(( اردت الرحيل لكن)) مكتمله

البارت الاخير

(( اردت الرحيل لكن. ))

سرمد: رجعت ولك خويه ولك يوسف رجعت وايدي فارغه لا من ياسين احزام ضهري ولا من امي نبع كلبي ولا من مرتتي ملكتي
يوسف: اخ يا خويه يااا سرمد رجعت بشرني شلون ياسين شلون حطيته باللحد
سرمد: اخ والله راح اموت ولك ياسين ليش هيج ياااسين
يوسف: اخخ يا خويه. يا بو طول اللحلو يابو سالفه الترفه يا بو ضحكه الحلوه شلون هيج تسوي بخوتك
ابو يوسف: كافي ولدي ما يصير هيج كومو الممؤمن اذا ابتلا يقول لا حول ولا قوه الا بالله العلي العضيم لا يجوز الا الرحمه علئ الميت ولدي انتم كافي كوم يوسف اخذ ياسرمد وغسل الدم من وجها وخلي يرتاح لان الضغط عنده
يوسف: ااه يي بويه كوم سرمد كوم خويه
سرمد: اخ يا خويه ماكو خوه بعد خوتك يابويه شلون ادخل للبيت شلون امي ما موجوده شلون البيت انهدم يا بويه سهاوي حبيبه كلبك
يوسف: اجاه عمي باس راسه ودخل للبيت واني اخذت سرمد للحمام ودخلته وحطيتله ماي وكتله اسبح
سرمد: حيل مابيه ااه
يوسف: رحت نزلت يم رجليه ولزمت راسه وكتله اني اخوك صح مراح اعوض مكان ياسين بس راح اكون الك اخ راح اكرس حياتي كلها الك الله شاهد اني احبك بس ما اريد اشوفك ضعيف تفهمني لا تصير ضعيف تذكر دائما كلام ياسين خلي ياسبن قدوتك ياسين قوي ولا مره ضعف امام اي شخص بس يمك افهمني خليك قوي يم هاي الناس لا تضعف ادري هذا اخوك وحزام ضهرك وهاي امك الي حملتك تسع شهور ادري صعبه عليك تفقد ثلاث اشخاص بيوم واحد ادري بيك تحب ليان والله ادري بيك بس جهال اخوك لا تضيعهم من ايدك بنتك ريحه مرتك لا تضيعها من ايدك تقئ وتقي من ريحه ياسين هذوله لا تضيعهم يله اني طالع اسبح وراح انتضرك بره تتعشه وتاخذ دوه وانتضرك ماشي
سرمد.: اخخ ياربي ساعدني كلام يوسف صحيح ولازم اتصرف خويه سرمد شلون بيه اتذكرت كلام سرمد من كال جهال بحمايتك ياربي ساعدني فدوه رحتلك سبحت ودموعي مختلطه وي الماي واذكر كل شيئ صار وياي من امي من ليان من سرم اخذت نفس وكلت لنفسي لازم احارب كل الحزن ولازم اتصرف واخذ جهال ياسين اربيهم شلون لو اسينات تتزوج شلون لا ياربي خليت وطلعت لكيت يوسف كاعد علئ الكرسي وراسه علئ الحايط نايم ولازم المنشفه بايده يوسف كوم امشي نام علئ،الجربايه
يوسف: همم هاا يي هاك نشف راسك لتتمرض
سرمد: صعدت اني ويوسف بس اخس نفسي اخر مره اتنفس بيها وفتحت الغرفه اخذت نفس كل عطر ليان بالغرفه وكلت ليوسف ينام واني فرشت السجاده وبديت اصلي وقريت قرءان ولتفتت شفت يوسف بدون غطه غطيته ورجعت قريت سوره ياسين الهم وضليت ادعي ربي خليها تنحل المشكله هاي الي بيها وبقيت لمن ما طلع الصبح غفيت شوي علئ السجاده لان راسي كام يوجعني كلش
اسبنات: تعبت ونومت الجهال ونمت يبجون علئ الصوت وعلئ بجيي بدون ميعرفون اي شي
سرمد: لا لا عوفرها بنتي هاا انطونياااااهااا
يوسف: سرمد سرمد اكعد سرمد شنو بيك
سرمذ: عذاب اااه نفسي انكطع مااي مااي عذاب بابا وين بنتي
يوسف: هداء اشرب مي مبيها شي بنتك هسه شنو الي صار سرمد خويه اهدء
سرمد: بنتي وين عذاب كولي وينها
يوسف: بالمستشفئ
