ကောင်းကင်ဘုံအား ဆန့်ကျင်၍ (စာစဉ်-၈မှ ၁၀)

အပိုင်း(၁၁၂)အနာဂတ်ကို တွက်ချက်နိုင်သော လျှို့ဝှက်အတတ်ပညာ

အပိုင်း(၁၁၂)အနာဂတ်ကို တွက်ချက်နိုင်သော လျှို့ဝှက်အတတ်ပညာ

နဂါးတစ်သောင်းတောင်ကြားသည် နယ်မြေအတွင်း ကျော်ကြားသည်။ ထိုနေရာသည် ကောင်းကင်ဧကရာဇ်၏ ဂူသင်္ချိုင်း ရှိနေရုံသာမက လွန်ခဲ့သော နှစ်ပေါင်းတစ်သောင်းကျော်က စတုတ္ထအဆင့် နတ်ဆိုးသားရဲ၊ တောင်ပံပြာနဂါး နေထိုင်နေခဲ့သော နေရာလည်း ဖြစ်သည်။

အမည်အတိုင်းပင် နဂါးတစ်သောင်းတောင်ကြားတွင် နဂါးတစ်သောင်းခန့် ရှိလေသည်။ ဤနေရာသည် တစ်ခါက နဂါးအနွယ်ဝင် နတ်ဆိုးသားရဲများ၏ အဓိက စခန်းချရာ နေရာလည်း ဖြစ်သည်။ နဂါးတစ်သောင်းတောင်ကြား ကောင်းကင်ဧကရာဇ်သည် တောင်ပံပြာနဂါးကို သတ်၍ ဂူသင်္ချိုင်းတစ်ခု တည်ဆောက်ခဲ့သည်။ ထို့ကြောင့်ပင် နဂါးတစ်သောင်းတောင်ကြားသည် ပို၍ ကျော်ကြားလာခဲ့သည်။

နဂါးတစ်သောင်းတောင်ကြားသည် ကြီးမားလွန်းပြီး နဂါးအနွယ်ဝင် နတ်ဆိုးသားရဲများ ကျက်စားရာ နေရာတစ်ခုဖြစ်သည်။ ယခုမူ နတ်ဆိုးသားရဲ တစ်ကောင်တစ်လေမှ ပေါ်မလာခဲ့ပေ။ အဘယ့်ကြောင့်ဆိုသော် နိုင်ငံသုံးခုမှ သိုင်းသမားများစွာ အပြင် အခြားနိုင်ငံများမှ သတင်းရကြသော ရတနာ ရှာဖွေသူများလည်း ရောက်လာကြသောကြောင့် ဖြစ်လေသည်။

ဝိဥာဉ်သားရဲ သင်တန်းကျောင်းမှ လူအုပ် ရောက်ရှိလာသောအခါတွင် လူအများက အာရုံစိုက်လာကြသည်။ အကြောင်းအရင်းသည်ကား သင်တန်းကျောင်းအတွင်းတွင် ရှန်ဝူနိုင်ငံတော်နှက့် ရှားနိုင်ငံတော်တို့မှ ဂိုဏ်းကြီးများ၏ ဆက်ခံသူများစွာ ရှိပေသည်။ သူတို့၏ အစောင့်အရှောက်များစွာကသာ လိုက်ပါလာလျှင် ဂူသင်္ချိုင်းအတွင်းတွင် ပို၍ အန္တရာယ် များနိုင်ပေသည်။

ကောင်းကင်ဧကရာဇ်၏ ဂူသင်္ချိုင်းဖွင့်ရန် နှစ်ရက်လိုသေးသည်။ သင်တန်းကျောင်းမှ လူများသည် ဂူသင်္ချိုင်း အနီးရှိ ရေကန်ငယ်လေးဘေးတွင် စခန်းချလိုက်ကြသည်။ သင်တန်းကျောင်းမှ အုပ်စုတွင် လူတစ်ထောင်ကျော် ပါဝင်ပြီး စိတ်ဝိဥာဉ်မျောလွင့် ခရီးသည်အဆင့် လူသုံးယောက်လည်း ပါနေသေးသည်။ ထို့ကြောင့် ထိုနေရာတွင် အရင်စခန်းချထားသူများသည် သူတို့ဆက်မနေသင့်ဟု ယူဆကာ သူတို့ဟာသူတို့ ထွက်ခွာသွားကြလေသည်။