كيف هجرتني (نهوة غضب) مكتمله

الحلقه السابعه

اماني : متت من كال مبروك ضليت ابجي واكول ليش ليش هيج يربي يوميه بليل احجي وي احمد بس نص ساعه خاف يجي غضب وهمه ملتهين يجهزون عرس كلشي جابو غرفه ونيشان واني بس اباوع كلشي جهز واباوع هيج بساع واليش هيج يربي واحرك بكلبي وابجي بيوم كاعده فات و كال

غضب : حضري روحج نعقد محكمه كلشي جهزت يله بساع

اماني : كمت ابجي

غضب : يله ميفيد بجي يله لج

اماني : كمت بدلت قميص وبنطرون همه جايبين كلشي وحته ملابسي يم اهلي جايبيهن وكلشي جاهز بدلت ولفيت شال صح اني مامتحجبه بس مالي واهس شي وطلعت وشفت بابا واخويه نزلن دموعي وصلنه محكمه الكاضميه شفت الكبه مال الامام نزلن دموعي هوا اجه يمي كض ايدي وهوة لابس زي عسكري لان بس نكمل محكمه ويروح لدوام ياخذ اجازة اخذلي عبايه مال صلاء لبستهه وكال فوتي زوري وطلعي بساع هنا متنانيج اباوع عله بابا عبالك ولايعرفني هوا اخويه معصبين كلش
طبيت اول شي للحمامات توضيت وطلعت طبيت الامام وكمت اصرخ وابجي حيل ودموعي يحركني حرك حته ناس ضلت تباوعلي وسولي مجال وحدي يم الامام واسمع يكولن خطيه بعدهه صغيره وبقيت ابجي وخلصت كعدت اصلي ورجعت زرت وطلعت شفت غضب واكف ومجتف ايده وبابا واسد يمه اجه عليه ذبيت عبايه وخليهه بعلاكه اشر براسه انو يله بس مادري شبي بس يباوع احسه خايف عليه من شي

وصلو اصدقائه ثنين كبار شهود مادري شنو واجه عمي هم وتم العقد وصرت مرته اسمن وقانونه

وصلنه للبيت وراح باركولي شفت ماما ركضت عليهه حضنتهه وابجي

ام اماني : اش يرروحي كافي قبلي بقسمتج يايمه ابن عمج ويحبج وراح يسعدج والله بس انسي لي صار فدوا يمه كافي

اماني : هههه ياحب يمه السعاده كليلي يمه اني صرت باسم واحد وحش كافي راح اموت من تفكير والله (ممممم ذكرتيني بالحسناء والوحش)

صعدت ابجي ودك والطم واصرخ و فاطمه يمي ودكول شبيدي عليج يومين بعد للحنه بهل يومين ماحجيت وي احمد ماكدر و فاطمه كالت هوا مريض و البارحه اخو حجه وياي وكال مياكل وضغطه هابط بالمستشفى هنا كمت ادك عله وجهي من حركت كلبي ويوم ثاني اخذتني عمتي لصالون وسوتلي شيره جسمي كله وتنظيف بشره وكذا ماقبلت تصبغ شعري ولاتقصه حفتلي وجهي وحاجبي وخلتلي تنظيف بشره وبخاخ باوعت عله نفسي تغيرت كلش وصايره حمره أم صالون كامت صلي علي محمد واني بس ساكته شدكول اكلهه اي عمتي كالت ختاري بدله حنه وعرس كتلهه مالي خلك راسي يوجعني اختاري انتي ختارت هيه وحجزتهن ختارت للحنه لون وردي كلش حلوة ومال عرس هم حلوة اباوع عليهه واكول لو عرسي اني و احمد وجاي اختار ونزلن دموعي 💔💔😔

خلصنه ورجعت شفت غضب بقه يباوع كال يله نروح بيت اهلج حجيت وي ابوج كتله اماني تطلع من بيت اهلهه هنا مادري ليش فرحت طلعنه لبيت اهلي ونزلت ركض وشفت بابا واهلي كلهم وخلاتي جايات وخطار يمنه سلمت وكعدت وكلهه دكول طالعه حلوة