سرمد: بعده ممكمل كلامه يوسف ونزلت رئستا بدون كلام ركبت السياره ورحت للمستشفئ
ابو ياسين: بويه سرمد وين راح سرمد
يوسف: هاا عمي راح للمستشفئ
ابو ياسين: شبيه ابني احجي عمي
يوسف: اهدء عمي مابي شي بس راح يجيب بنته
ابو ياسين: بنته ? بن بنته ليش،هي عايشه بنت سرمد
يوسف:يي عمو يي لحمذ لله وتجنن ربي يحفضها
ابو ياسبن: سلوه ياسين هاي
يوسف: يي والله بس هاي الي بقت لياسين من ريحه زوجته
ابو ياسين: ااه يابعد عمك يا يوسف جهال ياسين وين بعدهم جهال شلون ياربي
يوسف: عمي لا تزعل مني بس الافضل خل سرمد ييربيهم يا عمي لتفهمني غلط بس اني اضمنك واكولك راح تجي خطابه لاسبنات وخلي جهالكم يربون عدكم احسن مو قصه تفهمها بالغلط
ابو ياسين: فاهمك عمي فاهمك والله
يوسف: يربون علئ ايد سرمد افضل من مايحسون بطعم الاب ومن هسه يصيرون يتامه
سرمذ: رحت للمستشفئ ورحت لقسم الاطفال وسئلت عنها وكالولي هذي شفتها وملامح امها كلها بيها شلون ياربي اخذتها شميتها حطيتها غلئ صدري ورحت للبيت وصلت ونزلت
يوسف: اجه ياسين عمي
ابو ياسبن ; هاا بابا سرمد فدوه حفيدتي جدو شلونج هممم ريحت امها فدوه يابعد روح جدج
سرمذ: هذي بقيت امها
ابو ياسين: انت هسه لازم تكون اب الها ولتقي وتقئ
سرمد: ضليت ساكت شوي فكرت بكلام ابوي بعدين نطقت وكلتله جهال ياسين علئ وصيته راح اربيهم علئ ايدي اني واكبرهم مصروفهم عيشتهم كل شي.علي اني
ابو ياسين: يي بويه ان شاءلله
يوسف: عمي يعني شيقصد سرمد اذا ياخذ الجهال وامهم ?
ابو ياسين: وياهم اكيد
يوسف.: ما حجيت اي شيئ مجرد بقيت صافني وشوي تجو زملاء سرمد الاطباء وهو واكف عزوه وبقو بالفاتحه اني ضليت بمكاني لحد ااجاني ابوي
ابو يوسف: يابه شبيك
يوسف: لا بابا مبيه شي بس حاير بشئ واخد
ابو يوسف: شنو هو?
يوسف: سرمد مساع كال جهال ياسين يتربون علئ ايدي وسئلت عمي علئ امهم كال وياهم اكيد ما فهمت
ابو يوسف: بويه يوسف لا تفكر ولا تحتار انت ما تريد مصلحه اختك وجهالها ما يحسون بنقص
يوسف: اكيد
ابو يوسف: احنه راح نخلي سرمد يعقد علئ اسوو بعد ما تكمل عدتها علمود مصلحه الجهال هذوله تقي وتقئ وبنت سرمد ما اعرف يمكن اسمها عذاب بس احنه مو سهله علينه هيج نسوي بس ما نريد هذوه الجهال يضنون انهم يتامه ومازالو اصغار كلش
يوسف: بس كون اسوو تتفهم هل شي وسرمد موافق ?
ابو يوسف: يي حجه وياه عمك وكال للجهال بس ولو ما ينطيني نفسي اخذ ملك اخوي
يوسف: واسوو
ابو يوسف:شوي نحجي اني وعمك نحجي وياها ونقنعها بس وره العده اكيد
يوسف:بابا شفت هذاك سرمد واكف بس هو مكسور
ابو يوسف: الله يساعده جا يابويه امه واخوه ومرته وربك خله هاي البنيه تونسه
اسبنات;جنت كاعده بالغرفه انوم بتقي وتقئ ودخلت منسه علي وبيدها طفله استغربت لان بتها جبيره مو هيج زغيره منسه منو هاذي الطفله بصوت مبحوح
منسه: هاا خيتي هذي عذاب بنت سرمد
اسينات: ع عذ عذاب بنت س سرمد يعني بنت ل لي ليان
منسه: بس اهدي لا تبجين يي بنت ليان بنت سرمد بقيه من ليان
اسينات: يارروحي فدوه انطينياها عذاب صدك انت عذاب لابوج فدوه تخبل حضنتها وشميت عطرها كلشي ممخليه من امها
