بين الحب💖 ونصيب

البارت ثلاثه وثلاثون

يندار كل العمر حبك فلايندار 😍
بعيوني شوگك حلم وبقلبي ألك تذكار 💘
انت الأهل والربع انت الاهل والدار 😘
ساعات حبك ثلج ساعات حبك نار ☔🔥
حبك سوالف طفل حبك بحر وأسرار 🌊
حتئ عذابك حلو لوتدري بيه شصار♨

رزان:

جنت صافنه وافكر واجاني اتصال من شيماء رديت عليها
شيماء:رزان فدوه خالد ضرب ايده بلجام مال باب وطلع ينزف ماانعرف بيه وين راح 😭
رزان:لج صدك 😱لعد مخابرتو عليه
شيماء:خابرناه وميرد فدوه انتي خابريه بلكي يرد ورجعيلي خبر 😔
رزان:صار هسه 😮
سديته منها واني ارجف دخيلك ربي شصاير وياه احفظه دكيت عليه واني خايفه ودموعي يجرن ع خدي جاوب بلهفه
خالد:اوووف شكد اشتاقيت الكي جهازي يرن باسمج
رزان:شلونك ليش اهلك خبصوا الدنيا متبطل طيشك انته ارحمهم وارحم نفسك 😭
خالد:اهوب هوب شبيج شنو هلحجي 😱
رزان:هدئت وحجيت "ايدك شلونها 😔
خالد:ايدي شبيها 😆😮
رزان:شنووو شبيها
خالد:ي والله شبيها
رزان:خابرتني اختك تكلي الحكي ع خالد ايده ضربها بلباب شنو سالفه 😒
خالد:😂😂خرب بابليسج شوشه عمي هذا فلم من عدها
رزان:صدك تحجي  😑واني گلبي صار طبل من خوف--- وسكتت مكملت حسيت عله نفسي باخر لحضه
خالد:😄يهنيالي بحبج والله هيج تخافين عليه
رزان:يله باي 😳بارتباك
خالد:فديت خجول والله 😂😍
رزان:باي سديته قبل لايحجي
ل

