جعلتني أرملة

حلقة 6

#جعلتني_أرملة
حلقة#6
🏵💎 روايــــات دمــــعتــي تـــــروي مــــــأســـاتــي 💎🏵

الكاتبة|:- 💜 خ ـــلـــود شــــــــــلابـــــي 💜

👑🎶Kd Sha La Bi🎶👑

كانت سارة وميس في شقة هنادي يجهزو في اللوازم .. مزال يومين على العرس
هنادي:- عيلتي غدوة حيوصلو لي ووال ستريت (إحدى مدن نيويورك) وبيأجرو إهني..
سارة:- حلو هلبا.. بس وين حيقعدو؟
ميس:- خليهم يقعدو في شقتي أنا وأحمد.. شنو عرسان وبيقعدو عندكم هههههه
هنادي:- شكرا ميس
ميس:- ولو
........
خش عليهم علي
هلا صبايا...
هلا عليوة...
علي:- سارة مهند في غرفة الضيوف بيوريك الشقة ويبي يكلمك ..
سارة:- خلاص فيش داعي نشوفها.. أمتى بيسلمهالي بسس؟
علي:- توا بيسلملك مفاتيح الشقة وطلبك إنتي.. شوية وتعالي لغرفة الضيوف لأن يبيك..
أوك عليوة..
مشى علي لمهند
............
حي عليا يا بنات شن ندير وشن حنقوله.. متأكدة إن عرف برواد توا.. والله متحشمة منه
هنادي:- متجرحيشي بسس وخليك عادية..
ميس:- عيب نوضي شوفيه
أوك إذنكم حبيباتي....
..............................
مشت سارة باتجاه غرفة الضيوف.. وقلبها مليان حيرة.. مش قادرة تواجهه ااااااه
هلا مهند
وقف مهند وقدم جيهتها.. أهلين سارة
كيف حالك؟
مهند:- حمد لله الأهم حالك إنتي؟
تمام
...........
بالنسبة للشقة مش لازم نشوفها خلاص أمتى تسلمهالي إنت ؟
مهند:- توا
حبيت نوريهالك بسس.. قبل ماتاخديها لأن أي شخص لازم يشوف قبل ما يأجر..
حس علي بمهند ورفض سارة ليه.. حاول يتدخل :- نوضي سارة شوفيها وشبحلها بنضرة اصرار..
أوك
.............................
طلعت سارة من الغرفة وخلت مهند وراها..
مهند:- شكرا عالدعم ياعلي
علي:- راك صحيبي..
برا ألحقها توا..
..............
ركبت سارة فالدور الفوقي اللي فوق شقة علي وأحمد... وقفت قدام باب الشقة ومهند لحقها..
فتحلها الباب .... مهند:- تفضلي من بعدك
يزيد فضلك
خشت وقلبها يعصرفاها.. مكانتش تحب تتواجد مع رجل غريب بمفردها رغم ثقتها فيه وبأنه صديق علي وبعلمه .. لكنها متحبش.. تحس فروحها كأن تخون فحبيبها.....
كانت الشقة في غاية الجمال.. كانت حديثة للغاية وكبيرة الحجم مقارنة بشقة ميس وهنادي.. وكان أثاثها باهر
مهند:- هادي غرفة الضيوف بالتواليت متعها..
سارة :- حلو الممر ولقطة غرفة الضيوف من برا.. كأن فيها خصوصية
مهند:- درتها كأن بيت ليبي الضيف ممنوع يشوف الداخل
سارة :- ههههههههه إي حلو
مهند:- تعالي إهني... وهادي الصالة كبيرة تفتح على مطبخ مقسوم لجزئين.. نصه مطبخ ونصها غرفة اكل بطاولة ل10 أشخاص...
سارة:- حلو هلباااااا
مهند :- عيونك الحلوات
حس مهند باعجاب سارة الشديد بالشقة.. كم كان يتمنى أن تكون سارة زوجته اللي لطالما رغب بأن يعيش معاها.. كان يوريلها أنحاء بيته اللي صممه بنفسه ودار كل شيء في الشقة على خاطرها...
مهند:- الجناح هداكا لغرف الأطفال
مشوله الجناح وكان ممر به غرفتين وتواليت..
مهند:- مزالت دار وحدة ماكملتش تأتيتها.. والدار التانية درتلها اثاث..
خشوا للغرفة المؤثثة كان فيها سريرين ودولاب ,, كانت حلوة
بعدها خشوا للغرفة الغير مؤثثة .. كانت مطلية بطلاء فاخر وجميل..
علاش مافرشتهاش؟ كان يجول في خاطرها السؤال رغم علمها بأن مهند عنده الفلوس.. مؤكد أن فيه سبب
مهند:- هادي منقدرش نتصرف فاها بروحي.. تبي مشاورة
مشاورة من مني هههههههه