منسه: منو راح يربيها منو راح يكون مسئول عنها
اسينات: اذا يقبل ابوها اني اربيها واخليها تكبر وي تقئ شوفي عذاب هذاك عمو شفتي جان منتضر يشوفج ويبوسج ويطلعك وياه وهذي تقاوي اختج وهذه تقي الي ابوج سماهم ياعمري انت
منسه: اوووف ياربي شنو ذنب هذول الاطفال راح يحسون بطعم اليتم
اسينات:لا تحجين هيج فاهمه
منسه:ماشي بس انت اهدي
ام ليان: ممكن ادخل خالاتي
منسه:تفضلي خاله
اسينات:اهلا بيج خاله
ام ليان: فدوه للالله نايمين الجهال
اسينات:عذاب بنت ليان ضميهه لحضنج
ام ليان: اخ يا يمه ليونه هاي بنتج يابعد روحي
اسينات:خاله احسج قويه ممهتمه لموت ليونه?
ام ليان: لا يمه شلون ما مهتمه هاي وحيدتي هاي نبضي بس جنه يوميه من تاخذ العلاج نموت الف موته وياها علئ كل صرخه احنه نموت يا يمه جا شنسوي جانت تتمنه الموت بس علمود تخلص من هل مرض
اسينات: خاله انطينيتها خل اشربها ممه
ام ليان: يي ماما هاج
اسينات: تعالي عزيزتي عذاب
ام ليان: راح تعتنين بيها وبتربايتها
اسينات:اذا قبل ابوها
ام ليان: يله يمه اترخص لازم نروح للنجف
اسينات:سلميلي عليهم فدوه
ام ليان: حاضر يمه
منسه:اني راح اروح اعاون امي وارجعلج بعدين
اسبنات: نومتهم وكمت توضيت وفرشت السجاده وصليت وقريتلهم سوره ياسين وشوي ودخل عمي ابو ياسين وابوي
ابو ياسين: هاا بنتي شلونج
اسينات: جان عمي كلش تعبان كمت سلمت عليه وبست راسه وراس ابوي وكعدت جنت لابسه حجابي وجواريبي
ابو ياسين: شلونهم الكتاكيت بقيه من المرحومين
اسينات: الحمد لله عمي بس عذاب محتاجلها عنايه وحليب معدها عمو
ابو ياسين: يي صار بنتي الي تحتاجي بس ااشري اني اجيبه لعند رجلج
اسينات: استغفر الله عمي علئ راسي انت
ابو ياسين: عمي اسينات جيت احجي وياج بموضوع كلش مهم ولا تفهمينه بالغلط
اسينات; يي تفضل عمي
ابو ياسين: عمي اسوو احنه ما نريد هذي اليتلمه تحس بنقص او فد شي ما طول بعدهم صغار وهاي خلي يربون علئ صفه انت امهم وو وو سرمد ابوهم
اسينات: ما فهمت عمي
ابو يوسف: بابا حبيبتي انت عمج يقصد سرمد يعقد عليج بعد العده مالتج والله شاهد علمود هل الاطفال ليش يحسون باليتم
اسينات: لا لا ما اكدر لا
ابو ياسبن: ليش احنه نكدر بس حنه علمود هذوله الاطفال باعيلهم ليش يحسون باليتم مثلا سرمد تزوج ومنو كال مرت ابوها راح تكون وياها حنونه ويا عمي سمعي كلمتي وكلمه ابوج واحنه مو هينه علينه هيج نسوي بس كل هدفنه هذوله الاطفال
اسينات: ادموعي كامت تجري التفتت علئ صوره ياسين وغمض عيوني رديت ع الجهال وضليت اباوع عليهم وتخيلت لمن يسئلوني وين بابا شراح اكلهم مات قبل متشوفوه ااووف ياربي ساعدني فدوه اروحلك
ابو ياسين ; هاا بنتي شتكولين
اسينات: اااه الي يعجبكم سووه
سرمد: كالولي علئ سالفه اسينات وهاي اني وافقت مو عليها لا علئ وصيه اخوي وعلئ الاطفال علئ طول هذه الفتره الي هي لازمه عده اني بالشقه مالتي كاعد وواذا اريد اشوف عذاب اروح يم باب البيت ولو ابوي يجيبها لو يوسف يجيبها الي فدوه للالله تخبل ومن تشوفني تضحك فدوه لطول ابوها وقررت اروح اليوم بالليل للمكبره اني ويوسف ورحنه وضلينه نص نهار يم الاعزاز الي نايمين جوه الكاع

