كاتب علية المعذب بحبي
ابتسمت علة افكارة  رحت علة تلفون امي حفضت رقمهة ودكيت علية طلع رقمي عدهة دكيت علة تلفوني طلع حاط نغمة التلفون اغنية ستار سعد
💗عشكتك عشك مجنون💗
💗يا عاشك عشك عشكي💗
💗وهويتك لان حبك      💗
💗نصيبي بدنيتي وحكي💗

ضليت صافنة الاغنية كلش حلوة عبالك قاصد يحط هلاغنية
كمت وصعدت فوك لكيت سناء كاعدة تتحضر تريد تطلع وية علاء للسوك
سناء
هلو قمر ها شسويتي
قمر
ماكو شي جابلي تلفون
سناء
صدك خل اشوف
وااو كلش حلو بلعافية يا الله اشكد يحبچ
دك تلفونهة  علة غفلة
سناء
واو لچ شنو حاطة اغنية تخبل اموت عليهة كلش كلماتهة حلوة ومنو المعذب بحبي
قمر
ببتسامة هوة حط النغمة ومسجل الاسم عوفيني خل اشوفة شبي دك
ردت
قمر
الو
قيس
اسف اذا ازعجتچ بس ضيعت  محفضتي يمكن وكعت بلستقبال مالتكم اذا ممكن اشوفيهة
قمر
حست بي كلامة ناشف مو مثل العادة كالت
اي هسة اشوفهة
سد التلفون وهية ضلت صافنة
نزلت شفتهة واكعة منة بلارض من كعد مقابيلي وحچة وياية شلتهة انفتحت وردت اسدهة شفت طارف صورة امبين من ورة الجلد مضمومة بلضهر سحبتهة شفت صورة مالتي من چنت صغيرة كلت هذة الهلدرجة يحبني بس ما اكدر ابادلة هلشعور لان راح يدمرني بغيرتة وطبعة ما اتحملة ابد مستحيل رجعت الصورة سديت المحفضة وطلعت برة لكيتة متچي علسيارة ينتضر شافني اجة واخذهة مني بدون كلام بس الشكرن وراح اني طبيت احچي وية نفسي شبيچ هسة مو انتي چنتي تريدين هلشي ليش ضايجة ومخنوكه صعدت راسي ايريد ينفجر دخلت سناء مخلصة وفرحانة لان تريد تطلع كالت
قمر شبيچ
قمر
ما بية شي راح انام شوية نعست
سناء
اني رايحة تريدين اجيبلچ شي وياية
قمر
سلامتچ حبيبتي تونسي
سناء
بوستهة وطلعت وضلت نفس نايمة يم قمر وقمر هم نامت بس تفكير بلي جاي اكلهة اكل تعبت وستسلمت للنوم
سناء
تحضرت وطلعت رحت الغرفة علاء دكيت الباب كلعادة ماكو رد فتحت الباب ودخلت سمعت صوت المي بلحمام عرفت ديسبح كعدت علقنفة انتضرة يطلع انتضرت اشو تئخر الغرفة دافية وانارة خافتة تنعس خليت راسي علقنفة وما حسيت علة نفسي
علاء
ورة ما كلت القمر تنزل طبيت غرفتي ونمت ما حسيت ورة ساعتين تقريبن كعدت وطبيت اسبح ضليت كاعد بلبانيو مي دافي ارخي اعصابي شوية تئخرت بلحمام لفيت المنشفة علة خصري ولثانية علة راسي انشف بي طلعت وتفاجئت سناء حاطة راسهة علقنفة ونايمة وسلون طالعة كمر لابسة تنورة خاكية كلوش وبدي خاكي وفوكا سترة عسكرية خاكية وشال خاكي حاطة حمرة وخاطة عيونهة  هاي وين اضمهة يا ربي شلون راح افتر بيهة بلسوك هيچ ولله الي ايباوع عليهة الة افكس عيونة تقربت منهة وشلتهة علكيف حتة متكعد بس من رفعتهة حست فتحت علكيف وكالت علاء هاي شسوي
علاء
هههه ما سوي نامي نامي
سناء
لا نزلني مو كلت انروح
علاء
وصل للچرباية ونومهة وكال
اني كلت العصر مو هسة يعني شعندچ من هسة متحضرة
سناء
بزعل وهية مقوسة شفايفهة
نسيت العصر وتحمست للطلعة وبدلت
علاء
اي بعد وكت حتة الغدة ما صاير بعدة وانتي متحضرة
سناء
اسفة نسيت بس صارلي هواي ما طالعة وتحمست يلله ما صار شي اروح اني انتة اخذ راحتك تحچي وتغمض عيونهة لان ما لابس بس المنشفة رادت ادكوم جر ايدهة ونام ونيمهة علة صدرة العاري
وكالت
💗💗💗💗💗💗

للحكاية بقية