مساء الخير 🌸
~~~~~~~
بعد مرور اسبوع(يوم الامتحانات)
كعدت على صوت المنبه الساعه 3ونص كل امتحان جانت أمي تكعدني مو المنبه أول امتحان بدون أمي وابوي وبدون ما يكعدون وياي وشرحولي بس راح انزل أقرأ وي علي
بدلت ملابسي لبست بنطرون جينز اسود وتشيرت نص للركبه ضيق ونزلت دكيت الباب على علي
اجاني صوته وهو نايم :دخلي
دخلت وفتحت الضوء كعدت اراجع بين ما بدل ملابسه وصار يسألني وانا اجاوب حتى اذن اتوضينه وبعدها صلينا سويه مثل كل مره وقرينه قرآن لأهلي لأن رمضان
وكلي انو إذا شفت روحي ما اقدر أكمل صومي😵 أفطر
بعد ما صار الوقت حتى أستعد للامتحان ظليت بملابسي بس لبست عبايه خليجيه عريضة لحد معقول
سلمت على عمتي وعمي وطلعت أركض لأن اتأخرت اشوي
فتحت باب البيت فجأه نزيت😓 وسميت وانا حاطه أيدي على قلبي شفت عباس رافع ايده راد يدك الباب بس انا فتحته قبل لا يدكه وصفن بوجهي
وكلي: اسف رعبتج
وقاطعته لأن مالي مزاج لسوالفه: ادخل علي بغرفته وكملت طريقي ...
دخلت قاعة الامتحان شفت صديقاتي المقربات بنين ورقيه الي ما اكلمهم من فتره حتى ما كلفن نفسهن يسلمن حتى نظراتهن ما أحبها اشكد مشتاق الجن ومشتاقه لاسوالفجن كلت لنفسي: شعليه منهن اكعد أقره دعاء احسن الي ........
علي
شفت عباس مو على طبيعة وما مركز وياي:عباس اشبك اليوم بس تصفن
عباس: لا سلامتك بس اشويه تعبان من الصيام
كليتله وانا ممصدكه: ماشي انت لازم اتكمل مراجعه باجر امتحان
عباس وهو يزفر بضيق😤 :ماشي
ورجعت أقرأ وانا بالي وي شذى
ماكان لازم أتركها وحدها اتروح وهي صايمه
خل اتصير الساعه تسعه ونص واروح اجيبها
كلت لعباس: شنو رايك لمن اتصير التسعه ونص انجيب شذى
رد وفي نبرت صوته فرح😊: اكيد ليش لا
عباس
بعد ما صارت تسعه ونص طبعا جنت كاعد على احر من الجمر :علي يله صار الوقت
علي: هههههه ليش مستعجل
ما جنت اعرف شنو ارد عليه: لا بس ردت اشرد من القرايه تعبت
علي : يله مشينا
وقفنا اباب المركز الامتحاني
علي مو اتأخرت اشويه
علي: لا اختي واعرفها اتنام على الاسئله وتجاوب يالله تكتب وتراجع مئة مره لمن اتخلص
كليتله بتعجب: اشلون دريت
علي: هذي توصيات أمي الله يرحمها
الله يرحمها
علي شوف إجت
شذى : السلام عليكم
رديت انا وعلي: وعليكم السلام ورحمة اللة وبركاته
علي: بشري جاوبتي
شذي: اشعبالك هبله لو غبيه لك الاسئله مو بس حليتها واكلتها
علي وهو رافع حاجبه 😎ويتكتف🙅: ليش على حد علمي انت صايمه اشلون اكلتيها
شذى : لا تحجي زايد انا نعسانه كولش خل انروح
ومشينا ....
أنتم ممصدكين إني ما نطقت ولا حرف
تدرون ليش لأن صافن على شكلها جان أصفر وعيونها اصغيره يمكن باكيه ونايمه وحتى كلامها بتعب اتمني اخفف عن الألم الي شايلته
عمر
كلتلها:صباح الخير
هديل: صباح النور اشلونها معنوياتك لأول يوم امتحان
رديت وانا ابتسم: تمام وانتي
هديل: ماشي حالها
......
نسيت اكللكم بعد ما عرفت هديل عمر يصير ابن خالتها صارت علاقتهم قويه وأصله للحب
مهند(اتخرج من كليه الصيدلة قبل سنتين
وهسه فاتح صيدليه ....)
عامر(صديق مهند المقرب عمره24 وصيدلي ): مهند شنو سالفتك كليتلي أريدك بموضوع وصارلي نص ساعه كاعد وأنت ما هامك رايح ابغير عالم............
رديت عليه بصوت مخنوك😣: عبير انخطبت وأهلها جابريها على ابن عم ابوها وهي مو كادره ترفض .......
التصويت يعمرري ❤️
YOU ARE READING
شذى روحي
Romanceقصه فيها الكثير من قصص الحب بطله القصه شذى عمرها 15 واخوها علي عمره 18 وعباس عمره 18 قصة حب شذى وعباس مشهد من الرواية ❤️ شذى: لزمت أيد عمي وبستها عمي اترجاك ما أريد اتزوج أريد أكمل دراستي ولتفتت لعمي سالم..عمي انت كتلي راح اتكون مثل أبوي وابوي...
