Unicode
လေးနှစ်တာအချိန်ကုန်ဆုံးသွားပြီးနောက် ယုဖုန်းရဲ့စကားသံတွေဟာ ပီသလာခဲ့ပြီး သူ့စာပေအရည်အချင်းနှင့်ပတ်သက်ကာ ဘယ်သူတစ်ဦးတစ်ယောက်မှမဝေဖန်ရဲအောင် သူသက်သေပြနိုင်ခဲ့သည်။
အဖြူအနက်ရှီချန်းကျောင်းဝတ်စုံကိုဆင်မြန်းကာ ကျောက်စိမ်းဆံထိုးအနီရောင်နှင့် အနက်ရောင်ဓားတစ်လက်ကိုကိုင်ဆောင်ထားတတ်သည့် ထိုကလေးငယ်ဟာ အတိုက်အခိုက်ပညာကိုသင်ယူဖို့တော့ အသေအလဲငြင်းဆန်နေဆဲပင်။
ရှီချန်းကျောင်းဝန်းအတွင်း အပင်ကြီးတွေအောက်မှာ ကျောင်းသားတွေဟိုတစ်စုသည်တစ်စုဝိုင်းဖွဲ့နေကြပြီး ထျန်းရိနှင့် ယုဖုန်းလည်း ခပ်ပုပုအပင်ရဲ့ပင်စည်ကိုမှီကာ စာဖတ်နေကြသည်။
"ရိရိ..."
"အင်း......"
"ယုအာပျင်းတယ်....."
ထျန်းရိ ဖတ်နေသည့် စာအုပ်ကို ယုဖုန်းကယူပိတ်လိုက်သည်။
"ဘာလုပ်ချင်လို့လဲ....."
"ရေတံခွန်သွားရအောင်လေ....."
"ဟိုတစ်နေ့ကမှသွားထားတာမဟုတ်ဘူးလား...."
"သွားထားလည်း ယုအာထပ်သွားချင်တယ်လေ......
နော်.... ရိရိ....သွားရအောင်ပါ....."
"ရေအကြာကြီးမဆော့ရဘူးနော်......"
"ဟုတ်!
သွားကြမယ်ကွ..."
နှစ်ယောက်သားကျောင်းအပြင်ထွက်လိုက်သည်နှင့် ဘင်းဝမ်အပါအဝင်တခြားကိုယ်ရံတော်လေးယောက်ပါ အနားရောက်လာသည်။
"ရေသွားကူးကြမယ် ဝမ်ဝမ်!"
သခင်လေးမုထျန်းရိနဲ့ လက်ချင်းတွဲပြီး ရှေ့ကနေအမြန်ထွက်သွားသည့် မင်းသားလေးနောက်သူတို့ငါးယောက်လည်းအမြန်လိုက်ရသည်။
"ဝူ ဟူး!!!"
အဝတ်တွေအကုန်ချွတ်ပြီး ဆံထိုးကိုဖြုတ်ကာ ရေထဲခုန်ချသွားသည့်ယုအာက ငါးနှစ်သားလေးတုန်းကလို ရေထဲပလုံမသွားဘဲ ရေပေါ်မှာသာဖားကူးကူးနေသည်။
သူတို့ပဲသိသည့်နေရာမို့ သူစိမ်းတွေမလာကြရာ ဘင်းဝမ်တို့လည်းအဝတ်တွေချွတ်ပြီး ခုန်ဆင်းသည်။
YOU ARE READING
Black Eyes
FantasyHe has black eyes. If you're enchanted his eyes, you'll be surely cursed . ⚪⚫⚪⚫⚪⚫⚪⚫⚪⚫⚪⚫⚪⚫⚪ (AN: This story is a fantasy type and also contains supernatural themes)
