منقولة
#اشواك_ناعمة
#حلقة_48
ندي( تبكي و ترعش).. نبي أنروح انا سيبني أنروح
ايمن (متنرفز ).. مش ح تروحي الأ و فاتحة نقالك وعطيتهالي نصفصفه تصفصيف هيا افتحي نم
ندي( جتني قوة و دفيته ).. تبي تعرف شن فيه قبل كل شيء ح أنكلم رقم قدامك هذا قبل كل شيء بيش تتأكد انه انا و استاذ خالد مافي شيء بيناتنا يا موسوس ،، شوف من يتكلم علي خيانة
ايمن ( مصدوم في ردة فعل ندي ومستغرب كلمتها علي خيانة و شدهله ايديه )
ندي (فكت يديها من ايمن بكل قوة) .. نحي مش تبي تعرف شن فيه نقالي وعلاش داسته عليك هذا رقم غريب يلي بتهبل منه وخديت ضربتله و قعد اينادي رقم
أيمن نقالها يشرين
ندي ..هذا رقمك طلع رقمك أنت يعني لم ضربتلي صبح و انا كنت في حمام وطلعت معاك ما شبحتش مكالمات و انت بعد شبجت خالد في مقهي وشبحت لهفتي علي نقالي تحسابني عطيته موعد وبيناتنا شيء تي انت اصلا تتحشم تتكلم علي علاقات وخيانة
أيمن(متنرفز بصوت عالي) .. نقصي صوتك وأتكلمي باهي معايا
ندي(بصوت عالي) .. مش منقصته صوتي أصلا انت تبي واحدة مش زي انا انت تبي مراة لسانها طويل وحرفة بيش أتلايمك ما تبيش واحدة زي انا ساكتة و هادية وطيبة مزال فيك عين انت تتكلم علي خيانة يا خائن مش انا يلي نخون ولاتحسابني ماشيه جامعة وراجعة قرايتي علي خاطر أستاذي ولا خاطر وجوه مستاحشتهم علي قولتك يا موسوس،، لالا يا ايمن هذاك أنت مش انا أنت تمشي مقاهي ودير في مواعيد مع حبيبتك اوله يلي باعتك علي خاطر فلوس و خديت نقالي وفتحته وخشيت علي الاستوديو الصورو فتحت صورة ايمن وهديل
ايمن (فك نقال و يتفرج ويدقق هو مصدوم) ..شن هذا و كيف صار
ندي (تبكي بشهقة).. هههه و معاها تسأل شن هذا هذا حضرتك انت وحبيبت القلب ولا بالك تحسابني راقدة علي وذاني لم اتكلم فيها وتطلع من جنبي وانت كنت راقد معايا ومعاشرني و تطلع وأتكلم في حبيبتك و اتقوللها انحبك ونموت فيك وانت قبلها اتمثل عليا في حبك وتضحك عليا بيش تأخذ حاجتك وتشبع غريزتك وشهوتك،، عارف علاش انا فضلت قرايتي عليك بيش نحرقك ونقهرك بالك تحسابه رجالة شيطنيني ولا نبي نطلق بيش أنحب علي راحتي ونتزوج لا ره انا ما طلبتش طلاق علي خاطر قرايتي انا طلبت طلاق بيش ما توجعنيش و تجرحني لم انواجهك وأتفضلها عليا فيش خير مني هيا أتكلم علاش ساكت أتكلم (وكنت أنخبط علي صدره ونشد في لحيته ونقرص في خدوده من غل ونار يلي في قلبي) أتكلم علاش ساكت اتحبها ولا مش قادر تنساها علاش من الأول قبلت تتزوجني علاش مثلت عليا حبك وعيشتني في وهم وسراب علاش خليتني نحمل منك بثاني باه الأول جي بلغطة وهذا يلي في بطني شن دنبه و حمودي وعيل يلي بيجي يعيشو هكي متشردين عرفت علاش نبيش نعطيك نقالي ما سألتش روحك علاش ندي تغيرت عليك ما قدرتش تسأل نفسك لأنك اناني وتعودت عليا هذيكة ندي برئية خوافه يلي يلتحس بعقلها بكلمتين فعلا لتوا مضحوك عليا و قاعدة مخليتك واخد راحتك معايا لعند أمس شوف رقبتي
