هلا وللة شونكم للشخاص الي جاي يقرون اجه البارت الثاني وبهاذا البارت راح تتعرفون ع شخصيات جديدة ..... خليكم ويا البطله تكمل
#########################
شهد.. جان امد ايدي اريد اطلع الخبزة وحتركت ايدي وصرخت اجه وليد من برة يركض
وليد...خير شبيج
شهد.... ايدي ايدي احتركت ((بجي))
وليد... راويني ((وتقرب حتى يشوفها))
شهد.... تأذيني ع كيفك وليد حباب
وليد... امشيلي اوديج للمستشفى صديقي بلباب وسيارته موجودة
شهد... صاح الاخته ودق جابت العبايه والشال وجيب منا وتودي منا لحد مالبستني خذاني وليد وطلعنا وجان اشوف نفس الشخص الي شفته يباوعلي من الباب استحيت ودنكت راسي اجه لوليد كال
بشير... خير خويه خو ماكو شي
وليد...لا بس اختي احتركت وخلي ناخذها نوديها للمستشفى
بشير... امشينه خويه
شهد... فتح وليد الباب الورا وصعدت وصعد كدام ودوني للمستشفى وليد وصديقه وصلنا واني ابجي من الوجع البيه دخلنا للدكتور كال
الدكتور... لازم نضف الحرك لايلتهب
شهد..لا دكتور وللة اتأذه
الدكتور... ميصير بابا اذا مانضفنا راح يلتهب ويأذيج اكثر
شهد.... خذوني ونضفوا الحرك واني بس ابجي واصرخ ولفوا وكملوا وطلعنا من المستشفئ وصديق وليد واكف ينتضر رحت صعدت بسيارة وليد كال لصديقه
وليد... خويه راح اجيب العلاج مالتها وارجع ولو تعبتك وياي
بشير....لا خويه شنو هلحجي روح بسرعه وتعال((فدوة للطيب😅😅))
شهد.. راح وليد واني ضليت مدنكه لا احجي ولا ابجي استحي من الولد رفعت راسي اريد اشوف وليد اجه جان اشوف الولد يباوع من الجامه بسرعه دنكت راسي
بشير..... الحمدللة ع سلامتج مابيج غير العافيه
شهد... مارجعت علي وضليت مدنكه راسي اجه وليد كال
وليد... هاا شلون صرتي ماخف الوجع
شهد... استحيت ارجع علي فقط هزيت راسي بمعنى ((اي))
وليد.. يالله اامشينه خويه
شهد.... رجعنا وليد اشكر من صديقه ويا دخلتنه اجت مرت خالي تصيح
مرت خالها... شهودة الحمدللة ع سلامتج خو مابيج شي ((بصوت كله طيبه))
شهد.. تعجبت مرت هالي هيج تحجي جان اسمع صوت خالي وراي
خالها.... خير بويه خو مابيج شي
شهد....لا مابيه بس حتركت
خالها... اسمعيني يامرة((يوجه الكلام المرته))بعد شهد ماتخبز ولو اظطريت اجيب خبز من برة ولا شهد تخبز
مرت خالها... شبيك ابو محمد شسالفه حرك صغير ويشفه ماكو داعي لهل قوانه((بطولت السان))
خالها..... اني حجيت وكلامي ما اعيدة شهد بعد ماتخبز
شهد... عدة الايام وجرحي احسن من الاول وليد خطيه جابلي عصارة علمود ميبقا اثر بيدي ومرت خالي كل مايطلع خالي شد وياي واني اسكت لأن تعودت ع هلشي وين اروح اذا طولت الساني لعمامي الي ماسألو بيه من جان عمري((10سنوات)) لهسة محد سأل هاذا نصيبي بلدنيا لحد ماأجا اليوم الي ماجنت متوقعته اتصل صديق وليد وكال بليل جايلكم وليد سأله جاي وحدك كله لا اني وامي وابوي جايكم كله هلا بيكم مال وليد
وليد... شهودة ماوصيج صديقي جاي هوا واهله النه رتبينه كيك فد شغله
شهد...تدلل كمت سويت كيكه قطع وحضرته وحضرت العصير بلمجمدة وسمعت مرت خالي تحاجي مرت محمد سحر وبته ودق
مرت خالها.... ولج سحر ((مرت محمد ابنهم الجبير للتوضيح)) كومي بدلي تمكيجي راح تجي الناس وحضري روحج ودق كومي حضري روحج هاذا محامي وامه جايه ويا جوز يردون يخطبونج
ودق...ماما يا خطوبه يا زواج اني وين والزواج وين اريد اكمل دراستي
مرت خالها... مثل ماكتلج هوة ماطول هزة وامه جاين يخطبونج
شهد.... فريت ايدي وكلت يمكن هيج جاين اجو بليل ومرت خالي كاعدة هيه وام صديق وليد ومرت ابنهم هم جايه ويا المرة وكاضه المرة وحبيتي وحياتي وصاحت الودق وسحر وكعدن يمها اني انطيت لوليد العصير والكيك ودا للديوان واني وديت الكيك الهم ولسمع مرت خالي تكلها
مرت خالها.... هاذا الكيك شغل ودق بنيتي
شهد.... ضليت اباوووعع عليه شتحجي والمرة تباوع عليه تعجبت هية ومرت ابنهم استحيت اضل كاعدة وكمت للمطبخ شوي وراحو اجه خالي وليد وكعدو بلصاله كال خالي
خالها.... تدرين عليمن جايين
مرت خالها.... هاا جايين ع ودق هنيالها تاخذلها محامي و.......
خالها.....((قاطعها وكال)))ووكال......؟؟؟؟؟
®®®®®®®®®®®®®®®®®®®®®®®®®®®®®®®®®®®®
انتهى بارت اليوم البارت الثاني وانشالله يعجبكم واذا عجبتكم صوتوا ونشرو قصتي الاصدقائكم حتى يتفاعلوت وانزل بارت الثالث وهلمرة البارت طوووووووووييييبل مو قصير صار ((600كلمه)) انشالله تعجبكم
تحياتي الكم 😊😊😊😊😊😊😊😊😊😊💞💞💞💞💞💞💞💞💞💞💞
انتضروني بلجاي 😊😊