بعد مرور عام كامل ...////

سرمد: باباتي تقئ تعالي تعالي هههه فدوه لضحكتج
يوسف: الله عليك شوف عذاب وتقي شلون يخزرون بيك لك اشكالهم تخرب صحك ههه خطيه صيحلهم
سرمد: خل اضوجهم وكصلهم صوره باباتي تقاوي ياروح بابا هاج هذذا ربع علئ اعاناد عذابووو وتقيوي
يوسف: وعلي راح ينفجرون لك شوف عذاب عيونها من الزوق تخولن للحمر
سرمد:ههه مو حبيب بابا تقئ لو عذاب لو تقي
يوسف:منو حبيب عمو تقئ لو عذاب لو تقي
اسينات: جنت منتضره لمنو راح يرحون وثلاثتهم ركضو لسرمد ههه ويضحكون ويوسف سوه نفسه يبجي لان محد اجاه وهمه يعيبون عليه وثلاثتهم فوك بطن سرمد
سرمد: يله جعالي روحو اقتلو عمكم ههه راحو هجمو علئ يوسف ويوسف يسوي نفسه يبجي وهاي تقئ شفت غليلي جابت امميه وضربتها براسه وعود عصبيه تفتح بعيونها وعذاب اخ يا عذاب تجر بشعره وبس تدردم مدري شتحجي وتقي ههه ضال يضرب دقلات وميوصل ليوسف اصلا
ابو ياسين:ما شاءالله البنات فعلا يموتون من الجنس الذكري طيحو حض يوسف وتقي خطيه بالخسران راح ههه
سرمد: منو حبيب بابا تقي هههه فدوه لابني الكيوت طبعا تقي نسخه من ياسين ماخذ تصرفاته وحده عيونه

اسينات: لفيت شالي ودخلت وبيدي الجاي صبيتلهم واكعدت الجهال وياكلون بسكت ووواخد ينطي للثاني
ابو يوسف: بابا اسو ما كو غريب ما تذبين حجابج
اسينات: هاا بابا امم مرتاحه بي انحرجت من ياسين لان مذابه الحجاب يمه
ابوياسين 'بويه اذا علئ سرمد هذا صار زوجج وابو الجهال
اسينات: التفتت علئ سرمذ جان مدنك ويوكل بالجهل يي عمي صار وخرت الحجاب شوي سرمد مجان مهتم لان بالغرفه هو ينام بالارض واني علئ الجربايه
سرمد: بغد ما خلصت اسو العده عقدت عليها وتعاونه اني وياها بتربايه الجهال بس لا صاير بيناتنه اي شي. ولا اي كلمه والحجاب هم مذابته بس مجرد تغسل ملابسي وهاي وابوي وعمي كالو لازم تصير زوجتك رفضت اكثر من مره لان تعرض عيون ياسين واصر علي مره الاخ اني استسلمن لعيونهم هم لان اترجوني وما كدرت ارفضهم وام اسو ومنسه هم كالولها ودخلت عليها وتزوجتها وخلصت الحمد لله علئ خير بالبدايه اني اترددت وهي هم ترددت اما عن يوسف خطب هاي البنيه الي يحبها وعن قريب يتزوج وفرحان كلش واني بين فتره وفتره اروح لل نجف طبعا اسو مكملت دراستها اخر مرحه وكعدت كرست حياتها بس للجهال شوي تغيرنه يعني للافضل العلاقه بيناتنه والحمد لله حياتنه جاي تمشي والله المسهل

الخاتمه

اتمنئ عجبتكم القصه ونالت مبتغاكم العبره من القصه الدنيا دنيئه ومتاخذ بس الاشخاص الزينين والخيرين وورئ كل ضلام نور ساطع ويفرجه الله عليك حين يشاء دون حساب.