بنات الجامعه

( ٧ )

فهد بسخريه : واضح انك تقدرين  وشالها ومشي وهي مااعترضت لأنها منجد كانت تعبانه

عند سعود وندى

سعود: يقول فهد إن روان معه

ندى تنهدت براحه: الحمد لله ذي البنت بس تضيع لم نخرج

سعود ابتسم

ندى انتبة انها تكلمت بصوت عالي وانحرجت

ولم انتبة على فهد شافت روان بحضنه وهو شايلها وجرت بسرعه

ندى: روان ....روان ..وناظرت فهد وقالت وش فيها روان

فهد: سالفه طويله بس هي لازم ترتاح

ندى: أكيد إنت مسويلها شي

فهد ناظر ندى باستحقار وقال: بدال ماتفتري علي تعالي ساعديها ونزلها بهدوء ولم وقفت على الارض ماقدرت وتكت على فهد

سعود: سلامات وش فيها وناظره وقال: وانت وش فيه وجهك كان خارج من هواش

فهد: والله وانا اوخك ضاعت لم كانت معي ولم لقيتها كانو شلة شباب محاصرينها ودخلت معهم في مضاربه

ندى شهقت: حبيبتي روان واخذتها من حضن فهد

سعود: وإنت تاذيت

فهد: لاماعليك بسيطه

ندى ناظرت روان وقالت : روان وين جوالك ابي اتصل على البنات عشان نمشي روان طلعت تلفونها واول مافتحته طفا

روان بتعب : والله توه طفا

ندى: اففف الحين أنا بعد جوالي طافي وناظرت سعود وفهد وقالت: ممكن احد يعطينا جواله

فهد خرج جواله وقال: تفضلي

اخذت ندى جواله وأتصلت على هدى وقالت: هدى وينكم ......اها ...طيب انا وروان جاين طيب باي وسكرت مدت الجوال لفهد وقالت : مشكور وناظرت روان وقالت يلا وهم ماشين

روان : شوي شوي ندى  يدي

فهد :  بالراحه على يدها

اروى وروان وسعود ناظروه  باستغراب

اروى : إنت وش دخلك يدها ولا يدك

فهد قال يبي يرقع: لا أقصد هي الي قالت إنك بتوجعينها

اروى : أشتكتلك  قالت لك ساعدني

فهد: لا

اروى: اجل انطم  ملقوف ومشت

سعود: هههههههه يقال إنك ترقع ها ياخي عميت امها وش دخلك بيد البنت انت

فهد: والله زلت لسان ماقصدت شي  بس مدري وش فيها عصبت

سعود:  علي أنا

فهد: ياخي إنت كل شي تعرفه

سعود: أنا أعرف كل شي من وجهك ياخي حافظك