السلام عليكم. بالبداية راح اعرفكم شوية عن نفسي وعن عائلتي المتكونة من امي وابوية وخواتي البنات (هدئ ونور مروة ) واني الجبيرة بينهن ........................ اسمي سجئ حاليا عمري 21 سنة حنطاوية وعيوني كبار وطويلة ، احلئ خواتي مو غرور بس هاي حقيقة، ابوية استشهد باحداث ٢٠٠٦وبيوم الي جابو. ابوية شهيد جان اصعب يوم تمر بي عائلتنا، حسينا ما النة احد بعد ، امي صار عليها الحمل اكثر، يعني اربعة بنات وبعدهن مثل الورود، امي صارت النا كل الدنيا ، الاب والام والاخ، وابد محستنا بنقص بشيء.
ام سجئ: بعد وفاة ابو سجئ، صار اعتنائي بالبنات وابوهن تركلي البيت و استشهد ،واربع بنات عندي لو ابيع عمري بس اهمشي ،ياخذن شهاداتهن ويكملن دراستهن. عمامهن الله يسلمهم محد جاء ودك الباب وكال شمحتاجات البنات ما محتاجات ، بس خوالهن الله يحفظهم وبذات خالهن(مروان ابو خالد )كلش يحبهن وعبالك ابوهن الثاني. سجئ: مرت الايام وصار عمري 15 سنة وامتحنت ثالث متوسط والحمد لله نجحت وبعطلة الثالث علئ الرابع، عمي خابر امي وكالها الجمعة جايكم احنة ستغربنة لان من وفاة بابا وهمة ما سالوا علينة احد كال انتن شنو وهذا صادف يوم الاربعاء. ام سجى : يبنات عمكم ابو احمد راح يجي يوم الجمعة، سجاوي ماما نضفي انتي وخواتج الاستقبال واني راح اكمل المطبخ تنضيف والغدة. سجئ: حاضر ماما، بس هسة يلا اذكروا انو عدهم بنات، من اخوهم لو جانوا نايمين. ام سجئ: يمة فدوة اروح الطولج، اني اصلا استغربت منة لمن كلي جاي وعلئ الغدة، عاد هذا ضيفنة ولازم نرحب بي خوما نطردة، خووش يمة تعلمي حبيبتي تكرمين الضيف مو تطردي. سجئ : زين يمة علئ راحتج، بس اني ممرتاحة لهاي الجية، احس بيها انة ، اني اروح اكمل شغلي الي طلبتي مني يارويحتي. ام. سجئ: الله يوفقج يمة ويفرح ايامج انشاء الله. سجئ: مر اليوم وصباحيت الخميس الساعة 8:00 امي كعدتني من وكت حتئ هم اكمل شغلي الي بقة وكالت هية راح تروح تكمل المسواك الناقصها مالت الغدة باجر واخذت وياها اختي الصغيرة مروة علمود اساعدها بحمل الاغراض. كمت عزلت وكملت تنضيف كل عادة وخلصنا كل شيء،من التعب نمت واني بدون عشة، ، محسيت غير امي دكعدني. ام سجى :سجاوي، يلا يمة كعدي هسة يجي عمج اريدج اساعديني بالمطبخ. سجئ: ماشي يمة يلا كعدت بس اغسل وجهي واجي اساعدج. ام سجى : ماشي يمة. سجى: رحت غسلت وبعدها رحت بستها الماما وسويت ريكوك الي والخواتي وكمنا هم عزلت البيت وساعدت ماما باوعت علئ الساعة صارت تقريبا 11 ونص. كتلها ماما ريحتي مو طيبة اني طابة اغسل. فرحت كملت غسول ورحت للغرفة مشطت شعري وكويتة وبعدها اندك الباب. ام سجئ: مرووة، ،مروووة، ولج مرووة، تعالي شوفي الباب اخاف عمج اجة، مروة: اي يمة جيت يقابل راح يطيرون اجيت، ام سجئ: ام السان رووحي يلا. افتحي الباب ياهلا ومرحبا بابو احمد هلا هلا عيوني ام احمد شخباوكم. ام احمد: هلا وغلا بيج حبيبتي ام سجاوي والله الحمد لله زينين بس الما يسال علينة احنة نسال علية ام سجئ: ياا شهل حجي ام احمد عيوني ليش هو المفروض منو يسال علئ منو غير احنة اهلكم والمفروض تجون تسالون اشو من وفاة المرحوم ابو سجئ، وماشفناكم. ام احمد: هاا اي والله حقج يوخيتي. بس تعرفين حال الدنيا مشاغل ومتعرفين هذا اليوم شوكت يجي وشوكت يطلع. ام سجئ: اي هنا الحجي مو طلعين بينة الصوج ، بس علئ العموم نوررتونة عيوني البيت بيتكم. ام احمد : تسلمين عيوني ام سجاوي، الة صحيح شفت البنات كلهن الة سجئ، شنو مووجودة. ام سجى : لا اشون مووجودة بس خطية نظفت وتعبت وساعدتني بالمطبخ. بعدها راحت تغسل وهسة تجي يمكن بغرفتها، يمة هدئ صيحي الاختج خلي اسلم علئ عمج وعمتج. هدئ: حاضر يمة.
يتبع ........................ ☺️☺️
أنت تقرأ
الحب يعشق الصدف
Romance"للابدا؟ 💌 -ماذا؟ 💌-ستظل تحبني للابدا؟! - حتئ تحترق النجوم. وحتئ تفني العوالم ...........❣️.............وحتئ تتصادم الكواكب وتذبل الشموس وحتئ ينطفئ القمر ....❣️... حتئ اشيخ فتتآكل ذكرياتي . حتئ يعجز لساني عن لفظ اس...
