منقولة
#أشواك_ناعمة
#حلقة_52
هناء (ساكتة ومترددة وأتفكر في كلام أيمن )..!!!!
أيمن .. كلامي مش مستحق تفكير يا هناء و يلي دويتهالك كله كلام حق هيا انا انراجي في ردك
هناء ..باهي هو قالك قوللها واقنعها و هل فعلا حسيت بجد انه يبيني و مزال أيحبني
ايمن.. ههههه تي و انتي أتعززي في روحك تبيه وأتحبيه ما تبيش تعترفي بلا تزعبين يا عمتي هيا أنكلمه ونفرحه
هناء .. ههههه ره نص دوام مش بعد أنرد يحرمني منه عملي نص دوام
ايمن .. خلاص يعني أنكلم وانفرح راجل
هناء (بفرحة ).. والله حتي انا انحبه و مزال مش متخيلة فكرة يزوج بواحدة تانية و يجيبها أصغاري هههه
أيمن .. علاش معززة أرويحتك عليه مدام تبو بعضكم و امخيرك من زمان علي نص دوام بس أنتي عندك في عناد
هناء .. أسمع لم أتكلمه أفتح المايك خلي نسمعه
ايمن (بغمزة).. علي أساس ما تبيشي هههه و معاش يهمك درتي نفس ندي كرهتك و أطلع من حياتي و هيا مش قادرة أتعيش بلايا ههه،،،، هيا خلي أنكلم راجل أنفرحوه وتفرحي حناي و جدي ياسر عاد من تشحطيط صغار
(كلم أيمن حمزة ،،، وحمزة قريب طار من فرحة وقعد يشكر في ايمن هلبا ويتمن عليه ،،، وطلع أيمن خبر العيلة وكلهم فرحو ويباركولها با الأخص جدي قريب طار بخبر وفرح هلبا بيتهنا عليها خلاص)
خديجة .. ماشالله ربي يدوم علينا الأخبار سمحة يااارب
أميرة .. والله فرحتلك يا هنيوة طيب فيك بعد 3 سنوات واخيرا
حناي (من فرحة بدت اتزغرط).. تزغرط وتطبط فيها
ندي .. وأخيرا يا اخويله يعني بنحصلو عرس تاني
ايمن .. تحصلي وذنك و انتي عاجبك قعاد أهنايا في حوش جدك هههه
ندي.. شكلي تعودت عليه يا أيمن هههههههههه
ماما .. والله أحلا خبر نسمعه الله بنستاحشكم انتي وصغارك
زبيدة.. ياسرها يا جميلة من قعاد اهنايا خلي نستاحشوها
حناي .. شن تسكن بعيدة هيا توا أتجينا أمتي ما نستحشوها
هناء (تبكي من فرحة) .. الله أيبارك فيكم كلكم
////////////////////////////////
أيمن .. هيا ندي نوضي بنروحو
ندي .. مش متعشين أهنايا
أيمن .. لالا نتعشو في حوشنا هيا سقدي روحك
ندي .. انا جيعانة يا أيمن خلينا نتعشو وأنروحو