زمت جهاز وگلبي يدگ يدگ كمت احضن بيه خرقني شعور جدا حلو الي حسيته من زمان هسه دااحس بيه  اوووف خالد جكد احبك مشيت يم اهلي كاعدين بلحديقه جان بوقتها صيف حاره حجت ماما
زينب:اكلك ابوامير  متخلينه روح  لكربله
سامي:ببكيفكم كلو لبيت امير وخلينه نروح
طبعا خلي احجيلكم ع هجو بهل الاشهر طلعوا بيت وحدهم بعيد عنا بس مو هواي وحاليا هاجر حامل بشهر5واخذت سونار هم طلعت بنوته وراح يصير بنوتين عد امير  وفرحانين بيهم واخويه حسن هم ابنيه وحدوري مرته حامل ميدو
نرجع
زينب:ي ميخالف هسه اخابره
البنات ايدن بابا وفرحن اني هم فرحت بهل روحه كلش لان كربلاء جنه ع ارض كلش ارتاح من اروح هناك وفعلا خابرت ماما امير وراح يروحون ويانه لليل ذكرت مقلب شيماء ودگيت عليها رن رن
شيماء:😂 هلو
رزان:ومرض وسم ووجع
شيماء:مااحبه وخلي يعوفني متقبله بحياتي"تعيب عليه"
رزان:انجبي حقيره
شيماء:رزان انطي لنفسج فرصه ثانيا
رزان:احبه والله بس مااكدر ارتبط بيه
شيماء:رزان عليج العباس انتي متتمني بحياتج
رزان:_____😑
شيماء:شو سكتي جاوبني حلفتج
رزان:ي اتمنه يوم قبل باجر بس روحي متتقبل قلبي يريده بس عقلي رافض الفكره شنو ذنبه ياخذ وحده مطلگه
شيماء:اهووو والله خبصتني بس كون الزمج اله اطلع قذى ومضى منج زهگتني تراج لاول وحده ولااخر وحده تتطلگ شوفي ولج خاف عبالج اخوي مخليج ع راحتج والنبي والله شاهد انعنعج تنعنع القاضي راضي انتي شعليج هو راضي بيج صارلج 6اشهر مطلگه مو كافي مخليج ع راحتج هو اخوي فاهي لو منه اسلگج مره ونعل اشيب الي خلف مثلج مررمرتني
رزان:😂😂خرب شبيج حميتي ولج اكلتني حاصل فاصل عمي وكون ازهر ياخذ عليج مره مو خالد
شيماء:دور تغار البومه 🦉
رزان:هههه هو اجاكم لو بعده طالع
شيماء:وانتي شدخلج
رزان:هاي شبيج مكروها جاوبي
شيماء:عندج رقمه واسئلي عليه ولج رزان والله خطيه هلولد مو لان اخويه وعلي ضيعنا ضحكته من سنين بس هسه يجي يروح يضحك اخيتج تممي عليه فرحته لاتكسريه يجوز بيها صالح من عفتي زياد مدري صخام علمود يجمعكم رزان لو دورين الدنيا كلها متلكين حب مثل حبه الج خليها بالج
رزان:اووف شوشه انشالله افكر بس باجر من اروح لكربله راح ادعي كون اتقبل خالد بحياتي من جديد حته لااخسر حبه لان اموت اذا قلت محبته اليه وخاصه بهذا وضعي  😔
شيماء:شوكت ترحون
رزان:وره الؤظهر علمود نبقه لليل
شيماء:اهاا الله كريم ادعيلنا وياج
رزان:انشالله تصبحين ع خير قلبي
شيماء:وانتي بخير عمري
سديته منها واني افكر بكلامه صدك اذا اني احبه وهو يحبني واذا مطلگه شخص ماانسعدت وياه تركته وهو متقبلني مثل مااني مالكيت نفسي اله واني اتصل عليه رن بسرعه سديته يمكن استحيت منه لان اول مره اتصل من شوقي وحناني لكلامه وره دقايق دك عليه بنات نايمات يمي استحيت ماارد فكلت راح احجي وياه كانه هو ساره رديت
رزان:هلو ساره 😳
خالد:هلا بيج يروحي قلقتني عندج شي
رزان:😳اسفه بس جهازي عند بنت اخوي ودكت اعذريني 😒'_∞ضجت من تصرفه لان يحجي برود√
خالد:لاعادي مصار شي -----
رزان:بقه ساكت واني هم ساكته بس انفاسنه جانت تدل ع شوگنه والصمت جان سيد الموقف
خالد:----------
رزان:موجود 'برجفه بكلامها~
خالد:اوووووف سكتي خلي اشبع من نفسج احس هو يحجي لان لسانج مو مثل احساسج
رزان:شنو قصدك😮
خالد:احبج
رزان:من كالها لا اراديا~اموت عليك~
خالد:شنو شكلتي
رزان:فزيت من صوته عبالي گلت شي غلط ¡مااعرف والله مو بقصدي واصلن محسيت شگلت بس غير اموت عليك اعذرني 😳😔
خالد:شنو شنو عيدي ولج احجي
رزان:بعدين طخت عندي سالفه وحسيت شكد فرح وبلحضتها انطيت وعد لنفسي مااراح ازعله ابد ------
خالد:احجي
رزان:خالدد (بصوت ناصي لايسمعون)
خالد:قلبه وروحه
رزان:احبك 😭 ونزلت دموعي لااراديا
خالد:اشش سكتي مااريد هلدموع حبابه اذا تحبني
رزان:سامحني حباب طول هلسنين اعذبك بس الله شاهد مايوم نسيتك بس جان رضه ربي اهم من كلشي عندي اعشقك خالد اجه الوكت الي اكون بمملكتك وتصير انته ممتلكاتي الخاصه عمري مااجتني رجفة الشوق هاي وياه ----——قاطعني
خالد:اش لاجبين طاريه اني وياج وبس خل نفكر بحبنا ومستقبلنا انسي انه جنتي مزوجه ارجعي ذيج طفله الي منتظرها سنين احجزيها اليه لاتخلين واحد يمسها غيري مروتج طول هلسنين واني متحمل غلطتي واجبارج ع زواج انسي خلي بس خالد بقلبج وحياتج
رزان:احبك والله احبك
خالد:اوووف لوتحجيها للصبح مااملها اريد تنيميني
رزان:مااكدر والله اخواتي نايمات
خالد:اسكتي واني احجي
رزان:اوكي
خالد:احبج يامن ملكتي قلبي وروحي الله اكبر 🎁هديه انطاها ربي الي هو انتي اعشقج يعمري
نمت ومحسيت بعد ع شي كعدت صبح ذكرته طفرت للجهازي شفته يصيح
خالد:صباح الخير لهسه مكعدتي
رزان:😮باوعت للساعه شفتها10 صبح "يااا صدك تحجي لهسه منايم"
خالد:شلي بنوم بعد وحبيبي يمي واسمع انفاسه
رزان:اسفه موقصدي بس مگدرت اقاوم نعاس
خالد:لااتعتذرين يقلبي اصلن اني هم نمت ع جهاز وكعدت9/56شفت نفس يروح ويجي عرفتج نايمه
رزان:يعني اشخر
خالد:يعني شايفه ملاك يشخر
رزان:اهاا لحمدلله يله حبي كوم اتريك واني هم راح اتريك واذا عندي مجال ارجعلك
خالد:اوكي قلبي اخذي راحتج
سديته واني فرحانه صدك رجعت ذيج الطفله الي منتظرها رحت غسلت وفرشت اسناني وسويت ريوك وغسلت ماعيني وعزلت البيت ونظفته مره ثانيه رحت لكنتوري  غسلت ملابس نظيفه بس من كد نشاط مااعرف هيج الحب انولد من جديد سبحانك ربي اجه وقت تحضيرنا للكربله رحت بدلت لبست بنطرون رصاصي وبدي زيتوني بيه ورد ناعم رصاصي ولبست حجاب زيتوني وجنطه وساعه وشوز زيتوني عدلت وجهي بميكب خفيف ولبست عباه ع راس لان رايحين للزياره صعدنا سياره وانطلقنا لل5العصر وصلنا  نزلنا واحنا جبنا اكل من البيت لان بابا وماما وامير ميحبون الاكل المطاعم المهم وصلنا شفنا مكان بين حرمين وكعدنا بيه ورحنه مجموعه تروح تزور ومجموعه تبقه راحت هاجر ومياده ورغد وام هاجر هم زارن واني وماما ومرت حسن ورفل يم الغراض وره شويه بعيد عنا مسافه امتار كعدوا يمنا عائله  بس تفاجاءت من شفت 😱😱😱😱

