#بصمة_عار
مقتبسة من قصة حقيقية💯✔
الحلقه الاولة
16/9/2018
مانبيش نذكر اسم المنطقه بزبط او اساس القصة
بيلسان: تستمري على العلاج بس
مريضة: تمام..باهي والماكله
بيلسان: سوائل لين يخف الجرح مع المرهم
مريضة: تسلمي
بيلسان ابتسمة: ولو واجبي
ممرضة: ندخل باقي الحالات دكتورة؟
بيلسان: اي بس خليني نضم الاوراق بس
ممرضة: تمام
طلعت الممرضة ..و قعدت نرتب في الارواق وملفات المرضى
بيلسان: تفضل!
شاب: كيف حالك يادكتورة؟
بيلسان رفعت راسها ونصدمة انه نفس شخص كل مرة يضايق فيها و يعاكس
بيلسان عقدة حواجبها: اطلع برا
شاب: ههه لالا بشوية يادكتورة خلينا نطلعو مع بعض بس ونعجبك
بيلسان: انت شخص حقير وقح
شاب شدها من ايدها بقوة: شوفي عناد البنات مش معاي ندير الي نبيه فيك ..جسمك الحلو هدا
بيلسان رفعت يدها: قلة الأدب خليها ليك ..اطلع برا والا نطلب الامن فاهم
شاب: هههه به توا نشوف بينا اصلا ماتخافيش ونتبتلك
بيلسان بلعة ريقها بخوف: مانتهددش
ممرضة: فيه مريض يستنى
بيلسان: دخليه ..وانت اطلععع براا منغير حقارة
ممرضة: تمام
كملت حالاتي وجيت بنطلع ..كلمني دكتور ان فيه حاله خشيت للعملية و طلعت
بيلسان: يي علينا
دكتور: خيرك بيلسان ..؟
بيلسان: لا بس نشوف في العجلة نازله شوي
دكتور:, خلاص خلي تلفون مفتوح لان مرات نحتاجوك...وتوا نجي نصلحهالك
بيلسان ابتسمة: لالا نروح..وتمام توا نخليه عام
قعدة واقفه نستنى ندور في المفتاح تلفتت بنفتح الباب و حسيت بحد حط ايده ع فمي حاولت نتلفت بس ضربني ع راسي وفقدت الوعي
بيلسان م92 بنوتة هادية بس شخصية قويه ..قصيرة و جسمها متناسق و حلو
خواتها ازهار وخوها طارق .بوها طاهر و امها نعيمة
____________________________
صاحبه: اي بنمشو كلنا !
حمزة نفخ دخانه: به مليح
صاحبه: تعالى معانا تغير جو ياراجل
حمزة: لالا تعرفني جو استراحات مانحباش
صاحبه: ياراجل ولله مافيه حاجه
حمزة: انت ومني!
صاحبه: زمري..اني واحمد و منذر و باقي شباب ولله مافي بنات
حمزة: باهي تم استنى
صاحبه: خلاص كلمة
حمزة: اي نظم اموري ونكلمك ..نشوف العيلة بس
صاحبه: به تم
خش حمزة ..شاف امه و اخته شن ناقصهم و طلع
امه: وين بتمشي !
حمزة: ماشي مشوار مع الجماعه .للمزرعة
امه: باهي رد بالك ع روحك
حمزة: تم .كلميها بنتك جو طلوع لا
امه:باهي
حمزة: مرات نباتو تمام
امه: باهي غير ياولدي سواقه وجري لا
حمزة: باهي ياامي ولله ماني فرخ
امه سكتت
حمزة باس على راسها ولع سيارته و طلع
حمزة: وين !
صاحبه: ها يابرو ..قاعدين في طريق
حمزة: تم مسافة طريق معناها والا نتلاقو في مكان ؟
صاحبه: لالا نتلاقو جيهة ال$-+'"$
حمزة: تم
أنت تقرأ
بصمة عار 18+ ( روايات ليبية )
Romanceعندما تكون بصمة عائق بين طرفين تجمعهم علاقة حب كبيرة ؟ فما مصير حبهم ؟ رواية عاطفية ليبية ؟ ( حقيقية 100% )