مهند:- هههههه خليها في سرك
ربي يسخرلك وتلقى نصك اللي تتمناه بش تتشاورو على الفرش هههه
مهند:- لقيتها بس ماتبيش
كانت سارة تعرف أنه قاصدها.. شعرت بالإحراج الشديد.. نزلت عيونها لأسفل وأخذت بالصمت..
قرب مهند منها...
مهند:- قيمي عيونك فوق سارة.. منبيكش تحسي بشيء..
أنا تمنيتك تكوني مرتي وأم صغاري.. حاولت ندير كل شيء على ذوقي ومنتعبكش فشيء.. إلا غرفة البيبي.. كنت نتمنى إنتي اديريها بذوقك ...
بس أهو مافيش نصيب.. جي غيري وكسبك..
سارة :- مهند أنا على علاقة برواد من قبل حتى مانعرفك.. يعني قبل منشوفك إنت..
رواد بدا جزء مني وإنت أكيد عارف إن لما تحب حد متقدرش تبدل شعورك ناحيته..
رغم إنك راجل وشهم بكل ماتعنيه من كلمة..
مهند:- أها.. أكيد عارف لأن جربته شعوري معاك..
مهند:- تعالي مزال الجناح التاني وطلع من الغرفة متحطم الفؤاد ..
قعدت تلاحق فيه وتسأل :- كيف جربته شعورك معاي مفهمتش؟
مهنننند
نكلم فيك..
خش رواد لجناح غرفة النوم.... خشت معاه.. كان جميل للغاية..
مهند:- هذا التواليت.. وهادي غرفة دايرها خزانة معبية رفوف ودواليب للملابس.. مسكها من يدها واتجه بيها لغرفة النوم..
مهند:- وهادي غرفة النوم....
كانت فيه مرآة جميلة في الغرفة.. مسك يدها ووقفها قدامها وكان هو واقف خلفها
حست بشعور مروع..كأنه يلوم فيها على كل شيء.. باتت تشوف فصورتها المنعكسة وصورته معاها على المرايا.. كان يحبها ويتمناها هلبا.. يرغب بأن يكوّن عيلة تكون سارة هي الموجودة فيها..
مهند
مهند:- نعم
منقدرش ناخدها الشقة
مهند:- علاش؟
مانستاهلهاش..
مهند:- كان إنتي ماتستاهليهاش من لي تستاهلها..
قعدت تبكي.. قدرني منقدرش نعيش فيها..
حضنها مهند من الخلف بقوة وقعد يشم فشعرها ويجمع فأنفاسه بصعوبة..
مهند:- بالله عليك سارة عيشي فيها.. أنا أصلا مش حنتزوج.. وعندي حوش تاني قاعد فيه..
بس إنتي معندكش..
منقدرش والله صعب .. وتبكي
مهند:- هذا طلبي الوحيد سارة.. نبيك تعيشي فيها إنتي.. وحتى لو حبيبك بيجيك زيارة موافق.. وحنحترم خصوصيتك..
** لا أعلم لما سمحت له باحتضاني’’ ولكنني كنت أعلم بانه محتاج إلي كثيرا**
قعد يشم فريحة شعرها وبعد علاها.. أما هيا قعدت تشوف فانعكاس صورتها عالمرآة..
مهند:- أنا حنراجيك .. لأني خلاص معش قدرت نطلعك من بالي
بس انا بديت لغيرك..
مهند:- مداما ماتزوجكش معناته في إفتراض فيوم ما حتكوني ليا... ومش حتسكني إلا إهني
وافقي يا سارة.. عيشي اهني..
لا منقدرش نحس فروحي نخون في رواد ..
مهند:- لا متخونيش فيه.. أنا مش حنضايقك كأنه بيتك إنتي.. ومش حنجي فطريقك
وعد؟😫
مهند:- وعد.. وهذا المفتاح..😉
مهند:- سمعت إن أغراضك في شقة أحمد .. تقدري تحطيهم إهني وتبدي ترتبي.. الشقة امبكري جبتلها عمال نظفوها
واضح عليها نظيفة.. شكرا
بس نبي منك طلب😌
مهند:- لي تبيه نلبيهولك😥
مهند متخلينيش ننشغل عليك.. بالله عليك رد بالك على روحك وأوعدني إنك حتشوف بنت تانية تحبها
مهند:- حاضر نوعدك إن حندير بالي على روحي.. بس مش حنوعدك إن نشوف لغيرك.. نستأذنك أكيد علي يستنى فيا سلام...
طلع مهند وخلاها فالغرفة وحيدة..💔
غرفة مزينة وجميلة للغاية..
جلست على السرير واتصلت برواد😍
كان ميردش على موبايله.. والساعة 9 مساءا أي أنه في الهوتيل..
.......................
🏵💎 روايــــات دمــــعتــي تـــــروي مــــــأســـاتــي 💎🏵