خالد:
من خابرتني رزان فرحت كلش وشفت فلم شيماء رجعت للبيت واني فرحان وتلكتني شيماء للباب
شيماء:ورق "قصدها فلوس"
خالد:😂جنج ع فلوس
شيماء:ههه ضحكتك هيه فلوسي
سحبتها لحضني وبست راسها اخواتي حيل احبهن الله يخليهن اليه عفتها مشيت دخلت لغرفتي افكر شلون اقنع رزان تبقه وياي ونرجع حبنا نمت تقريبا للمغرب كعدت صليت وصاحوني ع عشه حجه الوالد
نوري:ياا يخالد اشوفك تضحك هلايام
عرفت امي حاجيتله ضحكت ودنكت
نوري:الله يتمم فرحك يوليدي
كمت بوست راسه ورحت لغرفتي الكل لاحظ فرحتي وانشالله لدوم  واشوفها منوره بيتها
وره 3ساعات تقريبا ساعه11/30اشتهيت چاي رحت فتحت الغلايه وسويت چاي واخذته لغرفتي فتحت موبايلي لكيت مكالمه لبنت قلبي قلقت حيل يربي شبيها هاي اتصلت عليها وحجيت برود بس حسيتها ضاجت بعدين سكتنه اوووف شعور مينوصف اتمنه تتلتقي عيونه بهل انفاس الي تصعد وتنزل  انفاسنا بدت تحجي الي مكدرنا نحجيه اووف من گالتلي اموت عليك حسيت دنيا ملكتها كلها معقوله ربي حققتلي امنيتي شعور جياش اخترقني اتوقعت اني بحلم وكمت اكرص بروحي بس الفرحه جانت حقيقيه والي تحجي وياي رزنه بنت قلبي يعني وردتي سگيتها رجعت فتحت من جديد اليه وبس الله يتممها علينا تعتبنا شويه وسديت الموضوع مااريد ينذكر الماضي لازم ننساه حته ميخرب المستقبل وره شويه حسيتها نعست وستأذنت مني بس اني اصريت تبقه يمي وتنام بس اريد اسمع  نفس مالها لان ممصدك رجعتلي الله يديمها الي ويفرحنا لبعض اووف بقيت لل3 صبح فرحان بس اسمع نفس يروح ويرجع نمت وعفت الخط مفتوح كعدت ساعه9/56لكيت الخط مفتوح ضحكت لان عبالي حلم صحت الو الو مااكو بس نفس يروح ويرجع لحد مكعدت اميرتي -------------------يتبع

ساره:
من طلب زواج مني تفاجاءت سديت نت مسحت ماسنجر وفيس وياه ارتبكت حيل ماا اريد ازوج بس هو عقيم واني هم يعني نفس شي مازن بطل يجي لاولاده بس ايمان تجي وتروح جهالي كبروا بدو يزحفون وطلع لهم اسنان اثنين جوه واني فرحانه بيهم ضليت افكر بعامر يمكن لان انخذلت من شخص حبيته وحباني ومااوفه وياي يمكن اريد ارجع لساره القديمه الي تحب الحياه وعامر هو الي يرجعني لان يحبني وراح يكون اب لجهالي بعدين ضربت راسي شبيج عوبه انسي الزواج وطيحان الحظ لحد مااجتني رساله ع خط

"العرض ساري للموت فكري زين تحياتي عامر احبج"
😨😱😱😱😱

»الى هنا انتهئ البارت اتمنئ يعجبكم راح تنولد قصه حب من جديد بس الله يعلم شنو نهايتها ومن بعد الله اني طبعا 😂تحياتي لكم ياطبين هذا البارت لكم لحتئ تعرفون انه اذا فارغه انشر يومي واذا عندي ضرف بين يوم ويوم احبكم وارجع اقدم شكري للكل الي داا يدعموني والي جاي تشاهدون بطريقكم ⭐»
تّحٌيآتي لگمـಿـ
آلگآتبـಿـهہ
¶آنفـಿـآسـಿـ طـಿـيبـಿـهہ¶
دمـಿـتمـಿـ بـಿـخـಿـير